A Ch'an̈ Schab'il Libro Yic Yab'ixal Eb' Rey 17:23 - Chuj San Sebastian Bible

²³ Yuj cha, 'ix yi'n 'el Jehová eb' israel chi 'a yojltac, 'icha wal 'ix yutj yaln eb' schecab'. Yuj cha, 'ix 'ijx can 'at eb' israel 'a chon̈b' Asiria; ata xcan eb' ta'.

Chuj San Mateo Bible

²³ Yuj chi', ix yiq'uel eb' israel chi' Jehová d'a yichan̈, icha ix aj yalancan eb' schecab'. Ix ic'jib'at eb' preso d'a Asiria, ix cann̈ej eb' ta'.

A Ch'an̈ Schab'il Libro Yic Yab'ixal Eb' Rey 17:23 Referans Kwoze

A Ch'an̈ Schab'il Libro Yic Yab'ixal Eb' Rey 17:6

Ax yic sb'aln̈il xo ab'il yoch Oseas reyal, 'ix 'ajx ganar chon̈b' Samaria chi yuj eb' soldado Asiria. Xlajw cha, 'ix 'ijx 'at eb' israel 'a chon̈b' Asiria yu'uj. Xya'n pural win scan cajn eb' 'a chon̈b' Halah 'a yol yic Habor 'a sti a a yic Gozán, yet' 'a jun tzo'n̈ xo chuc chon̈b'al 'a yol yic eb' Medo.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

Am 5:27

Yujto xe b'eylb'ej sb'eyb'al eb' cha, yuj cha, 'oj ex wa'cn 'at 'icha presoal 'a spatquil 'at Damasco. 'Ixta wal tzwutj waln an Jehová in b'i tic, tztac' wuj smasnil, xchi Dios.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

A Ch'an̈ Schab'il Libro Yic Yab'ixal Eb' Rey 17:18

Yuj wal cha, caw 'ix cot yowl sc'ojl Jehová 'a chon̈b' Israel, 'ix yi'n 'el eb' 'a yojltac, palta cojxn̈ej jun 'in̈tal eb' 'ix cani, atn eb' yin̈tl Judá.

A Ch'an̈ B'ab'el Libro Yic Yab'ixal Eb' Rey 14:16

Yuj cha, 'oj on̈ ya'c 'och Jehová 'a yol sc'ab' jun tzo'n̈ xo chon̈ab', yuj wal smul win Jeroboam 'ix ya'chi. Yuj winac, 'ix 'och qui mulec, xchi win Ahías.

Miqueas 1:6

Yuj ton wal cha, tzyaln Jehová 'ixtic: 'Oj wac' lan̈chjoc 'ejm chon̈b' Samaria, toxn̈ej 'oj q'uecn b'uln sc'axpil. Sec 'oj 'ajcn yet'l 'icha 'aj wach' yawx te uva. At 'a lum pan̈ctac, atta 'oj in julcn 'at sq'uenal jun chon̈b' tic, ax scheclj can q'uet stzatzl yich.

A Ch'an̈ B'ab'el Libro Yic Yab'ixal Eb' Rey 13:2

A Jehová 'ix aln 'a 'a, yuj cha, caw ow xyutj yaln 'a jun yet'l xajmb'al chi 'ixtic: Ach yet'l xajmb'al, a Jehová 'ix aln 'ixtic: A 'a scal eb' yin̈tl David, ata 'oj 'aljoc jun winc 'unin, 'oj 'ajxoc sb'ic Josías. A 'a eb'an̈, ata 'oj yac' milxoc cham win jun tzo'n̈ eb' ya'mal 'och cob' sti eb' 'anma 'a scomn diosal, atn eb' tz'a'n jun tzo'n̈ incienso 'a eb'an̈, ax ya'n pax tz'a win sb'acl 'anma 'a eb'an̈, xchi Dios, xchi jun checb' cha.

A Ch'an̈ B'ab'el Libro Yic Yab'ixal Eb' Rey 9:7

toto 'ixta', 'oj wi'l in chon̈b' Israel tic 'a sat lum lum wa'jnac can 'ayx tic. A jun n̈a 'ix in si'cn 'och wico'oc can tic, 'oj wi'cn 'el 'a wojltac, nachji ax ex sb'uchn smasnil eb' nacion̈.

A Ch'an̈ Schab'il Libro Yic Yab'ixal Eb' Rey 17:22

'Ix sb'eylb'ejn̈ej eb' israel smasnil smaysch'olnilal sb'o Jeroboam.

Dt 32:20

'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Jueces 18:30

Ax jun yechl comn dios tzeyb'il, sb'och eb' 'a yet'ul yic tz'och eb' 'emmquilal 'a 'a. Ajun jun ya'mal 'och sti eb' 'a Dios yet'oc, atn Jonatán yin̈tl Gersón, yunnal Moisés. Ax eb' yin̈tl Jonatán, 'ix 'ochn̈j eb' ya'malc 'och sti eb' yic yin̈tl Dan masnto yic x'atcn eb' 'icha presoal yuj eb' asirio.

A Ch'an̈ Schab'il Libro Yic Yab'ixal Eb' Rey 3:3

Wach'xam 'ixta', palta 'ix sb'eylb'ejn̈ej smaysch'olnilal win Jeroboam yunnal Nabat, atn jun xjucb'tzan eb' yit israelal 'a maysch'olnil, yic 'ix y'an yajlil.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

A Ch'an̈ Schab'il Libro Yic Yab'ixal Eb' Rey 21:14

Ax jaywn̈ xo eb' in chon̈b' tic, 'oj wactc can eb', ax wa'n can 'och eb' 'a yol sc'ab' eb' 'ajc'ojl yajch 'a 'a, sec wach' 'oj 'ijxoc can 'ec' smasnil tas 'ay 'a eb'.

A Ch'an̈ Schab'il Libro Yic Yab'ixal Eb' Rey 23:27

Yuj ton wal cha, 'ix yaln Jehová ixtic: 'Oj wi'l Judá 'a wojltac, 'icha wutjnac eb' israel. 'Oj in patquilc can 'el jun chon̈b' sic'b'il 'el wu'uj, atn Jerusalén yet' watut, jun waljnac yu'uj, to ata tz'och 'emmquilal 'ayin, xchi.

A Ch'an̈ Schab'il Libro Yic Yab'ixal Eb' Rey 24:3

Wal yel 'ix jaw jun tic 'a yib'n̈ Judá, yujto a Jehová 'ix alni, sec tz'elch can eb' israel 'a yojltac yuj smasnil smaysch'olnil 'ix 'el sb'on win Manasés,

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Salmos 51:13

Yic wach' a eb' tz'ec' 'a yib'an̈, 'oj in cuy eb' 'a a b'eyb'al, ax eb' tzb'on maysch'olnil, 'oj meltzjoc pax 'och eb' wuj 'a yol a c'ab'.

Is 7:8

Yujto a chon̈b' Damasco, a sat yaj yuj eb' 'aj Siria, ax win Rezín a win rey 'a Damasco cha; a Samaria, a sat yaj 'a schon̈b' eb' yic Efraín, ax win yunnal Remalías, a win rey yaj 'a Samaria cha. Palta yic wal 65 ab'il, ax slajw 'ejm schon̈b' eb' yic Efraín, man̈x nacion̈oc ta'. 'Ixta pax 'oj eyaji, toto ma'oj in eya'ch yipc e c'ojol, ma'oj e te'nb'i 'a yol e chon̈ab', xchi Dios, xchi Isaías.

Jeremías 7:15

'Oj ex in pechcn 'el 'a wojltac 'icha wutjnac eb' eyican, atn eb' yin̈tl can Efraín, xchi Dios, xa chi a eb'.

Jeremías 52:3

Caw tenmtac xyutj sb'a 'a win sreyl Babilonia. A eb' 'aj Judá yet' eb' 'aj Jerusalén caw 'ix stzuntzj cot eb' yowl Jehová, yuj cha, 'ix yi'n 'el eb' 'a yojltac. Yuj jun tzo'n̈ cha, tz'ec' jun tzo'n̈ niwc yailal tic 'a yib'n̈ eb'.

Os 12:3

'Intax yic mantzac 'alj xon Jacob, toxn yamb'il yich sq'uenlyoc yu'tac yu'uj, ax yic 'ichm winc xo, xyac' owl yet' Dios.

Miqueas 1:5

'Oj ujc smasnil jun tzo'n̈ tic, yuj wal spitl eb' yin̈tl Jacob, yuj pax tas maysch'olnil 'ay 'a yol smacb'en Israel. Yujto 'a stenmtacl eb' yin̈tl Jacob cha, ata tzcheclj 'a chon̈b' Samaria. Ax 'a Jerusalén ata tzcheclj smul eb' 'aj Judá yic tz'och eb' 'emmquilal 'a jun tzo'n̈ comn dios.

Miqueas 2:5

Yuj e mul, yuj cha, may eyaln eyic 'a e macl 'a scal eb' schon̈b' Jehová.