1 Ts 3:3 - Chuj San Sebastian Bible

³ A xit' alnc 'ayex, sec wach' may ex tzsomchj e nab'en yuj tastc wan eyab'n syail. Yujto eyojc xoni, to yowlal tzjaw jun tzo'n̈ yailal chi 'a quib'n̈ec 'icha tznib'j Dios.

Chuj San Mateo Bible

³ A vin̈ xid' alannac d'ayex, yic vach' malaj ex somchajel e pensar yuj tastac van eyab'an syail. Yujto eyojtactaxoni to yovalil sja juntzan̈ yaelal chi' d'a quib'an̈ icha sgana Dios.

1 Ts 3:3 Referans Kwoze

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Ro 5:3

Man̈ yujocn̈ej cha, tzon̈ tzaljec, tzon̈ tzaljec paxi, yic tzcab'nec syal yu'uj. Yujto cojquec to a jun tzo'n̈ yailal cha, a tzwach' 'a'n qui te'nalec.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

A Tas Sc'ulejnac Eb' Schecab' Jesús Hechos 21:13

Palta xyaln Pablo 'ixtc 'ayn̈ on̈: —¿Tas yuj tzex 'oq'ui? ¿Tas yuj tzeya'ch in cusc'ojlal 'ixtic? Toc 'ay yel'chi, toto tzin sjal eb'. Toxn̈ej tzin smil cham eb' 'a Jerusalén chi yuj Cajlil Jesús, 'oj wac' in b'a 'a eb', xchi 'ayn̈ on̈.

1 Ts 5:9

Yujto a Dios, man̈ yujoc ya'n qui yailal, on̈ spojnec 'eli. On̈ spojc 'eli, yic tzqui chanec qui colnb'il 'a Cajlil Jesucristo.

1 Co 4:9

A tzin na'a, 'ix sch'ox Dios, to an̈ schecb' on̈ Cristo on̈, slajb' xoj caj on̈. 'Icha junc mach 'ayx 'och 'a yol sc'ab' chamel, tzmilx chamoc, 'ixta 'on̈ on̈. Ax eb' 'anma 'a yolyib'n̈q'uinl tic, yet' pax eb' ángel, ton̈j tz'och q'ueln eb', tzsat sc'ojl eb' yuj chajtl quilx on̈.

Salmos 112:6

A eb' tojl snab'en, nab'il cot eb' 'a smasnil tiempo, may xon b'a'n̈ 'oj can eb' 'a yalan̈.

A Sb'ab'el Carta San Pedro 2:21

On̈ yawtjec 'och Dios yico'oc, sec tzcab'c syal yuj qui wach' b'eyb'alec tic. Yujto a Cristo, yab'jnac syal cujec. 'Ixta yutjnac sch'oxn swach' b'eyb'al 'ayn̈ec, sec a tzqui b'eylb'ejec.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

A Tas Sc'ulejnac Eb' Schecab' Jesús Hechos 2:25

A rey David, yaljnac can yab'xil Jesús, chajtlto 'oj pitzwc paxi. Yaljnac can 'ixtic: Smasnil tiempo caw nab'ilchn̈ej wu'uj. 'Aych 'ec' 'a in tz'ey, yuj cha matz somchj 'el in nab'en.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

Lc 21:12

Palta a yic mantzac jaw jun tzo'n̈ cha, 'ay eb' 'oj eyamni, ax ya'n eb' stul 'ayex. 'Oj ex yi't eb' ex sb'eyc'ojloc 'a scapiya, ax ex ya'n 'och eb' 'a preso. 'Oj ex yi't eb' 'a yojltac ewin rey, yet' 'a ewin gobernador, yujto 'aych e nab'en 'ayin.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

2 Ts 1:4

Yuj cha, tz'ec' cal e wach'l 'a scal eb' creyente 'a junjn yiglesia Dios. Yujto til wal tas tz'ajx 'och 'a eyib'an̈, caw niwn syal wan eyab'n ta', palta caw te'n tzeyutj eya'n 'och e c'ojl 'a Dios. Wan eya'n techjoc smasnil.

Apoc 2:13

[Wojtac, jantcn̈ej tas tze b'o'o.] Wojtac, to 'ayx 'ec' 'a jun chon̈b' 'aj tzyac' Satanás yajlil, palta an̈ja yiclum ex 'ayin. A Antipas, caw yel ya'jnac testigoal sb'a wu'uj. 'Ix milx cham 'a e cal, 'a 'aj 'ayc' Satanás cha, palta an̈ja ma'ix eyactj can eya'n 'och e c'ojl 'ayin.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

A Tas Sc'ulejnac Eb' Schecab' Jesús Hechos 21:11

Xit' win on̈ sc'umc on̈. Yic wan qui c'umn qui b'a yet' win on̈, 'ix yi'n 'el win sjal-l snan̈l Pablo. 'Ix sjaln teln sb'a win yet'oc. Xlajw cha, xyaln win 'ixtic: —A Yespíritu Dios tzaln 'ixtic: A eb' israel 'a Jerusalén, 'ixtc 'oj yutc eb' sjaln pax jun 'ay yic jun jal-l tic. 'Oj lajwc cha, ax ya'n 'och eb' 'a yol sc'ab' eb' man̈ israeloc. 'Ixta tzyal Yespíritu Dios, xchi winac.

Job 23:14

A tas snalb'ej sb'on 'a in patic, tzb'on̈ej; 'ayt pax jun tzo'n̈ xo tas nab'il yu'uj, quen man̈ lajnoc yet' jun tzo'n̈ tic.