A Ch'an̈ Schab'il Libro Yic Yab'ixal Eb' Rey 15:29 - Chuj San Sebastian Bible

²⁹ A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

Chuj San Mateo Bible

²⁹ A d'a stiempoal ayoch vin̈aj Peka reyal d'a Israel chi', ata' ix javi vin̈aj Tiglat-pileser sreyal Asiria, ix ac'ji ganar juntzan̈ chon̈ab' tic yuj vin̈: Aton Ijón, Abel-bet-maaca, Janoa, Cedes, Hazor, Galaad, Galilea yed' masanil yol yic Neftalí. Masanil eb' cajan d'a juntzan̈ chon̈ab' chi', ix ic'jib'at eb' icha preso d'a Asiria chi'.

A Ch'an̈ Schab'il Libro Yic Yab'ixal Eb' Rey 15:29 Referans Kwoze

1 Cr 5:26

Yuj wal cha, schecn Dios win Pul, atn win tzcuch pax Tiglat-pileser, sreyl chon̈b' Asiria, yic tzyi'n 'at win eb' rubenita, eb' gadita yet' spacl 'in̈tal eb' yic Manasés 'icha presoal 'a chon̈b' Halah, Habor, Hara, yet' 'a jun tzo'n̈ xo chon̈b' 'ay 'a stitc a Gozán. Ata xcann̈j eb'.

A Ch'an̈ Schab'il Libro Yic Yab'ixal Eb' Rey 17:6

Ax yic sb'aln̈il xo ab'il yoch Oseas reyal, 'ix 'ajx ganar chon̈b' Samaria chi yuj eb' soldado Asiria. Xlajw cha, 'ix 'ijx 'at eb' israel 'a chon̈b' Asiria yu'uj. Xya'n pural win scan cajn eb' 'a chon̈b' Halah 'a yol yic Habor 'a sti a a yic Gozán, yet' 'a jun tzo'n̈ xo chuc chon̈b'al 'a yol yic eb' Medo.

A Ch'an̈ Schab'il Libro Yic Yab'ixal Eb' Rey 16:7

Xlajw cha, 'ix schecn 'at Acaz jaywn̈ eb' schecb' 'a Tiglat-pileser, atn sreyl chon̈b' Asiria, yic tz'at alxc 'a 'ixtc yu'uj: An a checb' in tic, tzwa'ch in b'a 'a yol a c'ab' 'icha junc onnal. Yuj cha, cotan̈ yic tzwul in a colnc 'a yol sc'ab' sreyl chon̈b' Siria, yet' 'a sreyl chon̈b' Israel, to tzyac' eb' owl wet'oc, xchi.

A Ch'an̈ B'ab'el Libro Yic Yab'ixal Eb' Rey 15:20

'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.

Josué 20:7

Yuj cha, si'n 'el eb' israel jun tzo'n̈ chon̈b' 'aj wach' scoln sb'a eb' tzmilwji, atn jun tzo'n̈ chon̈b' tic: Quedes 'a Galilea 'a eb' lum jolmctac witz yic Neftalí, Siquem 'a jolm witz yic Efraín, Quiriat-arba (tzcuch pax Hebrón) 'a jolm witz yic Judá.

2 Cr 16:4

'Ix schaj sc'ojl Ben-hadad tas 'ix yalb't rey Asa, yuj cha, schecn cot eb' capitan̈ yet' eb' soldado, yic tzya'n eb' owl yet' jun tzo'n̈ chon̈b' 'a yol yic Israel. 'Ixta x'aj yajx ganar chon̈b' Iión, Dan, Abel-maim, yet' smasnil chon̈b' 'a yol yic Neftalí, atn 'a 'aj tzmolx smasnil tas tzc'uxxi.

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

Josué 11:1

A yic xyab'n win Jabín sreyl Hazor yuj smasnil jun tzo'n̈ tic, 'ix ya'n 'at win schecb' 'a win Jobab sreyl Madón, 'a win sreyl Simrón yet' 'a win sreyl Acsaf, yic tzyaln 'at sti', to junn̈j tzyutj sb'a eb'.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Is 7:20

A 'a jun tiempoal cha, 'icha junc joxlab' xil jolom, 'ixta 'oj yutc Dios smajnan win sreyl eb' 'aj Asiria 'a sc'axpil 'ec' sti a niwn a Éufrates. 'Oj wul yi'cc win smasnil tas 'ay 'a eb' israel, 'icha to 'oj sjoxl win xil sjolm eb', xil sti eb', yet' xil sniwnal eb'.

Is 1:7

A qui nacion̈ec tic, tox xcan 'a cusltaquil, 'ayx 'och sc'a'l qui chon̈b'ec. Ax smasnil sat cawb'enec, q'ueln on̈ wal 'ochi sc'uxn eb' chuc chon̈b'al. Xlajw can 'ejm smasnil yuj eb', cusltac xoj yilx x'ajcni.

A Ch'an̈ Schab'il Libro Yic Yab'ixal Eb' Rey 17:23

Yuj cha, 'ix yi'n 'el Jehová eb' israel chi 'a yojltac, 'icha wal 'ix yutj yaln eb' schecab'. Yuj cha, 'ix 'ijx can 'at eb' israel 'a chon̈b' Asiria; ata xcan eb' ta'.

A Ch'an̈ B'ab'el Libro Yic Yab'ixal Eb' Rey 9:11

A Hiram win sreyl Tiro, a x'a'n stel jun tzo'n̈ n̈a chi 'a Salomón, atn te c'ute', yet' te c'u'taj yet' pax smasnil q'uen oro xc'anx 'a 'a. Ax rey Salomón 'ix 'a'n junc'l chon̈b' 'ay 'a yol yic Galilea 'a Hiram cha.

Josué 16:6

Tzlajw cha, tz'atx lu'um, masnto tzc'och 'a a Mar Mediterráneo. A 'a snorteal slum eb' cha, ata 'ay Micmetat, axta tzmeltzj smon̈jonal chi 'a stojlal 'aj tzq'uel c'u, masnto 'a Taanat-silo. Tzlajw cha, tz'e'x 'a Janoa,

Josué 11:13

Palta ax eb' soldado israel, ma'ix sn̈us eb' jun tzo'n̈ xo chon̈b' 'ayc' xon 'a pecti', cojn chon̈b' Hazor sn̈us eb'.

Josué 11:10

Xlajw cha, xmeltzj pax Josué yet' eb' soldado, 'ix jaw eb' 'a chon̈b' Hazor. 'Ix smiln can win sreyl jun chon̈b' cha, yet' smasnil eb' cajn ta', c'uxn satl smasnil yuj eb', sn̈usn can eb' jun chon̈b' cha. Atn jun chon̈b' tic caw niwn yel'ch 'a scal jun tzo'n̈ xo eb' chon̈b' cha.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Dt 3:15

A 'a win Maquir ata xwac' lum yic Galaad.

Nm 32:40

'Ixtnta xyutj Moisés ya'n can lum Galaad chi 'a eb' yin̈tl Maquir, 'ix can cajn eb' ta'.

Nm 32:1

A eb' yin̈tl Rubén yet' eb' yic Gad, til wal scajb'en noc' eb'. Yuj cha, a yic 'ix yiln eb' lum smacb'en lum chon̈b' Jazer yet' lum yic Galaad, to caw wach' yilx lu'um, wach' scajn eb' scajb'en noc' chi 'a sat lu'um.

Lv 26:32

'Oj wac' lajwc 'ejm e chon̈b' cha, ax eb' 'ajc'ojl yajch 'ayex, a eb' 'oj wul cajnoc can paxi, 'oj laj sat sc'ojl eb' yiln jun cha.

A Ch'an̈ B'ab'el Libro Yic Yab'ixal Eb' Rey 14:15

'Oj stzicb'tan̈c Jehová chon̈b Israel tic 'icha tz'aj stzicb'tan̈x eb' te 'aj yuj a a'. 'Oj quijxec 'el an̈ israel on̈c tic 'a sat lum lum caw wach' 'ix 'ajx 'a eb' qui mam quichmec. 'Oj quijxec 'at 'a sc'axpil 'at a Eufrates, yujto 'ix qui b'oc jun sch'oxnb'il jun comn dios tzcuch Asera. Caw 'ix qui tzuntzjec cot yowl sc'ojl Jehová 'a quib'n̈ec.

A Ch'an̈ Schab'il Libro Yic Yab'ixal Eb' Rey 15:19

ata 'ix jaw win Pul sreyl Asiria yet' eb' soldado yac' owl yet' Israel. Yuj cha, 'ix yac' Menahem 750 quintal q'uen tumn plata 'a win Pul cha yic tz'och win yet'oc, sec wach' te'n yaj 'a yopiso.

A Ch'an̈ Schab'il Libro Yic Yab'ixal Eb' Rey 15:28

Palta caw maysch'olnil 'ix 'el sb'on 'a sat Jehová, ma'ix yactj can sb'eylb'an smasnil stu b'eyb'al Jeroboam yunnal Nabat, atn win xjucb'tzan eb' yit israelal 'a maysch'olnil.

A Ch'an̈ Schab'il Libro Yic Yab'ixal Eb' Rey 15:30

'A yic junc'l ab'il xo yoch Jotam yunnal Uzías reyl 'a Judá, ax win Oseas, yunnal Ela, 'ix 'och 'ajc'ojlal 'a Peka cha, a 'ix smiln chamoc, ax x'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 16:10

Xlajw cha, 'ix 'at rey Acaz 'a chon̈b' Damasco 'at scha win Tiglat-pileser sreyl chon̈b' Asiria. Ata 'ix yil jun yet'l xajmb'al. Xlajw cha, 'ix ya'n cot win yechl jun yet'l xajmb'al chi 'a win Urías ya'mal 'och sti eb' 'anma 'a Dios 'a Jerusalén, sec 'icha wal yaj jun cha, 'ixta tz'aj sb'o junc chi yuj winac.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

1 Cr 5:22

Til wal eb' 'ajc'ojl chi 'ix chami, yujto a jun owl cha, a Dios 'ay yico'. 'Ixta x'aj scan cajn eb' 'a jun tzo'n̈ slugar cha, masnto 'ix 'ijx 'at eb' 'a 'icha presoal.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Is 37:18

Yel wal Mamin Jehová, to a eb' sreyl chon̈b' Asiria cha, a eb' satjnac 'el jun tzo'n̈ nacion̈ cha.

Josué 19:35

Xcan jaye chon̈b' 'aych smuroal 'a eb': Atn Sidim, Zer, Hamat, Racat, Cineret, Adama, Ramá, Hazor, Cedes, Edrei, En-hazor, Irón, Migdal-el, Horem, Bet-anat yet' Bet-semes.

Jueces 18:30

Ax jun yechl comn dios tzeyb'il, sb'och eb' 'a yet'ul yic tz'och eb' 'emmquilal 'a 'a. Ajun jun ya'mal 'och sti eb' 'a Dios yet'oc, atn Jonatán yin̈tl Gersón, yunnal Moisés. Ax eb' yin̈tl Jonatán, 'ix 'ochn̈j eb' ya'malc 'och sti eb' yic yin̈tl Dan masnto yic x'atcn eb' 'icha presoal yuj eb' asirio.

A Ch'an̈ Schab'il Libro Yic Yab'ixal Eb' Rey 8:11

'Ix cham wal yoch q'ueln Eliseo 'a win Hazael, masnto tu 'ix yil winac. Yajn̈ej 'ix 'oc' chan̈ win schecb' Dios cha.

A Ch'an̈ Schab'il Libro Yic Yab'ixal Eb' Rey 15:20

'Ix ya'ch Menahem jun tojlb'al chi 'a yib'n̈ eb' yit chon̈ab'. A eb' rico jab'xoj man̈ chab'oc libra q'uen tumn plata tzyac' junjn eb' sec wach' tz'ajx jun tojlb'al chi 'a sreyl chon̈b' Asiria. 'Ixta 'ix 'aj smeltzj win sreyl Asiria yet' eb' soldado 'a slu'um, man̈xtoc 'ix 'och wan 'a yol yic Israel.

A Ch'an̈ Schab'il Libro Yic Yab'ixal Eb' Rey 18:11

Ata 'ix yij 'at eb' asirio chi eb' israel, 'ix 'at can eb' yuj eb' 'a chon̈b' Halah, 'a sti a Habor 'a yol yic Gozán, yet' 'a jun tzo'n̈ xo schon̈b' eb' medo.

A Ch'an̈ Schab'il Libro Yic Yab'ixal Eb' Rey 19:11

Ach tic 'ix ab'i, tas 'ix cutj qui satn 'el jun tzo'n̈ xo nacion̈ an̈ sreyl chon̈b' Asiria on̈ tic. ¿Tom 'oj cob' techjoc e coln e b'a e nani?

Is 7:16

A 'a yic mantzac 'och snab'en jun 'unn cha, a chawn̈ rey yet' chab' chon̈b' 'aj wan a xiw tic, 'oj can eb' 'a sictaquil.

Ez 23:9

Yuj cha, 'ix wa'n 'ix 'a yol sc'ab' ewin tzchamc'ojlan cha, atn ewin 'aj Asiria, yujto snib'j 'och 'ix ewinac.

Am 5:27

Yujto xe b'eylb'ej sb'eyb'al eb' cha, yuj cha, 'oj ex wa'cn 'at 'icha presoal 'a spatquil 'at Damasco. 'Ixta wal tzwutj waln an Jehová in b'i tic, tztac' wuj smasnil, xchi Dios.

Am 6:14

Yuj cha, tzcham wal eyiln ax israel ex tic. A Jehová Dios tztac' yuj smasnil, a tzaln 'ixtic: 'Oj in chec cot junc nacion̈ 'ayex yic tzwul ex satnc 'eli, tz'atn̈j 'a Hamat 'ay 'a stojlal norte, masnto tzc'och 'a a a 'aych smon̈jonalc 'a stojlal sur, xchi Dios.