A Ch'an̈ Schab'il Libro Yic Yab'ixal Eb' Rey 11:19 - Chuj San Sebastian Bible

¹⁹ yajn̈ej x'el eb' capitan̈, yet' eb' quereteo, yet' pax eb' tztan̈wni win rey, yet' smasnil 'anma'. Jun yamn x'el eb' 'a yamq'uil yatut Jehová yet' win rey, masnto 'ix c'och eb' 'a yatut win rey cha. Ata 'ix 'och eb' 'a spuertail 'aj 'ayc' eb' tztan̈wni yatut winac. 'Ix 'em wocn win rey Joás 'a sdespacho eb' ya'jnacx reyal.

Chuj San Mateo Bible

¹⁹ Ix elta eb' yajalil soldado, eb' quereteo, aton eb' stan̈van vin̈ rey chi' yed' masanil anima. Yaman ix aj yel eb' yed' vin̈ rey d'a yamaq'uil stemplo Jehová, masanto ix c'och eb' d'a palacio. A d'a spuertail b'aj ayec' eb' stan̈van palacio chi' ix c'och eb', ix em c'ojan vin̈aj rey Joás chi' d'a yol sc'ojnub' eb' rey.

A Ch'an̈ Schab'il Libro Yic Yab'ixal Eb' Rey 11:19 Referans Kwoze

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Jeremías 22:30

A Jehová tzaln 'ixtic: Tz'ib'jec can 'a ch'an̈ libro yic registro, chajtlto lajn 'oj 'ajcn jun winc tic 'icha junc winc may yunnal, 'icha junc winc to man̈ wach'c x'aj 'el'chi. Yujto man̈x 'a junc yin̈tl 'oj 'och yac' reyl 'a sdespacho David, yic tzya'n reyl jun 'ejm xo 'a Judá, xchi Dios.

Jeremías 22:4

Toto caw yel 'oj e b'eylb'oc jun tzo'n̈ tzwal tic, to 'ixta', 'oj 'ochn̈j eb' yin̈tl David reyal. 'Aych eb' 'a yol caruaje, 'ay q'ue pax eb' 'a yib'n̈ chej ax yoxt eb' 'a spuertail jun despacho tic, ajun eb' niwc yopiso yet' smasnil eb' chon̈b' yet'oc.

Jeremías 17:25

Toto 'oj e b'on̈j 'icha tzwal tic, to 'ixta', 'ayn̈j eb' rey 'oj 'em wocn 'a sdespacho David. 'Oj 'oxtoc eb' 'a spuertail chon̈b' tic, yet' caruaje toc'b'il yuj chej, ajun eb' yajl yet' eb', yet' pax jun tzo'n̈ xo eb' 'ay 'a Judá, yet' pax eb' 'ay 'a Jerusalén. Ax eb' cajn 'a jun chon̈b' tic, may b'a'n̈ 'oj satl eb'.

2 Cr 23:19

An̈jtona', 'ix ya'n pax 'och stan̈mal sti spuertail yatut Jehová, sec wach' man̈ comnoc tz'och eb' 'anma to man̈ wach'c yaji.

2 Cr 23:5

Ax junx yic schamacn̈il, a tztan̈wni sdespacho win rey; ax junx yic yoxmacn̈il, a tztan̈wni spuertail cimiento. Ax smasnil eb' chon̈ab' 'ayc' cab' eb' 'a yamq'uil yatut Jehová.

1 Cr 29:23

'Ixtnta 'ix 'aj yochcn Salomón reyl 'a sdespacho Jehová sjelc David, atn smam. Caw wach' 'ix 'el'ch yet' yopiso cha, 'ix syiclj smasnil eb' israel 'a 'a.

A Ch'an̈ B'ab'el Libro Yic Yab'ixal Eb' Rey 1:13

'Ixc 'a win rey David, tzaln 'a win 'ixtic: Aljnac yet' 'a ti 'ayn mamin rey, chajtlto a win wune Salomón 'oj 'ochcn reyl a jeloc, a 'oj 'em wocn 'a a despacho. ¿Tas pax yuj a win Adonías 'ayx 'och reyal? xa chi 'a winac.

Gn 37:36

Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

2 Cr 23:20

Xlajw cha, 'ix yawtn cot smasnil eb' capitan̈ yaj 'a yib'n̈ jun ciente soldado yet' eb' to niwn yel'chi, yet' eb' gobernador yaj 'a junjn chon̈ab', yet' pax smasnil eb' 'anma'. Junn̈j 'ix 'elt eb' yet' win rey chi 'a yamq'uil yatut Jehová. A yic xc'och eb' 'a despacho cha, ata x'och eb' yet' win 'a jun puerta 'a cha'an̈. 'Ix ya'n 'ejm wocn eb' win rey chi 'a sdespacho yic tzya'n reyal.

A Ch'an̈ B'ab'el Libro Yic Yab'ixal Eb' Rey 14:27

Xlajw cha, ax q'uen bronce sb'o Roboam chi sjelc jun tzo'n̈ tzmacn sat jul-lab' to nab'a oro yaj sb'o cha. 'Ix ya'n can 'a eb' scapitan̈il eb' soldado 'aych stan̈malc sti yatut win cha.