A Ch'an̈ Schab'il Libro Yic Yab'ixal Eb' Rey 10:19 - Chuj San Sebastian Bible

¹⁹ Yuj cha, 'awtjec cot smasnil mach to schecb' yaji, yet' smasnil eb' to ya'mal 'och sti eb' 'anma yaj 'a 'a, may junc mach tzyac' palta, yujto 'ay jun in niwquil xajmb'al to yic Baal yaj wu'uj, tzann̈j mach tzyac' palta sjawi, 'oj milxoc chamoc, xchi. Palta a Jehú ton̈j 'ix yal jun tic, yujto yojc xoni, to 'oj milxoc cham eb' tz'och 'emmquilal 'a Baal cha.

Chuj San Mateo Bible

¹⁹ Yuj chi' avtejec masanil eb' vin̈ schecab' Baal yed' mach tz'ochtaxon ejmelal d'ay yed' masanil eb' sacerdote yaj d'ay. Man̈xa junoc mach max javi, yujto ol in b'o jun nivan silab' yuj vic'anchaan̈ Baal chi'. A mach max javi, yovalil tz'och chamel d'a yib'an̈, xchi vin̈. Palta ton̈ej ix yal jun chi' vin̈, masanil eb' tz'och ejmelal d'a Baal ol satel vin̈.

A Ch'an̈ Schab'il Libro Yic Yab'ixal Eb' Rey 10:19 Referans Kwoze

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ B'ab'el Libro Yic Yab'ixal Eb' Rey 18:19

A ticnec, checb't yi'mal cot smasnil eb' quit israelal, yet' eb' 450 schecb' Baal, yet' pax chan̈e ciente eb' schecb' Asera, atn eb' tz'ajx wa yuj 'ix Jezabel. Al 'a eb' to ata tzin chaj in b'a yet' eb' 'a lum jolm witz Carmelo, xchi Elías 'a Acab cha.

1 Ts 2:3

Caw tojl 'ec' cutjnac caln 'ayx on̈. Man̈ yujoc junc tas tzqui na 'a e patc yuj tas eya'jnac 'ayn̈ on̈, man̈ yujoc ex quixtn paxti', 'ec' calnc 'ayx on̈.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

Pr 29:5

A mach ton̈j tz'ac yal wach' paxti 'a junc yit 'anma'il, wan ya'n 'ejm ch'an̈ yal 'a yojltac jun cha.

Job 13:7

¿Am tzeyutj e nani to 'oj stac' e colwj 'a Dios yet' eya'm 'esal? ¿Am tzeyutj e nani to 'ay tas 'oj yac' ganar 'a spatic?

A Ch'an̈ Schab'il Libro Yic Yab'ixal Eb' Rey 10:18

Xlajw cha, 'ix ya'n Jehú syam sb'a smasnil chon̈ab', 'ix yaln 'ixtic: —A Acab jab' wal 'ochnc 'emmquilal 'a Baal, palta an xo, caw wal niwn 'oj woch 'emmquilal 'a 'a.

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.