A Ch'an̈ Schab'il Libro Yic Yab'ixal Eb' Rey 14:26 - Chuj San Sebastian Bible

²⁶ Yujto 'ix yil Jehová to caw wal 'oltac tz'ec' smasnil eb' israel yab'n sya'il, eb' 'aych checb'al, yet' eb' mun yic sb'a. May junc mach tzcolwj yet' eb',

Chuj San Mateo Bible

²⁶ Yujto ix yil Jehová to te ya tz'ec' eb' israel smasanil, malaj val junoc mach scolvaj yed' eb'.

A Ch'an̈ Schab'il Libro Yic Yab'ixal Eb' Rey 14:26 Referans Kwoze

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

A Ch'an̈ Schab'il Libro Yic Yab'ixal Eb' Rey 13:4

Ax rey Joacaz 'ix leslwi 'a Jehová, 'ix 'ab'x slesl cha, yujto 'ix yil Jehová to caw 'oltac tz'aj eb' israel yixtx yuj sreyl chon̈b' Siria.

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

A Ch'an̈ B'ab'el Libro Yic Yab'ixal Eb' Rey 21:21

Yuj cha, xyal Jehová 'a eb'n̈ 'ixtic: 'Oj wi' cot cusc'ojlal 'a eb'an̈, 'oj in satl smasnil ewin en̈til. 'Oj in satl eb' winc to niwc yel'chi, yet' eb' 'aych checb'al 'a scal chon̈b' Israel.

A Ch'an̈ B'ab'el Libro Yic Yab'ixal Eb' Rey 14:10

Yuj cha, 'oj wa' cot yailal 'a eb'n̈ yet' eb' en̈til. 'Oj in satl smasnil eb' winc 'a scal eb' et israelal, wach'xam moso man̈ yico'oc sb'a, wach'xam mun yic sb'a. Caw 'oj in satl eb' smasnil, 'icha wal tz'aj smesx 'el stza no cajb'en noc' 'a yet'ul, masnto tzlajw 'el smasnil.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.

Ex 3:9

Caw wal tzq'ue'ch yaw eb' et israelal yawj 'ayin, yujto til wal tz'aj eb' yixtx 'a 'aj 'aych mosoal cha.

A Ch'an̈ Schab'il Libro Yic Yab'ixal Eb' Rey 9:8

Smasnil yin̈tl Acab 'oj a satli, smasnil eb' winc 'aych mosoal to man̈ yico'oc sb'a, yet' eb' mun yic sb'a, 'oj satl eb' 'a scal chon̈b' Israel, man̈x 'a junc 'oj can 'a pitznal.

Salmos 22:11

Man̈ e'l a b'a 'a in tz'ey, yujto 'ayn 'och 'a in yailal; may pax mach tzcolwj wet'oc.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

Salmos 107:12

Yuj cha, xya'n 'och eb' 'a munljel caw ya, xlaj telw eb'. ¡Toc 'ay mach xcolwj 'a eb'!

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.