A Ch'an̈ Schab'il Libro Yic Yab'ixal Eb' Rey 1:13 - Chuj San Sebastian Bible

¹³ Xlajw cha, 'ix schecn pax 'at win rey chi junx scapitan̈ yet' junx 50 soldado 'a yox'ejmal. Palta ax jun yoxl capitan̈ cha, 'ix q'ue'ch 'a 'aj 'ayc' Elías cha, 'ix 'em cumn 'a yojltac, 'ix tew 'och 'a 'a, 'ix yaln 'ixtic: —Ach schecb' Dios, tzin tew 'ayach, niwn cab' yel'ch in q'uinl 'a a sat yet' eb' 50 soldado a'mal servil tic.

Chuj San Mateo Bible

¹³ Ix lajvi chi' ix schecanxib'at junxo vin̈ capitán vin̈ rey chi' yed' 50-xo eb' vin̈ soldado d'a yoxelal. Palta a jun vin̈ capitán chi', ix q'uec'och vin̈ b'aj ayec' vin̈aj Elías chi', ix em cuman vin̈ d'a yichan̈ vin̈, ix yalan vin̈: —Mamin schecab' Dios, ac' val nivanc'olal d'a vib'an̈ yed' 50 eb' vin̈ soldado a checab' tic.

A Ch'an̈ Schab'il Libro Yic Yab'ixal Eb' Rey 1:13 Referans Kwoze

Is 1:5

¿Tas yuj an̈ja e nib'n eyi' cot yailal 'a quib'an̈? ¿Tom tze nib'j an̈ja eyec' 'a yib'an̈? Nac cot nab'an tas yailal 'ix 'ec' 'a quib'n̈ec yuj Dios. Yuj cha, lajn on̈c 'icha junc 'anma to 'ay q'ue yab'il 'a sjolom, ax sniwnal 'ipn yel yip.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.

Santiago 4:7

Yuj cha, yiclumn̈ej cab' tzcutjec qui b'a 'a Dios. Te'n tzcutjec qui b'a 'a win diablo, toto 'ixta', 'oj 'at win 'elc 'ayn̈ec.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Is 60:14

A smasnil yin̈tl eb' ex laj 'ixtn cha, 'oj jawc eb' wul yic' 'ejm sb'a 'ayex. Smasnil eb' xlaj chichnc 'och 'ayex, 'oj wul yal sb'a eb' 'ayex, ax yaln eb' eyu'uj to in chon̈b' ex. A chon̈b' Sión Yicn̈ej Jehová Yaji, atn jun Dios To Cojxni, 'oj schic eb'.

Ec 9:3

'Ay jun tas tu tzb'o 'a scal smasnil tas tzuj 'a yolyib'n̈q'uinl tic: atn yujto junn̈j tas tzon̈ satnec 'eli. Ax tas 'ayc' 'a qui nab'enec qui masnil, atn maysch'olnil yet' man̈ nab'enal; ax yic tzjaw tza'n̈joc qui chamlec 'a quib'an̈, tzon̈ satc can pax 'ejmi.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

Salmos 72:14

'Oj colxc 'el eb' 'a yol sc'ab' eb' milm cham 'anma', yet' 'a eb' tu snab'en, yujto a eb' meb'a cha, caw niwn yel'ch eb' 'a sat.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

A Ch'an̈ B'ab'el Libro Samuel 26:21

—David 'icha to wunnal ach, a ticnec tzwojquej 'eli to an 'ix 'och in mul; 'icha xoj junc 'anma may snab'en, 'ixta xwutj in b'a. Caw wal niwn 'aj xwac' sat in c'ojol. Palta meltzjan̈, man̈x 'a junc maysch'olnil 'oj in b'o 'ayach, yujto a 'a jun c'u tic, 'ix a ch'oxli to caw 'ay wel'ch 'ayach, xchi Saúl.

Ex 11:8

A yic cha, 'oj cob' to jawc jun tzo'n̈ eb' winc 'aych yajlil et' tic 'ayin, 'oj 'em cumn eb', ax yaln eb' 'ayn 'ixtic: 'Ixc yet' smasnil eb' chon̈b' tza'n 'och oj cha, 'oj schic eb'. A yic tox x'el'ch jun tzo'n̈ tic, ax qui 'at on̈, xchi Moisés. Caw wal ow Moisés yic 'ix 'el paxt 'a yojltac win rey cha.

A Ch'an̈ Schab'il Libro Yic Yab'ixal Eb' Rey 1:12

'Ix ta'w Elías 'ixtc 'a 'a: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. 'Ix tz'a win capitan̈ yet' eb' 50 soldado cha.

A Ch'an̈ Schab'il Libro Yic Yab'ixal Eb' Rey 1:14

'In to a chawn̈ eb' capitan̈ yet' eb' soldado 'ix b'ab'l wulc' 'ayach, 'in 'ix tz'a eb' yuj c'ac' xcot 'a satcha'an̈. Tzin tew 'aych ticnec, 'o'ch cab' a c'ojl 'ayin, xchi.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.