1 Jn 3:8 - Chuj San Sebastian Bible

⁸ A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

Chuj San Mateo Bible

⁸ Palta tato ay mach an̈eja' sb'eyb'alan chucal, yictaxon vin̈ diablo yaji. Yujto a vin̈ diablo chi', sc'ulejtaxon chucal vin̈ d'a yichb'anil. Yujton jun chi' ix ulec' Yuninal Dios d'a yolyib'an̈q'uinal tic, yic syac' lajvoc smasanil tas sc'ulej vin̈ diablo chi'.

1 Jn 3:8 Referans Kwoze

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

A Scarta San Pablo D'a Eb' Aj Colosas 2:15

A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Jn 16:11

'Oj yac' pax yojcoc 'el eb', to 'oj b'eyc'ojlaxc eb' yuj Dios, yujto tox 'ix b'eyc'ojlax win syajlil yolyib'n̈q'uinl tic.

Jn 12:31

A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

Mr 1:24

—¿Tas aln ec 'ayn̈ ach Jesús 'aj Nazaret? ¿Tom tzach jaw wul on̈ a satcn 'el on̈? Wojc ach, ach tic, sic'b'ilch 'el yuj Dios, xchi win 'a 'a.

Ef 2:2

yujto an̈j jun b'eyb'al yic yolyib'n̈q'uinl tic qui b'eylb'ejec. Qui b'ojnaquec 'icha tznib'j win 'ay yopiso ya'n mandar 'a scal 'ic'. A win cha, espíritu winac. An̈ja ya'n win sc'ojloc eb' man̈ yiclumoc 'a Dios.

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Lc 10:18

—An tic, wiljnac tas 'ajnc win Satanás scot 'a satcha'an̈, yemt can win 'a yolyib'n̈q'uinl tic 'icha junc raya.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

Mt 13:38

Ax jun lum cha, tzyal 'el'chi atn yolyib'n̈q'uinl tic. A jun tzo'n̈ wach' 'in̈t cha, atn eb' 'anma 'ayx 'och 'a yol sc'ab' Dios. Ax jun tzo'n̈ 'ac trigo cha, atn eb' yic win diablo.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.

1 Jn 5:19

Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.

1 Jn 1:2

A jun 'aj q'uinl cha, checljnac 'eli. Quiljnac on̈. Yuj cha, tzca'n testigoal qui b'a yuj on̈. Tzcaln pax 'ayx on̈, to a tz'a'n qui q'uinlec 'a jun 'ejmn̈ej. A jun cha, 'ayc' xon yet' qui Mam Dios, palta wulnc 'ec' 'a qui cal on̈.

Nm 21:9

Ax Moisés 'ix sb'o jun yechl chan nab'a bronce cha, 'ix slocn q'ue 'a sjolm jun te 'oy. Yuj cha, a yic tzchix eb' 'anma yuj no chan, tz'och q'ueln eb' 'a jun yechl chan nab'a bronce cha. Yuj cha, tzb'ox sc'ojl eb'.