1 Ti 5:3 - Chuj San Sebastian Bible

³ Tzwaln pax 'at jun tzo'n̈ checnb'il tic yuj eb' 'ix 'ix chamnc xo yichmil. A eb' caw sch'ocoj, yowlal tzon̈ colwjec 'a eb'.

Chuj San Mateo Bible

³ Svalanpaxb'at juntzan̈ checnab'il tic yuj eb' ix chamnac yetb'eyum. A eb' ix chi', tato d'a val yel sch'ocoj eb' ix, yovalil tzon̈ colvaj d'a eb' ix.

1 Ti 5:3 Referans Kwoze

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.

A Tas Sc'ulejnac Eb' Schecab' Jesús Hechos 6:1

A 'a jun tiempoal cha, 'ix niwtj sb'isl eb' creyente. Palta a eb' creyente griego sti', 'ix cot yowl eb' 'a eb' creyente hebreo sti', yujto yic 'ix 'ajx wa eb' meb'a 'a junjn c'u, man̈ tz'acnoc x'ajx yic eb' 'ix chamnc yichmil griego sti'.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

Dt 10:18

Tz'o'ch sc'ojl 'a eb' meb'a 'unn chamnc smam, yet' 'a eb' 'ix 'ix chamnc yichmil. 'Ay schamc'ojlal 'a eb' chuc chon̈b'al cajn 'a qui calec, tzyac' tas tzc'ux eb', tzya'n pax spichl eb'.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

Dt 16:14

A 'a jun q'uin̈ cha, ata tzeyac' tzaljoc e c'ojl yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Dt 16:11

Tze nan jun q'uin̈ chi 'a yojltac Jehová Dios, 'a jun lugar 'oj si'l yico'oc cha. Tze mol naj jun q'uin̈ chi yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

A Sb'ab'el Carta San Pedro 3:7

Ax xo ex 'ichmilab'il, caw wach' tzeyutj e nab'en 'a eyistzil. Nachj cab' 'el eyu'uj, to lajn eb' 'icha junc chen c'un spoji. 'Ay cab' yel'ch eb' 'a e sat, yujto junn̈j e q'uinl xe chaj yet' eb' yuj swach'c'ojlal Dios. 'Ixta tzeyutj e b'a 'a eb', sec ma'oj juwc e lesl yet' eb'.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

1 Ts 2:6

Tztac' ton caln qui b'a yajlil 'ayex, yujto schecb' on̈ Cristo on̈. Palta 'in ma'ix quij chan̈ qui b'a 'ayx on̈. An̈jtona', may pax junc xo mach 'aj xquij chan̈ qui b'a on̈.

A Tas Sc'ulejnac Eb' Schecab' Jesús Hechos 9:39

Yuj cha, 'ix 'at Pedro yet' eb'. Yic 'ix c'ochi, xyi'n q'ue eb' 'a jun cuarto chi 'aj 'ay sniwnal 'ix Dorcas cha. Ata yamn yaj eb' 'ix chamnc yichmil. Wan yoc' eb' yuj 'ix. 'Ay jun tzo'n̈ spichl eb', yet' jun tzo'n̈ scamx eb' sb'ojnac 'ix Dorcas cha, yic 'ayc' yet' eb'. 'Ix sch'ox eb' jun tzo'n̈ chi 'a Pedro cha.

Lc 7:12

Ax yic wan sc'och eb' 'a jun chon̈b' cha, 'ix yiln eb' wan s'at jun xi'lb'a mucxoc yuj eb' 'anma chi ta'. Til wal eb' 'aj chon̈b' chi wan s'at yet'oc. A win xcham cha, yune jun 'ix chamnc yichmil, cojn jun c'otn̈ yune 'ix cha.

Lc 2:37

Ax ticnec, 84 ab'il xo scan 'ix sch'ocoj. Caw matz yactj can 'ix yatut Dios, sc'ual yac'wlil ya'n servil 'ix Cajlil. Tzya'n 'och sb'a 'a c'ajb'c'ojlal, tzleslwi paxi.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 15:6

Ax xo tic tzeyala, toto 'ay mach tzaln 'ixta', man̈x yowlalc tzcolwj 'a smam snun. 'Ixta tzeyutj eyixtn 'el schecnb'il Dios, yujto an̈j jun tzo'n̈ sley e mam eyichm tze b'eylb'ej.

Jeremías 49:11

Can cab' eb' eyunnal meb'a'il, an 'oj in tan̈wc eb', ax eb' 'ix 'ix chamnc yichmil, tztac' in ya'n 'och eb' 'ix yipc sc'ojol, xchi Dios.

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Salmos 94:6

Tzlaj milx cham eb' 'ix chamnc yichmil yuj eb', eb' chuc chon̈b'al yet' eb' meb'a 'unn chamnc smam.

Salmos 68:5

A Dios cajn 'ec' 'a yol scajnub', jun to yicn̈ej yaj sch'ocoj. A 'aych smamc eb' meb'a 'unn chamnc smam, scolmal pax eb' 'ix chamnc yichmil.

Job 31:16

May 'aj ton̈j in 'och queln 'a eb' meb'a', yic 'ay tas sc'a'l tz'och yuj eb', man̈ ton̈joc xwila, x'och swejl eb' 'ix 'ix chamnc yichmil.

Job 29:13

A eb' tzlajw 'ejm yuj meb'a'il, xyal eb' yuj diosal 'ayin; ax eb' 'ix 'ix chamnc yichmil, tzalj eb' 'ix yujto tzin colwj 'a eb'.

1 Ti 5:2

'Ixta tzotj aln pax 'a eb' chichmtac 'ix, 'icha tzotj aln 'a a nun. An̈jtona', yet' 'a eb' cob'stac 'ix, wach' tzotj aln pax 'a eb', 'icha cab' tzotj aln 'a junc caw anab'. Man̈ cab' chab'satoc tzotj paxtinc a b'a 'a eb'.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

A Tas Sc'ulejnac Eb' Schecab' Jesús Hechos 9:41

Yajn̈j wal cha, 'ix 'och yamn 'a c'ab' 'ix. 'Ix sto'n q'ue wa'an. Xlajw cha, 'ix yawtn pax q'ue eb' 'ix chamnc yichmil cha, yet' jun tzo'n̈ xo eb' creyente. 'Ix sch'oxn 'elt Pedro chi 'ix 'a eb', chajtlto 'ix pitzw pax 'ix.