A Ch'an̈ Schab'il Libro Yic Yab'ixal Eb' Rey 17:27 - Chuj San Sebastian Bible

²⁷ 'Ix yaln win sreyl Asiria chi 'ixtic: Checc 'at junc eb' ya'mal 'och sti eb' 'anma 'a sdiosal cha, atn eb' eyijnac coti, yic tzc'och cajn ta', sec a 'oj cuynoc eb' 'anma yoch 'emmquilal 'a sdiosal jun nacion̈ cha, xchi.

Chuj San Mateo Bible

²⁷ Yuj chi' ix ac'ji meltzaj junoc eb' vin̈ sacerdote ic'b'ilb'at d'a preso chi' yuj vin̈ sreyal Asiria chi', yic vach' tz'aj vin̈ ta', yic sc'ayb'aj eb' anima chi' yuj vin̈ d'a tas snib'ej sDiosal jun chon̈ab' chi'.

A Ch'an̈ Schab'il Libro Yic Yab'ixal Eb' Rey 17:27 Referans Kwoze

2 Cr 11:15

Yujto a Jeroboam cha, xya'ch yopiso jun tzo'n̈ eb' tz'och ya'malc 'och sti eb' 'anma 'a scomn diosal, yic tz'och eb' 'emmquilal 'a jun tzo'n̈ macsej 'a jolmctac witz, yet' 'a eb' demonio, yet' pax 'a jun tzo'n̈ yechl wacx b'ob'il chan̈ yu'uj.

A Ch'an̈ B'ab'el Libro Yic Yab'ixal Eb' Rey 13:2

A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

A Ch'an̈ B'ab'el Libro Yic Yab'ixal Eb' Rey 12:31

'Ix sb'on pax Jeroboam chi yatutal jun tzo'n̈ comn dios chi 'a lum jolmctac witz. 'Ix si'n pax 'och jun tzo'n̈ eb' yit chon̈b' ya'malc 'och sti eb' 'anma 'a jun tzo'n̈ scomn diosal cha, atn eb' man̈ levitaoc.

Jueces 17:13

'Ix sna winac, to 'oj scha syaxilal Jehová, yujto levita jun 'aych ya'malc 'och sti 'a sdiosal cha.

A Ch'an̈ Schab'il Libro Yic Yab'ixal Eb' Rey 17:26

Yuj cha, 'ix 'at ya'noc eb' alxoc 'a win sreyl chon̈b' Asiria 'ixtic: A eb' 'anma 'ix ej 'at cajn 'a chon̈b' Samaria, man̈ yojcoc eb' yoch 'emmquilal 'a sdiosal jun lugar cha, yuj cha, a tz'a'n 'at e no león chi 'a scal eb', yic tzchin no eb', xchi eb'.

A Ch'an̈ Schab'il Libro Yic Yab'ixal Eb' Rey 17:28

Xlajw cha, 'ix jaw jun 'a eb' ya'mal 'och sti eb' 'anma 'a Dios 'aj Samaria to 'ijxnac 'at cha, ata 'ix can 'a Bet-el, 'ix cuywj 'a tas tz'aj yoch 'emmquilal 'a Jehová.

Esdras 7:25

Ach xo tic Esdras, caw 'ay a jelnal 'ac'b'il yuj a Diosal, yuj cha, 'a'ch eb' juez yet' eb' gobernador, sec a eb' tzb'on yaj smasnil eb' chon̈b' 'ay 'a sc'axpil 'ec' a Éufrates. Tza sic' 'elt eb' yojc xo sley a Diosal cha, ax eb' mant 'ojtnacoc, tza cuy eb'.