A Ch'an̈ Schab'il Libro Yic Yab'ixal Eb' Rey 17:15 - Chuj San Sebastian Bible

¹⁵ 'Ix spatquilj can 'el eb' sley, yet' strato 'ix sb'o yet' eb' smam yichm eb', yet' schecnb'il y'ajnac 'a eb'. 'Ochnc pax tza'n eb' 'a spatquil jun tzo'n̈ comn dios to may jac yel'chi. A yuj jun tzo'n̈ cha, man̈x 'a jac yel'ch eb', cojxn stu b'eyb'al jun tzo'n̈ nacion̈ 'ay 'a stz'ey eb', a 'ix sb'eylb'ej eb', atn jun tzo'n̈ 'ay yowlal sb'eylb'an eb' yuj Jehová.

Chuj San Mateo Bible

¹⁵ Ix spatiquejel ley eb' yed' trato sb'onac Jehová yed' eb' smam yicham eb' chi'. Ix spatiquejpaxel checnab'il ix alchaj d'a eb'. Ix ochpax tzac'an eb' yuj juntzan̈ dios malaj jab'oc yelc'ochi. A yuj juntzan̈ chi' man̈xa jab'oc yelc'och eb', axon̈ej schuc b'eyb'al juntzan̈xo nación ix sb'eyb'alej eb', juntzan̈ to ay yovalil yuj Jehová sb'eyb'alaji.

A Ch'an̈ Schab'il Libro Yic Yab'ixal Eb' Rey 17:15 Referans Kwoze

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Jeremías 2:5

'Ix yal 'ayx 'ixtic: ¿Tas in mul 'ilchjnac yuj eb' e mam eyicham, yuj cha, in spatquiln can 'el eb'? 'Ix 'och tza'n eb' yuj jun tzo'n̈ comn dios to may jac yel'chi, yuj cha, man̈x 'a jac yel'ch x'ajcn eb'.

Jeremías 8:9

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.

A Ch'an̈ B'ab'el Libro Yic Yab'ixal Eb' Rey 16:13

Yuj wal smasnil smul Baasa yet' yic win Ela, 'ix 'och smul eb' sjucb'tzan eb' yit israelal 'a maysch'olnil, x'at yi'nc 'ejm sb'a eb' 'a jun tzo'n̈ comn dios, caw 'ix yij cot eb' yowl sc'ojl Jehová 'a yib'an̈, yuj cha, 'ix satl eb'.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

Jeremías 44:23

A jun yailal 'aych 'a quib'n̈ec tic, 'ix jaw 'ayn̈ec, yujto an̈ja eya'n incienso e xajmb'alc 'a jun tzo'n̈ chuc diosal. An̈ja eya'n 'och e mul 'a Jehová, yujto caw matz eyiclj scuynb'il yet' pax sley, an̈jtona ma'ix eyiclj schecnb'il, xin chi.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Salmos 115:8

A eb' tzb'on jun tzo'n̈ cha, yet' eb' tzya'ch sc'ojl 'a 'a, lajn cab' eb' 'icha sdiosal cha.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

2 Cr 33:9

Palta ax Manasés cha, a 'ix jucb'tzan eb' 'aj Judá, yet' eb' 'aj Jerusalén 'a maysch'olnil. Yel xo 'ec'b'al stul eb' 'a yib'n̈ stu b'eyb'al jun tzo'n̈ nacion̈ 'ix satl Jehová 'a 'aj 'ayc' eb' cha.

2 Cr 33:2

Palta caw maysch'olnil x'el sb'on 'a sat Jehová, yujto 'ix sb'eylb'ej stu b'eyb'alil jun tzo'n̈ nacion̈ yijnac 'el Jehová yic mantzac c'och eb' israel 'a lu'um.

A Ch'an̈ Schab'il Libro Yic Yab'ixal Eb' Rey 17:8

sb'eylb'ej eb' sb'eyb'al jun tzo'n̈ nacion̈ 'ix 'ijx 'el 'a sat lum lum yuj Jehová, yet' jun tzo'n̈ xo b'eyb'al 'ix sb'eylb'ej jaywn̈ eb' sreyl eb'.

A Ch'an̈ B'ab'el Libro Samuel 12:21

Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi.

Dt 32:31

Caw wal yojc eb' 'ajc'ojl cha, to a scolmal eb', matz tac' slajb'tzan sb'a yet' qui Colmal.

Jn 2:8

'ix yaln pax Jesús 'a eb' 'ixtic: —Al ticnec, lechc q'uet jab'oc, tzeya'n 'a win tz'a'n cuenta nupnel tic, xchi 'a eb'. Yuj cha, xya'n eb' 'a winac.

Lv 26:15

Toto tze patquilj can 'el in cuynb'il, may yel'ch in checnb'il 'ayex, tzeyixtn 'el in trato in b'ojnac eyet'oc,

A Ch'an̈ B'ab'el Libro Yic Yab'ixal Eb' Rey 11:11

Yuj cha, xyaln Jehová 'ixtc 'a 'a: Yujto 'ixtc tas tza b'o'o, ma'ix a yiclj in trato, yet' in checnb'il waljnac 'ayach, a ticnec, 'oj wi'c opiso, ax 'a junc eb' a checb' tic 'oj wac'a'.

Salmos 78:10

Ma'ix syiclj eb' strato yet' Dios, ma'ix snib'j xon eb' syiclj scuynb'il.

Jeremías 44:8

¿Tas yuj tzin e tzuntzej, yuj eya'n incienso xajmb'al-l 'a e diosal, yet' 'a jun tzo'n̈ xo sdiosal Egipto tic, atn jun 'aj ex jaw cajn tic? Yuj wal jun tzo'n̈ tic, ax e lajw 'eli. 'Oj jawc catb' 'a eyib'an̈, 'oj e b'uchx yuj smasnil eb' nacion̈ 'ay 'a yolyib'n̈q'uinl tic.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Ex 16:28

Yuj cha, xyaln Jehová 'a Moisés 'ixtic: —Yel xo wal matz eyiclj in checnb'il yet' in ley. ¿B'a'n̈ wal 'oj eyoch wan eya'n tenmtacl 'ayin?

Dt 18:10

May cab' junc mach 'a e cal tzyac' tz'a junc yunnal mto yisil xajmb'alil. May cab' junc mach tzcuy sb'a snan 'el paxti', tzyaln yuj tas tot 'oj jawoc, mto tzyal tas tzyal 'el'ch junc lab', mto tzcuy 'ajchumal, mto wayjlil,

Dt 29:24

Yuj cha, smasnil eb' 'anma 'a yolyib'n̈q'uinl tic, 'oj sc'anb'lac eb' 'a 'ixtic: ¿Tas laj yuj 'ixtc xyutj Jehová jun chon̈b' tic? ¿Tas laj wal yuj yel xo niwquil xyutj ya'n cot yowl sc'ojl 'a yib'an̈? 'oj schic eb'.

2 Cr 24:19

'Ix schecn cot Jehová schecb' 'a eb', sec tzya'x 'och eb' sc'ojl 'a 'a, palta man̈xtoc xchaj eb' yab' 'a eb' schecb' Dios cha.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.

Jeremías 44:22

Palta a Jehová caw man̈x 'ic techj yiln 'och jun tzo'n̈ maysch'olnil xe b'o cha, caw ma'ix chaj sc'ojol. Yuj wal cha, a qui chon̈b'ec, caw 'ix lan̈chj 'ejm ticnec, man̈x 'a mach cajn 'a 'a. Tox 'ix 'atcn catb' 'a yib'an̈, caw tzxiw eb' 'anma yiln 'ochi.

Ez 2:3

'Ix yaln 'ixtc 'ayin: Ach 'anma', an tzach in checb't 'a eb' et israelal. A jun tzo'n̈ 'anma cha, caw wal pit eb', 'ix 'och eb' 'ajc'ojlal 'ayin. 'Icha wal yutjnac sb'a eb' e mam eyichm 'a pecti', 'ixta tz'ajch pax eb' 'ajc'ojlal 'ayn ticnec.

Ez 12:2

Ach 'anma', ach tic cajn ach 'ec' 'a scal jun c'aj eb' 'anma caw wal pit. 'Ay cob' yol sat eb', palta 'icha to matz tac' yiln eb'; 'ay pax cob' schicn eb', palta 'icha to matz tac' yab'n eb', yujto caw wal pit eb'.