1 Jn 2:4 - Chuj San Sebastian Bible

⁴ Palta toto tzcalc 'ixtic: An tic, wojc xo Dios, toto xqui chi, palta matz qui yicljec jun tzo'n̈ schecnb'il, to 'ixta', ton̈j tzca'c 'es. May jac tas yel tzcalec.

Chuj San Mateo Bible

⁴ Tato scala' to cojtacxo Dios, palta max co c'anab'ajej tas schecji co b'eyb'alej yuuj, esalvum on̈ syal chi', malaj jab'oc tas yel scala'.

1 Jn 2:4 Referans Kwoze

1 Jn 1:6

Toto tzcalec, to junxn̈ej cajc yet'oc, palta an̈ja q'uic'q'uinl yaj qui pixnec, toto 'ixta', ton̈j tzca'c 'es. Ax qui b'eyb'alec cha, man̈ yeloc.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

1 Jn 1:8

Toto tzcalec to may qui mul, mun wan quixtnec paxti qui b'a qui nani, yujto may jac yel tzcalec.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?

1 Jn 2:9

Toto tzcalec to sacq'uinl xo yaj qui pixnec, palta toto tzon̈ chichnec 'och 'a junc quit creyenteal, to 'ixta', q'uic'q'uinl to yaj qui pixnec.

1 Jn 1:10

Toto tzcalec to may 'aj tz'och qui mulec, wan calnec to a Dios tzyac' 'es. Ax spaxti', toxn matz ca'c 'och 'a qui c'ojol.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Tito 1:10

Yujto til wal eb' an̈ja tenmtac tzyutj sb'a. Ton̈j tzcomn alj eb' jun tzo'n̈ tas may yel'chi. Caw tzsomchj pax 'el nan̈locx eb' yuj eb'. A wal eb' creyente israel, til wal eb' 'ixta to tzyutj sb'a.

1 Jn 2:3

Toto tzqui yicljec jun tzo'n̈ schecnb'il Dios, to 'ixta', caw cojquec xo Dios cha.

1 Jn 3:6

Yuj cha, toto yel junn̈j cajc yet'oc, man̈xtzac qui b'eylb'ejc maysch'olnil. Palta tzann̈j mach an̈ja sb'eylb'an maysch'olnil, matz ya'ch snab'en 'a 'a, man̈ yojcoc xoni.

1 Jn 4:7

Ex wu'tac, ex wanb' chamc'ojlb'il wu'uj, caw qui chamc'ojloquec qui b'a, yujto a jun chamc'ojlal, a 'a Dios tzcoti. Toto tzqui chamc'ojlejec qui b'a, to 'ixta', yunnaln̈ec Dios, 'ojcab'ilx cujec.