1 Ti 5:15 - Chuj San Sebastian Bible

¹⁵ Tzwalb't jun tzo'n̈ tic 'ayach, yujto 'ay eb' 'ix chamnc yichmil, tox 'ix meltzj pax 'a spatic. Ax ticnec, a win Satanás tzyac' servil eb'.

Chuj San Mateo Bible

¹⁵ Svalanb'at juntzan̈ tic d'ayach, yujto ay eb' ix chamnac yetb'eyum toxo ix meltzajpax d'a spatic. Axo ticnaic, a vin̈ Satanás syac' servil eb' ix.

1 Ti 5:15 Referans Kwoze

A Schab'il Carta San Pedro 2:2

Til wal eb' 'oj b'eylb'anc jun stu b'eyb'al eb' cha. Yuj eb' cha, 'oj alxoc, to may yel'ch jun b'eyb'al yel 'aj 'ayn̈ec 'och tic.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

2 Ti 4:10

Yujto a Demas, in yactj can in ch'ocoj. 'Ix 'at 'a Tesalónica, yujto cojn tas 'ay 'a yolyib'n̈q'uinl tic tznib'j 'ochi. Ax cu'tac Crescente, 'ix 'at 'a Galacia. Yet' cu'tac Tito, 'ix 'at pax 'a Dalmacia.

1 Ti 1:20

'Ixta xyutj sb'a Himeneo yet' Alejandro. Yuj cha, xwa'n 'och eb' 'a yol sc'ab' win Satanás, sec tzyojquej 'el eb', to matz tac' qui comn b'uchwj 'a Dios.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

A Schab'il Carta San Pedro 3:16

A 'a junjn scarta stz'ib'j can jun tzo'n̈ tic. Palta 'ay 'aj caw ya snachji. 'Ay eb' mant 'a snab'en, mant 'a ste'nal, man̈ tojloc tzyutj eb' snan 'el'ch jun tzo'n̈ cha. 'Ixta pax tzyutj eb' snan 'el'ch jun tzo'n̈ xo spaxti Dios tz'ib'b'il cani. Yuj cha, 'oj satcn 'el eb'.

2 Ti 2:18

Yuj cha, xyactn can eb' jun cuynb'il caw yel. Tzcob' yalnc eb' 'ixtic: Tox 'ix pitzw pax eb' chamnac, xchi cob' eb'. Ton̈j tz'ec' yac' eb' somchjc 'el snab'en nan̈locx eb', sec man̈xtzac ya'ch eb' sc'ojl 'a Cajlil.

2 Ti 1:15

Ojc xoni, smasnil eb' creyente 'a yol yic Asia, yactjnacn can eb' in ch'ocoj. An̈jtona', yactjnacn can pax Figelo yet' Hermógenes.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.