1 Ti 5:2 - Chuj San Sebastian Bible

² 'Ixta tzotj aln pax 'a eb' chichmtac 'ix, 'icha tzotj aln 'a a nun. An̈jtona', yet' 'a eb' cob'stac 'ix, wach' tzotj aln pax 'a eb', 'icha cab' tzotj aln 'a junc caw anab'. Man̈ cab' chab'satoc tzotj paxtinc a b'a 'a eb'.

Chuj San Mateo Bible

² Icha pax chi' tzutej alan d'a eb' ix chichimtac ix, icha tzutej alan d'a ix a nun. An̈ejtona' d'a eb' ix cob'estac, vach' tzutej alan d'a eb' ix, yujto icha anab' yaj eb' ix. Man̈oc d'a chab'satil tzal d'a eb' ix.

1 Ti 5:2 Referans Kwoze

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

Mt 12:50

Yujto tzann̈j eb' tzb'on 'icha tznib'j in Mam 'ayc' 'a satcha'an̈, atn eb' chi 'icha wu'tac, 'icha wanab', 'icha in nun yaji, xchi.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

1 Ti 5:3

Tzwaln pax 'at jun tzo'n̈ checnb'il tic yuj eb' 'ix 'ix chamnc xo yichmil. A eb' caw sch'ocoj, yowlal tzon̈ colwjec 'a eb'.

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

1 Ts 5:22

Smasnil tas maysch'olnil, caw man̈ e cha eyab'i'.

1 Ti 5:1

Man̈ a tumc eb' 'ichmtac winac. 'Ac' snab'enoc eb' 'a 'emmquilal, 'icha tzotj aln junc tas 'a a mam. Yet' pax 'a eb' quelmtac winac, wach'n̈j tzotj aln 'a eb', 'icha tzotj aln 'a junc caw o'tac.