1 Ts 5:7 - Chuj San Sebastian Bible

⁷ A eb' 'anma cha, 'icha to waync eb'. 'Icha to 'u'm 'an̈ eb', yujto yic 'ac'wl yaj eb', q'uic'q'uinl to yaj spixn eb'.

Chuj San Mateo Bible

⁷ A eb' svayi, a d'ac'valil svay eb'. A pax eb' tz'uc'an an̈, a d'ac'valil syuc' an̈ eb'.

1 Ts 5:7 Referans Kwoze

A Schab'il Carta San Pedro 2:13

'Icha tzya'ch eb' yailal 'a yib'n̈ jun tzo'n̈ xo, 'ixta 'oj 'aj yajx 'och yailal 'a yib'n̈ eb' jun xo. Wach'xam c'ual, tzya'chn̈ej eb' snab'en sb'on jun tzo'n̈ tas tznib'j 'och eb', sec tzcob' tzaljc eb' yet'oc. Caw q'uixweltac yajch eb' 'a e cal, caw tu eyilx 'a sat Dios yuj eb'. Yujto tzcomn 'och eb' wac eyet'oc, yic tzeya'n mol wa'el. Ton̈j tzcomn 'och eb' chi eyet'oc, yic tzya'n eb' tzaljoc sc'ojl yet' jun tzo'n̈ tas tznib'j 'och cha.

Ro 13:13

'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

1 Co 15:34

Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

A Tas Sc'ulejnac Eb' Schecab' Jesús Hechos 2:15

¿Tom tze na'a to tzon̈ 'u'w 'an̈ on̈? Palta ma'ay. 'In tzeyila, to q'ue c'ulto ticnec.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

Job 33:15

'Ay 'aj tzpaxtin 'a waychil mto 'a 'ilwalil 'a junc mach, yic waync 'a 'ac'wal.

Job 4:13

A 'a 'ac'wal, 'a yic yorail tzcot swayn̈ eb' 'anma', ata x'och jun in waych tu yilxi.

Jn 2:10

'Ix yaln win 'a win 'ixtic: —A sley eb' 'anma', a jun yal uva wach', a tzyac' eb' 'u'xoc b'ab'el. Ax 'a slajub', a jun yal uva tzyal wal yu'xi, a tzyac' eb'. Palta ach tic, xa mol jun yal uva wach'. Ax ticnec wanto a'n 'elt 'u'xoc, xchi win tz'a'n cuenta cha.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.