1 Ti 1:17 - Chuj San Sebastian Bible

¹⁷ A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

Chuj San Mateo Bible

¹⁷ A Dios Yajal d'a masanil tiempo. Malaj b'aq'uin̈ ol chamoc. Malaj junoc mach syal yilani. An̈ejton jun Dios tic, malaj junocxo. Nivanocab' yelc'och d'ayon̈. Calec vach' lolonel d'ay d'a masanil tiempo. Amén.

1 Ti 1:17 Referans Kwoze

Apoc 19:1

Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Ro 1:23

A Dios caw niwn yel'chi, may b'a'n̈ tzchami. Palta xyactj can eb', ax jun tzo'n̈ 'anma to chamlb'a yaji, a yechl eb' tzya'ch eb' sdiosaloc. Yet' pax jun tzo'n̈ yechl no ch'ic, no chan, yet' no chan̈e yoc, a jun tzo'n̈ yechl chi 'aj tzyal sb'a eb'.

Salmos 45:6

Ach in Diosal Reych 'a smasnil tiempo. Ach tic 'aych 'och Yajlil, caw tojln̈ej tzotj a b'eyc'ojlwi.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Salmos 10:16

Mamin Jehová Reych 'a jun 'ejmn̈ej. A jun tzo'n̈ chuc nacion̈al, 'oj 'ijxoc 'el eb' 'a sat lum a lu'um.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 7:12

Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

A Sb'ab'el Carta San Pedro 5:11

A Dios caw niwn yel'chi, Yajl yaj 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

Ro 16:27

Cojxn Dios 'ojtnac smasnil tas. Smasnil tiempo calc wach' paxti 'a yuj Jesucristo. Ya' cab'i'.

Ro 11:36

Yujto smasnil tas, an̈j 'a Dios tzcoti. Smasnil tas b'ob'il yu'uj, sec tzcheclj 'el swach'il. Niwn cab' yel'ch Dios 'a smasnil tiempo. 'Ixta cab' tz'aji.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Ro 1:20

Wach'xam man̈ checloc Dios, palta checl yuj jun tzo'n̈ tas b'ob'il yu'uj. Yujto yictax sb'on yolyib'n̈q'uinl tic, checlj 'eli, to Dios toni, caw 'ay spoder 'a smasnil tiempo. Yuj cha, ma'oj stac' yaln eb' 'anma 'a 'a to man̈ yojcoc eb'.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.

Jeremías 10:10

A Jehová, atn jun Dios pitzan, caw Rey 'a jun 'ejmn̈ej. A yic tzcot yowal, caw tz'ib'x lum lum tic yu'uj. Man̈xtzac stac' ste'wtzan sb'a jun tzo'n̈ nacion̈ 'a yowl sc'ojl cha.

Salmos 145:13

A opiso cha, 'ayc'n̈ej 'a jun 'ejmn̈ej, Yajl 'ach 'a smasnil tiempo. Tzac' 'el'choc tas tzala, 'ay a chamc'ojlal 'a smasnil tas b'ob'il o'oj.

Salmos 106:48

Alx cab' wach' paxti 'aych Mamin Jehová, qui Diosal ach an̈ israel on̈ tic on̈, yujto 'aychn̈ej 'ec' 'a smasnil tiempo. Yal cab' smasnil 'anma 'ixtic: B'o cab' 'ixta', xchi cab' eb'. ¡Alx cab' wach' paxti 'a Jehová!

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Salmos 57:11

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

Salmos 45:1

'Ay wal paxti caw wach' 'ayc' 'a in nab'en. A chi tzin c'anlb'ej yic tzwaln in wach' paxti 'a win rey. A 'in paxti', lajn 'icha spaxti junc mach jeln stz'ib'ni.

Salmos 41:13

¡Alx cab' wach' paxti 'a Jehová, atn qui Diosal an̈ israel on̈c tic, ticnec yet' 'a smasnil tiempo! 'Ixta cab' tz'aji.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Ro 2:10

Ax jantcn̈ej eb' wach' tzyutj sb'a, 'oj yac' Dios swach'l 'a eb'. Niwn 'oj 'aj 'el'ch eb' 'a sat. Junc'ojlal xoj 'oj can eb' yet'oc. A eb' wit israelal wach' tzyutj sb'a, yel xo wal 'oj yac' jun tzo'n̈ tic 'a eb', 'oj yac' pax 'a eb' man̈ israeloc.

A Ch'an̈ Carta D'a Eb' Hebreo 2:7

'Ay jab' stiempoal ma'on̈ tza'wni 'a eb' ángel on̈, 'ixta 'on̈ otj on̈ a b'oni. 'Ix aln cani to tzon̈ b'inax on̈. 'Ay cab' pax quel'ch on̈.