1 Jn 5:19 - Chuj San Sebastian Bible

¹⁹ Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

Chuj San Mateo Bible

¹⁹ Cojtac to yic on̈xo Dios. Axo masanil eb' yicto yolyib'an̈q'uinal tic, aytooch eb' d'a yol sc'ab' vin̈ diablo.

1 Jn 5:19 Referans Kwoze

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Gl 1:4

A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Jn 12:31

A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Jn 16:11

'Oj yac' pax yojcoc 'el eb', to 'oj b'eyc'ojlaxc eb' yuj Dios, yujto tox 'ix b'eyc'ojlax win syajlil yolyib'n̈q'uinl tic.

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

1 Jn 5:13

Ax tzeya'ch e c'ojl 'a Yunnal Dios, a 'ayx tzin tz'ib'j 'at jun tzo'n̈ tic, sec wach' caw tznachj 'el eyu'uj, to 'ay qui q'uinlec 'a jun 'ejmn̈ej.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

Jn 14:30

Man̈x niwnoc tas 'oj wal 'ayex, yujto wan sjaw win syajlil yolyib'n̈q'uinl tic. A win cha, may yaln win yic 'ayin.

1 Jn 5:10

An̈ec tzca'c 'och qui c'ojl 'a Yunnal Dios, cojquec si'mb'il, to yel tzyal Dios yu'uj. Palta ax eb' matz ya'ch xon sc'ojl 'a Yunnal cha, wan yaln eb', to a Dios tzyac' 'es. Yujto matz ya'ch eb' sc'ojl 'a tas tzyal yuj Yunnal.

1 Jn 3:24

Toto tzqui yicljec jun tzo'n̈ schecnb'il, to 'ixta', junn̈j cajc yet'oc, junn̈j yaj pax quet' junjn on̈ec. Cojquec to 'aych 'ayn̈ec, yujto ya'jnac Yespíritu 'ayn̈ junjn on̈ec.

Apoc 20:3

'Ix sjuln can 'at 'a yol jun xab' olan. Xlajw cha, 'ix smacn can sti jun xab' oln cha. 'Ix ya'n can 'och jun seyo 'a 'a, sec man̈xtzac stac' yixtn paxti win eb' 'anma 'a junjn nacion̈, masnto tz'acw jun mil ab'il. At 'a yic 'oj lajwc jun mil ab'il cha, ax yajx 'elt win jab'ocx tiempoal.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

Ro 8:16

Cojc junjn on̈ 'a qui pixan, to yel yunnaln̈ec xo Dios. An̈jtona', tzyaln pax Yespíritu 'ayn̈ec.

1 Jn 3:14

A 'a yic yalan̈, yic on̈c chamel. Ax ticnec, cojquec to x'ajx qui q'uinlec 'a jun 'ejmn̈ej, yujto 'ay qui chamc'ojlalec 'a eb' quit creyenteal. Toto may qui chamc'ojlal 'a eb', an̈ja yic on̈c to chamel.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Lc 4:6

'Ix yaln win 'ixtc 'a 'a: —'Oj ach wa'ch yajlilc smasnil jun tzo'n̈ niwc chon̈b' tic. Caw niwn 'oj el'ch yu'uj. 'Ac'b'il jun tzo'n̈ tic 'a yol in c'ab', yuj cha, tztac' wa'n 'a mach 'aj tzin nib'j tzwac'a.

Jn 17:15

May tas tzwal 'ayach, to tzej 'el eb' 'a yolyib'n̈q'uinl tic muc'uc. Palta tzin c'an 'ayach, to tza tan̈wj eb', sec may eb' tzjuw 'el yuj win syajlil maysch'olnil.

1 Jn 5:15

Cojquec, a tz'ab'n qui lesal. Yuj cha, cojquec paxi to a tz'a'n tas tzqui c'anc 'a 'a.