A Ch'an̈ Schab'il Libro Yic Yab'ixal Eb' Rey 14:3 - Chuj San Sebastian Bible

³ A smasnil tas x'el sb'on Amasías cha, tojl 'a sat Jehová, palta matz c'och 'icha wal yic David, atn smam yicham. Lajn xyutj sb'eyb'al 'icha yic smam, atn Joás.

Chuj San Mateo Bible

³ A tas ix sc'ulej vin̈ vach' d'a yichan̈ Jehová, palta maj c'ochlaj icha sc'ulejnac vin̈aj David, aton smam yicham vin̈. A sb'eyb'al vin̈aj Joás vin̈ smam vin̈ ix sb'eyb'alej.

A Ch'an̈ Schab'il Libro Yic Yab'ixal Eb' Rey 14:3 Referans Kwoze

A Sb'ab'el Carta San Pedro 1:18

A jun tzo'n̈ sb'eyb'al eb' qui mam quichmec, an̈j xqui b'eylb'ejc 'a yic yalan̈, palta nab'an̈ej cob' quixtjnaquec qui b'a. Ax ticnec, colchjnacn̈ec xo 'el 'a yol sc'ab' jun tzo'n̈ cha. Eyojc xo, to a qui colnb'ilec tic, ma'ix manx yet' jun tzo'n̈ tas ton̈j 'e'lb'a yeq'ui. A q'uen tumin, q'uen oro, yet' q'uen plata, may yopiso smann qui colnb'il tic.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

2 Cr 24:17

A yic tox 'ix cham Joiada cha, xjaw eb' yajl yaj 'a Judá, 'ix 'em n̈ojn eb' 'a yojltac win rey yic tzmontn eb' winac, schan win yab' 'a eb'.

2 Cr 24:2

A smasnil tas sb'o Joás, caw tojl 'a sat Jehová ya' sb'a pitznto win Joiada cha.

A Ch'an̈ Schab'il Libro Yic Yab'ixal Eb' Rey 12:2

A tas 'ix sb'o Joás, caw wach' 'a sat Jehová, ya' sb'a 'ix cuyx yuj Joiada ya'mal 'och sti eb' 'a Dios.

A Ch'an̈ B'ab'el Libro Yic Yab'ixal Eb' Rey 15:3

A win Abiam tic, 'ix sb'eylb'ej sb'eyb'al smam cha, 'icha wal yutjnac smam chi sayn smuloc, 'ixta pax xyutj ya'n 'och smul cha. Caw man̈ tojloc snab'en 'a sat Jehová sDiosal, man̈ 'ichaoc yutjnac David snab'en, atn win smam 'ichm win cha.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

A Ch'an̈ Schab'il Libro Yic Yab'ixal Eb' Rey 14:2

A Amasías cha, 25 ab'il sq'uinal yic schan 'el yich ya'n reyal. 29 ab'il 'ix yac' reyl 'a Jerusalén. Ax snun, Joadán sb'i, 'aj Jerusalén 'ix.

A Ch'an̈ Schab'il Libro Yic Yab'ixal Eb' Rey 14:4

Ma'ix yij pax 'el jun tzo'n̈ macsej 'a yet'l 'a jolmctac witz, an̈ja to ya'n eb' 'anma xajmb'al, tzn̈usntz'a pax eb' incienso ta'.

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

A Ch'an̈ B'ab'el Libro Yic Yab'ixal Eb' Rey 15:11

A win Asa cha, caw tojl xyutj win snab'en 'a sat Jehová, 'icha 'e'nc smam 'ichm David winac.

A Ch'an̈ Schab'il Libro Yic Yab'ixal Eb' Rey 18:3

Caw wach' tas 'ix 'el sb'on Ezequías 'a sat Jehová, 'icha tas sb'ojnac smam yicham, atn David.

A Ch'an̈ Schab'il Libro Yic Yab'ixal Eb' Rey 22:2

Caw tojl tas 'ix 'el sb'on Josías 'a sat Jehová, 'ix sb'eylb'ej 'icha sb'eyb'al David, atn smam yicham. May xon 'aj 'ix yij 'el sb'a jac 'a sb'eyb'al David cha.