A Ch'an̈ Schab'il Libro Yic Yab'ixal Eb' Rey 11:4 - Chuj San Sebastian Bible

⁴ Ax 'a yucl ab'il, a Joiada yitb'eym 'ix Josaba cha, win sat ya'mal 'och sti eb' 'a Dios, 'ix yac' win 'awtx cot eb' capitan̈, yet' eb' tztan̈wni yatut eb' rey, ax win x'i'n 'och eb' yet' 'a yamq'uil yatut Jehová. Ata 'ix yac' win yac' eb' sti' sec tz'och eb' yet' win 'a tas nab'il yu'uj, 'ixta to b'i'an, 'ix sch'oxn win 'ilxoc win 'unn Joás yunnal can win rey chamnac.

Chuj San Mateo Bible

⁴ Axo d'a yuquil ab'il, a vin̈aj sat sacerdote Joiada yetb'eyum ix Josaba chi', ix schec vin̈ avtaj eb' yajalil soldado, eb' quereteo yed' eb' stan̈van spalacio vin̈ rey. A vin̈ ix ac'anoch eb' d'a yamaq'uil stemplo Jehová. Ata' ix schec vin̈ yac' sti' eb' yic tz'och eb' yed' vin̈ d'a tas nab'il yuuj. Ix lajvi chi' ix ch'oxjioch vin̈aj Joás yuninal vin̈aj Ocozías chi' d'a eb'.

A Ch'an̈ Schab'il Libro Yic Yab'ixal Eb' Rey 11:4 Referans Kwoze

A Ch'an̈ Schab'il Libro Yic Yab'ixal Eb' Rey 11:19

yajn̈ej x'el eb' capitan̈, yet' eb' quereteo, yet' pax eb' tztan̈wni win rey, yet' smasnil 'anma'. Jun yamn x'el eb' 'a yamq'uil yatut Jehová yet' win rey, masnto 'ix c'och eb' 'a yatut win rey cha. Ata 'ix 'och eb' 'a spuertail 'aj 'ayc' eb' tztan̈wni yatut winac. 'Ix 'em wocn win rey Joás 'a sdespacho eb' ya'jnacx reyal.

A Ch'an̈ Schab'il Libro Yic Yab'ixal Eb' Rey 11:9

Ax eb' capitan̈ cha, 'ix sb'o eb' smasnil tas 'ix yal Joiada cha. Junjn eb', 'ix schecb't eb' soldado, 'icha eb' tz'och yil 'a sc'ul 'iljelal, yet' eb' tz'elx cani, 'ix jaw eb' 'a 'a.

2 Cr 15:12

Xlajw cha, 'ix ya'n eb' sti', to a Jehová sDiosal eb' yet' smam yicham, cojn 'oj yac' servil eb' 'a smasnil sc'ojol, yet' 'a smasnil snab'en.

A Ch'an̈ Schab'il Libro Yic Yab'ixal Eb' Rey 11:17

Xlajw cha, 'ix yaln Joiada to tzb'o win rey yet' eb' chon̈b' junc strato yet' Jehová to tzya'cn 'och sb'a eb' schon̈b'oc. 'Ix yaln paxi to 'ay cab' junc strato win rey chi tzb'ocn yet' eb' chon̈ab'.

A Tas Sc'ulejnac Eb' Schecab' Jesús Hechos 5:26

Yuj cha, ax win sat stan̈mal yatut Dios, yet' ewin policía, x'at yi'nc cot ewin eb'. Palta man̈toc amancotn xit' yutc ewin yi'n cot eb', yujto xiw ewin sjul q'uenax yuj eb' 'anma'.

A Tas Sc'ulejnac Eb' Schecab' Jesús Hechos 5:24

Ax win sat ya'mal 'och sti eb' israel 'a Dios, yet' ewin yitb'eyum, yet' win sat stan̈mal yatut Dios, yic 'ix yab'n ewin jun tzo'n̈ cha, caw 'ix sat sc'ojl ewin si'mb'il. Ma'ix nachj 'el yuj ewinac, tas wal yaji.

Nehemías 10:29

'Ix syam sb'a eb' yet' eb' syajlil eb' to yicanto sb'a yet'oc. 'Ix yac' eb' sti', to 'oj sb'eylb'oc eb' sley Dios alb'il can yuj Moisés, win schecb' Dios, ax syiclni pax eb' smasnil schecnb'il, scuynb'il Jehová Dios, ax eb' ma'oj yiclnoc jun trato cha, 'oj jawc catb' 'a yib'n̈ eb'.

Nehemías 9:38

A yuj smasnil jun tzo'n̈ tic, tzca'n can qui ti an̈ tic, to tz'ib'xcani, chajtlto 'oj qui yiclc 'a caw yel. Yuj cha, a ch'an̈ un̈ 'aj tz'ib'x cha, to tz'och seyo yet' sb'i eb' qui yajlil a ch'an̈, eb' levita yet' eb' ya'mal 'och qui ti', xchi eb' 'a slesal.

Nehemías 5:12

'Ix ta'w eb', xyaln eb' 'ixtic: 'Oj cac' meltzjoc smasnil jun tzo'n̈ chi 'a eb', man̈x 'a tas 'oj cal yuj jun tzo'n̈ cha. 'Oj qui b'o smasnil 'icha tzotj aln cha, xchi eb'. Xlajw cha, xwawtn eb' ya'mal 'och sti eb' 'anma 'a Dios. 'A sat eb', xwa'n yac' eb' sti yuj tas xyal cha.

2 Cr 29:10

A ticnec, tox xin nalb'ej in b'on in trato yet' Jehová qui Diosalec an̈ israel on̈c tic, sec wach' tzyij 'el yowl sc'ojl 'a quib'n̈ec.

1 Cr 9:13

A eb' tic mamb'il yaj eb' 'a junjn n̈a'il. 'Ay 1,760 eb' winac, caw wal tztac' sb'on eb' munljel 'ay 'a yatut Dios.

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

A Ch'an̈ B'ab'el Libro Yic Yab'ixal Eb' Rey 18:10

'A sat Jehová qui Diosalec tzwaln 'ayach, to may junc lum nacion̈, 'aj ma ach sayx 'ec' yuj win wajlil cha. 'Ix laj yalnc eb', to man̈ ach 'ayc 'ec' ta', yuj cha, xyaln win wajlil chi 'a jun tzo'n̈ nacion̈ cha, to tzyac' eb' sti 'a winac, sec to yel to man̈ ach 'ayc' 'ec' ta'.

A Ch'an̈ B'ab'el Libro Samuel 23:18

'Ix sb'o eb' jun strato xchawn̈il 'a yojltac Jehová. Xlajw cha, 'ix meltzj Jonatán 'a yatut, ax David 'ix canx can 'a Hores.

A Ch'an̈ B'ab'el Libro Samuel 18:3

Ax Jonatán yet' David 'ix ya'n eb' sti 'a jun jun, chajtlto tzchamc'ojlej sb'a eb' 'a jun 'ejmn̈ej.

Josué 24:25

A 'a jun c'u cha, ata 'ix tzjucb'tzej Josué eb' chon̈ab' yic tzb'on eb' jun strato yet' Jehová 'a lum Siquem. Ata xyac' jun tzo'n̈ checnb'il yet' jun tzo'n̈ ley 'a eb'.

Gn 50:25

Xlajw cha, xyaln 'a eb' yican cha, to tzyac' eb' sti 'a 'a; xyaln 'a eb' 'ixtic: Wal yel a Dios 'oj jawc colwjoc eyet'oc. A yic 'oj ujc jun cha, yic tzex 'at cha, tzeyij 'at in niwnal tic eyet'oc, xchi José.

A Ch'an̈ Schab'l Libro Samuel 20:23

'Ixta 'ix 'aj yoch Joab yajlil 'a scal smasnil eb' soldado yic Israel, ax Benaía yunnal Joiada, a yajl yaj 'a eb' quereteo, yet' 'a eb' peleteo.

A Ch'an̈ Schab'il Libro Yic Yab'ixal Eb' Rey 11:3

Ata c'ub'b'il 'el win yet' 'ix tzq'uib'tzan win chi 'a yatut Jehová 'a waque ab'il. Ya' sb'a wan ya'n 'ix Atalía reinail 'a Judá.

A Ch'an̈ Schab'l Libro Samuel 8:18

Benaía win yunnal Joiada, yajl yaj 'a eb' soldado tztan̈wni rey David, atn eb' quereteo yet' eb' peleteo. Ax eb' yunnal David cha, sat yajl yaj eb' 'a eb' yajl cha.

A Ch'an̈ B'ab'el Libro Yic Yab'ixal Eb' Rey 14:27

Xlajw cha, ax q'uen bronce sb'o Roboam chi sjelc jun tzo'n̈ tzmacn sat jul-lab' to nab'a oro yaj sb'o cha. 'Ix ya'n can 'a eb' scapitan̈il eb' soldado 'aych stan̈malc sti yatut win cha.

A Ch'an̈ Schab'il Libro Yic Yab'ixal Eb' Rey 12:7

Yuj cha, 'ix yawtn cot rey Joás win Joiada, yet' jun tzo'n̈ xo eb' ya'mal 'och sti eb' 'anma cha, 'ix yaln 'a eb' 'ixtic: —¿Tas yuj mant 'a xon jac jun tzo'n̈ juwnc 'a yatut Dios tic tze b'o'o? Ax ticnec yic 'oj b'ey 'a cojltac tic, man̈x oquex 'oj e cha q'uen tumn 'a eb' 'anma', ax jantc xo q'uen 'ayc' 'ayex, yowlal 'oj eyac' 'elt q'ue'en, yic tzb'o jun tzo'n̈ juwnc 'a jun yatut Dios tic, xchi.