1 Ts 5:15 - Chuj San Sebastian Bible

¹⁵ A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

Chuj San Mateo Bible

¹⁵ A eb' malaj svach'il syutej sb'a d'ayex, man̈ e pac e b'a d'a eb'. Vach'n̈ej tzeyutej e b'a d'ayex junjun ex yed' d'a eb' anima smasanil.

1 Ts 5:15 Referans Kwoze

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

3 Jn 1:11

Ach chamc'ojlb'il wu'uj, man̈ a b'eylb'oc sb'eyb'al eb' maysch'olnil. Cojn sb'eyb'al eb' wach' tza b'eylb'ej. Toto wach' tzcutj qui b'eyb'al, yic on̈ xo Dios. Palta a eb' maysch'olnil sb'eyb'al, toxn man̈ yojcoc eb' Dios.

Lv 19:18

An Jehová in, an tzwala. Man̈ e pac e b'a 'a eb' eyit 'anma'il. A eyico', to tze chamc'ojlej eb', 'icha wal tzeyutj eya'iln e b'a.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

2 Ti 2:24

A eb' tz'a'n servil Cajlil, matz tac' scomn 'a'n 'och sb'a eb' 'a scal owal. Yowlal manso tzyutj sb'a eb' 'a smasnil 'anma'. Yowlal wach' tzyutj cuywjoc sb'a eb', niwn pax tzyutj eb' sc'ojol.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

Salmos 38:20

A tas wach' tzwutj 'a eb', tu tzyutj eb' spacn 'ayin; tzlaj 'och eb' 'ajc'ojlal 'ayin, yujto wach' tzwutj in b'eyb'al.

Tito 3:2

Man̈ comnoc tzb'uchwj eb' 'a eb' yit 'anma'il. Matz tac' scomn 'a'n pax eb' owl yet' junc xo mach. Yowlal wach' tzyutj eb' snab'en, 'emmquil tzyutj sb'a eb' 'a smasnil 'anma'.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

1 Co 14:1

Caw tzeyac' eyip e chamc'ojlan e b'a junjn ex. An̈jtona', tzeya'n 'ip e sayn 'ec' jun tzo'n̈ 'opiso tzyac' Yespíritu Dios 'ayex. 'Ay wal jun 'opiso yel xo wach', atn jun alj 'el spaxti Dios.

1 Co 6:7

A yic tzlaj eya'nc queja e b'a, caw palta tzex can 'a sat Dios. Toto 'ay junc eyit creyenteal man̈ tojloc tzyutj sb'a 'ayex, comnoc ton̈j tzeyac' techjoc. Toto 'ay mach tz'elc'n junc tas 'ayex, 'a'c niwnc'ojlal 'a 'a.

Ro 14:19

Yuj cha, caw tzqui na'ec, tas tzcutjec qui b'a, sec junc'ojlal tzon̈ 'ajc qui masnil. Tzqui nanec paxi, chajtl tzcutjec qui mol 'a'nec 'och qui te'nal.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Mt 5:39

Palta an tzwal 'ayex, man̈ eyac' owl yet' eb' maysch'olnil tzyutj sb'a 'ayex. Toto 'ay mach tzma'n spac'b'il e ti 'a e wach', tzeyac' jun pac' xo e ti 'a e surito chi smac'a'.

Pr 25:21

Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'.

Pr 24:29

Man̈ eyac' e pac 'a eb' quit 'anma'il, 'icha wal tzex yutj eb'.

Pr 24:17

Man̈ ex tzaljoc yic tzcot 'a yib'n̈ eb' 'ajc'ojl yajch 'ayex.

Pr 20:22

May cab' b'a'n̈ tzeyala, to tze pac e b'a, 'a'c 'och e c'ojl 'a Jehová, sec a 'oj e colni.

Salmos 7:4

Toc wal 'ay 'aj tu xwutj in b'a 'a eb' wach' xyutj sb'a 'ayin. Toc 'ay 'aj 'ix wixtj eb' 'ajc'ojl yajch 'ayin, 'a yic may jac smul eb' tz'och 'ayin.

A Ch'an̈ B'ab'el Libro Samuel 24:13

'Ay jun paxti tzyal eb' 'anma pecti 'ixtic: A maysch'olnil, ata tzcot 'a eb' maysch'olnil, xchi. Yuj cha, may xon b'a'n̈ 'oj wi' chan̈ in c'ab' 'aych mamin rey.

Dt 16:20

Tojl cab'n̈ej tzyutj eb' sb'onyaj junc mach. Atn chi 'oj e b'o', sec tzaljc'ojlal 'oj e can cajn 'a sat lum lum 'oj yac' Jehová eyico'oc cha.

Gn 45:24

A yic xyaln can sb'a eb' yu'tac José chi 'a 'a, xyaln 'a eb' 'ixtic: —Man̈ eyac' owl 'a yol b'e, xchi 'a eb'. Xlajw cha, xpaxt ewinac.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

Ef 5:33

An̈jtona', tzyaln pax eyuj junjn ex ax 'ichmilab'il ex, chajtlto tze chamc'ojlej eyistzil, 'icha tzeyutj eya'iln e b'a junjn ex. Tzyaln pax eyuj ax 'istlab'il ex, to yowlal niwn cab' yel'ch eyichmil 'ayx junjn ex.

1 Co 16:10

Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.

Apoc 22:9

Palta xyaln 'ixtc 'ayin: —Man̈ a b'o 'ixtic, yujto an tic, ya'mal in pax servil Dios et'oc, yet' eb' et creyenteal. Atn eb' schecab', yet' jantcn̈ej eb' tzyiclni tas 'ix tz'ib'x can 'a jun libro tic. A 'a Dios tzal a b'a.

Pr 17:13

Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

1 Ts 5:21

Jantcn̈ej jun tzo'n̈ cuynb'il tzalx 'ayex, cham wal e nani, toto yel, mto ma'ay. A wal 'a jun tzo'n̈ yel, ata tzeya'ch e nab'en.

A Tas Sc'ulejnac Eb' Schecab' Jesús Hechos 16:28

Palta ax Pablo, x'awj 'elt 'a winac, xyaln 'ixtic: —Man̈ a mil a b'a, 'ayn̈ 'ec' qui masnil on̈, xchi 'elta.