1 Ti 1:7 - Chuj San Sebastian Bible

⁷ Tznib'j eb' ya'ch sb'a cuywjumal 'a ley yic Moisés. Palta man̈ jac tznachj 'el yuj eb', tas tzyal eb'. Wach'xam caw tzte'wtzej sb'a eb' cob' yalnoc, palta matz nachj 'el yuj eb', tas chi tzyal eb'.

Chuj San Mateo Bible

⁷ Sgana eb' syac'och sb'a c'ayb'umaloc d'a ley Moisés. Palta max nachajel-laj yuj eb' tas syalelc'ochi. Vach'chom stec'b'ej sb'a eb' yalani, palta max nachajpaxel yuj eb' tas van yalan eb' chi'.

1 Ti 1:7 Referans Kwoze

Ro 1:22

Wach'xam tzyalch sb'a eb' 'anma jelnal, palta caw man̈ nab'enal yaj eb'.

A Schab'il Carta San Pedro 2:12

'Icha junc noc', may jac tas tznachj yu'uj, 'ixta eb' 'anma cha, yujto cojxn wal tas tznib'j 'och sniwnal eb' tzb'o'o. Yuj cha, 'icha junc noc', cojn yopiso syamchji, tzmilx chamoc, 'ixta eb'. Ton̈j tzcomn b'uchwj eb' 'a jun tzo'n̈ tas man̈ yojcoc. 'Oj wach' satcn 'el eb', yujto caw maysch'olnil tzyutj sb'a eb'.

1 Ti 6:4

A eb' 'ixta tzyutj sb'a, may jac tas yojc eb', ton̈j tzb'an̈ sb'a eb'. Tznib'n eb' scomn 'a'c owl yet' junc xo mach. Tznib'n pax eb' tzcomn tej sb'a yuj jun tzo'n̈ xo paxti'. Cojxn wal jun tzo'n̈ tic tzlaj sb'o eb' 'a smasnil tiempo. Palta yuj jun tzo'n̈ tzb'o eb' cha, tzpitzw chichnc'ojlal, owal, b'uchwal, tu nab'enal,

Gl 3:5

A Dios ya'jnac Yespíritu 'ayn̈ec. Sch'oxn pax jun tzo'n̈ milagro 'a qui calec. Palta ¿tasm yuj tze na'a? Man̈ yujoc qui yiclni ley yic Moisés, palta yuj ca'nec 'och qui c'ojl 'a jun wach' 'ab'x alb'il 'ayn̈ec.

2 Ti 3:7

A eb' 'ix 'ix cha, smasnil tiempo tzcob' ya'lc eb' scuyn sb'a, palta may b'a'n̈ 'oj yojcoc 'el eb' jun cuynb'il caw yel.

Gl 3:2

Octom tzeyal 'ayin, ¿tom e chajnac Yespíritu Dios, yuj eyiclni ley yic Moisés? Ma'ay, a 'a yic eya'n 'och e c'ojl 'a jun wach' 'ab'x alb'il 'ayex, ata chab'il eyu'uj.

Gl 4:21

'Ay ex, a jun ley yic Moisés tze nib'j tzex 'a'n mandar. Palta ¿tom matz e na coti, tas tzyal 'a jun ley cha?

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

A Tas Sc'ulejnac Eb' Schecab' Jesús Hechos 15:1

A 'a yic jun tiempoal cha, 'ay jun tzo'n̈ winc 'ix cot 'a yol yic Judea, 'ix c'och eb' 'a chon̈b' Antioquía. 'Ix syamn 'och eb' yaln 'ixtc 'a eb' creyente: —Toto ma'oj e cha jun senya circuncisión 'a e niwnal, 'icha yutjnac yaln can Moisés, toxn ma'oj stac' e colchji, xchi ewinac.

Mt 21:27

Yuj cha, xyaln ewin 'ixtc 'a Jesús: —Man̈ cojcoc on̈, xchi ewin 'a 'a. —To 'ixta', ma'oj wal pax 'ayex mach 'a'jnac wopiso in b'on jun tzo'n̈ cha, xchi 'a ewinac.

Lc 2:46

At 'a yoxl c'u 'ix 'ilchj yuj eb' 'a yamq'uil yatut Dios. Wocn 'ejm yet' eb' cuywjum 'a ley yic Moisés. Wan yab'xni 'a eb', tzc'anb'n pax jun tzo'n̈ tas 'a eb'.

Santiago 3:1

Ex wu'tac, ex wanab', comnoc man̈ niwnoc ex tzeya'ch e b'a cuywjumal. Yujto eyojtac, an̈ cuywjum on̈c tic, yel xo wal niwn 'oj qui b'eyc'ojlaxc yuj Dios.