1 Ts 4:14 - Chuj San Sebastian Bible

¹⁴ An̈ec xo tic, tzca'c 'och 'a qui c'ojol, chajtlto a Jesús 'ix chami, 'ix pitzw paxi. 'Ixta 'oj 'aj pax eb' creyente chamnc xo. A Dios 'oj 'a'nc pax cot eb' yet' Jesús.

Chuj San Mateo Bible

¹⁴ A on̈xo tic scac'och d'a co c'ool to a Jesús ix chami, ix pitzvixi. Icha pax chi' ol aj eb' creyente chamnacxo. A Dios ol ac'anxicot eb' yed' Jesús.

1 Ts 4:14 Referans Kwoze

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

1 Ts 4:13

Ex wu'tac, ex wanab', tzqui nib'j on̈, caw tzeyojquej 'eli, tas wal yaj eb' creyente chamnc xo, sec matz ex cus yuj eb', 'icha tzcus eb' may tas tzya'ch yipc sc'ojol.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

Apoc 14:13

Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.

1 Ts 4:17

'Oj lajwcn̈ej cha, an̈ec pitzn on̈c to ta', junn̈j 'oj 'aj quijxec chan̈ yet' eb'. Ax qui q'ue'chec 'a scal 'asn 'a snan̈l satcha'an̈, ax qui chanec sjaw Cajlilec ta'. 'Ixta to b'i'an, ax qui canc yet' 'a jun 'ejmn̈ej.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

2 Ts 2:1

A ticnec ex wu'tac, ex wanab', 'oj calb't eyab' on̈, chajtl 'oj 'aj sjaw Cajlil Jesucristo, ax on̈ smolb'tzanc yet'oc. Tzon̈ tew 'at 'ayx on̈,

Zacarías 14:15

A jun yailal 'oj jawc 'a yib'n̈ eb' 'anma cha, a 'oj jawc pax 'a yib'n̈ no chej, no cameyo, yet' 'a yib'n̈ smasnil scajb'en noc' eb' 'ajc'ojl 'ayc' 'a scamplamento cha.

Gn 49:19

Ach xo ach tic Gad, 'oj c'och ewin 'ajc'ojl 'ayach, yic tzya'n eb' owl et'oc, palta 'oj 'at eb' 'elc 'ayach.

Ro 14:9

Yujto 'ix cham Cristo, 'ix pitzw paxi, sec wach' tz'och Yajlil 'a yib'n̈ eb' chamnac, yet' 'a quib'n̈ an̈ pitzn on̈c to tic.