A Ch'an̈ Schab'il Libro Yic Yab'ixal Eb' Rey 14:8 - Chuj San Sebastian Bible

⁸ Xlajw cha, schecn 'at Amasías schecb' 'a Joás sreyl chon̈b' Israel, yunnal win Joacaz, yixchicn Jehú. 'Ix yaln 'at 'a 'ixtic: Cotan̈, ca'lc qui b'a ca'n owal, xchi.

Chuj San Mateo Bible

⁸ Ix lajvi chi', ix schecanb'at eb' schecab' vin̈ d'a vin̈aj Joás sreyal Israel, yuninal vin̈aj Joacaz yixchiquin vin̈aj Jehú. Ix yalanb'at vin̈ icha tic: Cotan̈, cac' oval, xchib'at vin̈.

A Ch'an̈ Schab'il Libro Yic Yab'ixal Eb' Rey 14:8 Referans Kwoze

A Ch'an̈ Schab'il Libro Yic Yab'ixal Eb' Rey 14:11

Palta ax Amasías ma'ix schaj xon yab'i'. Yuj cha, 'ix cot Joás sreyl chon̈b' Israel yet' eb' soldado, ax Amasías yet' eb' soldado 'ix 'at eb', axta 'ix schaj sb'a eb' 'a Bet-semes 'a yol yic Judá.

Pr 25:8

A tas tzeyila, man̈ 'at e comn alc mu'c 'a eb' yajal, yujto lemb'il 'ay junc xo mach tzc'ochi, tz'at yalnc wal tas yaji, ax tz'aji, 'oj e q'uixw can 'eli.

Pr 20:18

A junc tas tznalb'ax yoch 'a yoclemal, wach' tz'aj 'el'chi, toto 'ay wach' nab'enal. Tztac' yajx ganar junc owal, toto wach' tz'aj yoch c'umjb'a 'a yib'an̈.

Pr 18:6

Yuj spaxti eb' 'anma may snab'en, yuj cha, tzq'ue wan owal; yuj spaxti eb' cha, ax sjaw yailal 'a yib'n̈ eb'.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

A Ch'an̈ B'ab'el Libro Yic Yab'ixal Eb' Rey 20:18

Yuj cha, xyaln win 'ixtic: Wach'xam x'elt ewin 'a junc'ojlal mto yuj owal, palta 'at 'ijec cot eb', pitznto cab' ewinac tzjaw eb' 'ayin, xchi.

A Ch'an̈ Schab'il Libro Yic Yab'ixal Eb' Rey 13:12

Ax jantc to yab'xil Joás yet' smasnil tas 'ix 'el sb'oni, yet' pax yic 'ix ya'n yip ya'n owl yet' Amasías sreyl Judá, ata tz'ib'b'il can 'a ch'an̈ libro 'a 'aj tz'ib'b'il can yab'xil eb' sreyl chon̈b' Israel.

Jueces 9:29

Q'uinloc wal an 'ayn 'och eyajliloc, pectix am pechb'il 'el Abimelec chi wuj 'a tic. Yajn̈ej tzwaln am 'a 'ixtic: Ach Abimelec, 'at yamb'tzej eb' a soldado smasnil, tzca'n owal, xin chi am 'a 'a, xchi Gaal.

2 Cr 25:14

A yic 'ix meltzj Amasías, yic smiln eb' 'aj Edom, atn eb' 'aj Seir, 'ix yij cot jun tzo'n̈ scomn diosal eb' 'aj Seir cha, xya'n 'och jun tzo'n̈ chi sdiosaloc, xyaln sb'a 'a 'a, 'ix sn̈usn incienso 'a 'a.