A Ch'an̈ Schab'il Libro Yic Yab'ixal Eb' Rey 15:5 - Chuj San Sebastian Bible

⁵ 'Ix ya'ch Jehová jun yab'il lepra 'a win rey cha. 'Aychn̈ej 'a 'a masnto 'ix chami. Yuj cha, man̈xtoc 'ix can win rey 'a sdespacho, chucx n̈al 'aj 'ix cani. Ax jun yunnal tzcuch Jotam, a x'ochcn yilmalc sdespacho winac, tzya'n pax yajlil 'a yib'n̈ jun nacion̈ cha.

Chuj San Mateo Bible

⁵ Ix yac'och jun yab'il scuch lepra Jehová d'a vin̈ rey chi' masanto ix cham vin̈. Yuj chi', majxo ajlaj vin̈ rey chi' d'a spalacio, ch'oc patil b'aj ix ajec' vin̈. Axo vin̈aj Jotam, vin̈ yuninal vin̈, a' vin̈ ix och yilumaloc spalacio vin̈ chi', ix yac'anpax yajalil vin̈ d'a Judá chi'.

A Ch'an̈ Schab'il Libro Yic Yab'ixal Eb' Rey 15:5 Referans Kwoze

Lv 13:46

A yic 'aych jun yab'il chi 'a 'a, yowlal tz'ijx 'el 'a scal 'anma', yujto 'ay smay jun yab'il cha, ata tz'at cancn 'el sch'ocj 'a spatc 'el camplamento.

Nm 12:14

'Ix ta'w Jehová 'a Moisés, 'ix yalni: Toto a smam 'unx stzub'n sat, can cab' 'unx 'a q'uixwc'ojlal 'a uque c'ual. Yuj cha, 'elcn cab' 'unx 'a spatquil 'el camplamento 'a uque c'ual, 'ixta to b'i'an, tztac' sjapx 'unx eyet'oc, xchi.

Salmos 72:1

Ach in Diosal, 'ac' a tojlal yet' a wach' nab'enal 'a win rey tic yet' yopiso, atn win wunnal an reyn sic'b'iln 'el oj tic,

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

A Ch'an̈ Schab'il Libro Yic Yab'ixal Eb' Rey 7:3

A yic cha, 'ayc' chan̈wn̈ winc 'aych lepra 'a 'a, ata 'ayc' eb' 'a sti spuertail chon̈b' cha, 'ix laj yal-lanc eb' 'a junjn 'ixtic: —¿Tas tzwul qui b'oc 'a tic? Ton̈j chotn on̈c 'ec' qui tan̈wni qui chami.

A Ch'an̈ Schab'il Libro Yic Yab'ixal Eb' Rey 5:27

Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ Schab'l Libro Samuel 3:29

A jun mul tic, can cab' 'a yib'n̈ Joab yet' 'a yib'n̈ eb' yin̈til. A 'a scal eb' cha, 'ay cab' mach 'oj yab'ilanc yuj jun yailal tz'el tas 'a sniwnal, 'ay cab' pax eb' 'oj yab'ilanc yuj lepra, 'ay cab' pax eb' 'oj 'em sb'eyi, 'ay cab' eb' 'oj milxoc cham yet' espada, 'ay cab' pax eb' 'oj cham yuj wejel, xchi.

Dt 24:8

Toto 'ay mach 'aj tzpitzw jun yab'il tzcuch lepra, yowlal tzeyiclj sleyl tzyal eb' ya'mal 'och sti eb' 'anma 'a Dios, atn eb' yin̈tl Leví. Tzeyiclj smasnil jun tzo'n̈ checnb'il 'ix walcn 'ayex, yet' pax 'a eb' levita cha.

Nm 12:10

A yic 'ix 'elx jun 'asn chi 'a yib'n̈ Mantiado cha, ax María 'ix pitzw chan̈ lepra 'a sniwnal, caw wal sac x'aj yuj jun yab'il cha. Ax Aarón 'ix 'at q'ueln 'a María, ax xyilni to 'ayx 'och lepra 'a 'a.

A Ch'an̈ Schab'il Libro Yic Yab'ixal Eb' Rey 15:6

Ax jantc to yab'xil Azarías yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il yab'xil eb' sreyl Judá.

1 Cr 5:17

Smasnil jun tzo'n̈ eb' cha, 'ix tz'ib'x eb' yet' yin̈til, yic 'aych Jotam reyl 'a Judá, ax Jeroboam 'aych reyl 'a chon̈b' Israel.

Os 1:1

An Oseas in tic, yunnal in Beeri, 'ix paxtin Jehová 'ayin, yic xya'n ewin tic reyl 'a chon̈b' Judá: Atn Uzías, Jotam, Acaz, yet' Ezequías, ax Jeroboam yunnal Joás, a 'aych reyl 'a chon̈b' Israel.

Miqueas 1:1

An Miqueas in tic, ata cajn in 'a chon̈b' Moreset 'a yol yic Judá. A yic xlaj 'ec' ewin tic reyl 'a Judá, atn Jotam, Acaz, yet' Ezequías, ata sch'ox Jehová wil 'a 'icha waychil yuj tas wan sjaw 'a yib'n̈ Samaria yet' Jerusalén. Yuj cha, xwaln 'ixtic:

A Ch'an̈ Schab'il Libro Yic Yab'ixal Eb' Rey 15:32

A yic chab' xo ab'il yoch Peka, yunnal Remalías reyl 'a chon̈b' Israel, 'ix schan 'el Jotam yunnal Uzías ya'n reyl 'a Judá.