1 Ts 4:9 - Chuj San Sebastian Bible

⁹ Man̈ yowlalc an tzwalb't 'ayex, tze chamc'ojlan eb' eyit creyenteal. Yujto caw a Dios tz'a'n nachjc 'el eyu'uj, tas tzeyutj e chamc'ojlan e b'a.

Chuj San Mateo Bible

⁹ Man̈ yovaliloc a in svalb'at d'ayex to tze xajanej eb' quetcreyenteal, yujto a val lac'an Dios tz'ac'an e na'a tas tzeyutej e xajanan e b'a.

1 Ts 4:9 Referans Kwoze

1 Jn 3:11

A jun checnb'il 'oj walb't 'ayx tic, yictax eyoch yico'oc Dios, eyamn 'och eyab'n yalx 'ixtic: Yowlal tzqui chamc'ojlejec qui b'a, xchi jun checnb'il tic.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

1 Jn 3:23

Atn schecnb'il tic, to tzca'c 'och qui c'ojl 'a Yunnal, atn Jesucristo, tzlaj qui chamc'ojlanc pax qui b'a, 'icha yutjnac yaln can 'ayn̈ec.

1 Jn 4:21

A aljnac can jun schecnb'il tic 'ayn̈ec, 'a 'aj tzyal 'ixtic: A eb' tzchamc'ojlan Dios, yowlal tzchamc'ojlej pax sb'a eb' yet' eb' yit creyenteal, xchi.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

1 Ts 5:1

Palta ex wu'tac, ex wanab', man̈ yowlalc tzwalb't 'ayex, 'aja tiempoal 'oj jawc Cajlilec.

A Tas Sc'ulejnac Eb' Schecab' Jesús Hechos 4:32

Ax eb' creyente smasnil, jun lajnn̈ej xyutj eb' snab'en. Junc'ojlaln̈ej x'aj eb'. May junc mach 'ix aln yico'oc junc tas sch'ocoj. Yujto jantcn̈ej tas 'ay 'a eb', junn̈j yaj yuj eb' smasnil.

1 Jn 2:10

Toto tzqui chamc'ojlejec eb' quit creyenteal, to 'ixta', sacq'uinl xo yaj qui pixnec, may junc tas tztac' sjun 'el qui nab'enec.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

A Sb'ab'el Carta San Pedro 4:8

Ax junx 'oj walb't 'ayx tic, to caw tzlaj qui chamc'ojloquec qui b'a yet' smasnil qui c'ojol. Wach'xam caw niwn smul junc xo mach 'ayn̈ec, toto 'ay qui chamc'ojlalec, 'oj ca'c niwnc'ojlal 'a 'a.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Ch'an̈ Carta D'a Eb' Hebreo 10:16

A 'a yic 'oj lajwc jun tiempoal cha, 'ayt junx in trato 'oj wac' 'a eb'. 'Ixtc 'oj wutoc: 'Oj wa'ch jun tzo'n̈ in checnb'il 'a spixn eb'. 'Icha to 'oj in tz'ib'c can 'a snab'en eb', xchi Cajlil.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Salmos 133:1

'Iltec wali, til wal sja'l yaj eb' to yu'tac sb'a, yanb' sb'a mto snul'j sb'a yic junn̈j tzyutj eb' snab'en smasnil.

Mt 22:39

Ax junx schab'l checnb'il, quen man̈ lajnoc yel'ch yet' jun tic, 'a 'aj tzyal 'ixtic: Tze chamc'ojlej eyit 'anma'il, 'icha tzeyutj eya'iln e b'a, xchi.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Lv 19:8

A mach tzchin no chib'j chi 'a schab'jial, tzcann̈j jun mul chi 'a yib'an̈, yujto comn tzyutj sc'uxn tas to wic yaji. A jun cha, yowlal tz'ijx 'el 'a e cal.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

2 Co 9:1

Ax jun eyofrenda 'oj eyac' 'a eb' quit creyenteal, man̈x yowlalc tzat walb't 'ayx yu'uj.

A Scarta San Pablo D'a Eb' Aj Filipos 3:15

An̈ec caw te'n on̈c xo, yowlal 'ixtc tzqui nac junjn on̈ec. Toto 'ayex, man̈ 'ixta'oc tze na'a, 'oj 'och Dios eyet'oc, sec 'oj nachjc 'el pax jun tzo'n̈ xo tic eyu'uj.