1 Jn 1:9 - Chuj San Sebastian Bible

⁹ Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

Chuj San Mateo Bible

⁹ Tato d'a val yel sco cha co mulej co chucal, a Dios sucan sat smasanil, syic'anpaxel masanil tas man̈ vach'oc ayoch d'ayon̈, yujto tojol toni, tz'eln̈ejc'och tas syala'.

1 Jn 1:9 Referans Kwoze

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Jeremías 33:8

'Oj wi'cn 'el smaysch'olnilal eb'. 'Oj wa'cn lajwc smul eb' cha, yet' smasnil stenmtacl eb' 'ayin.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

A Ch'an̈ Carta D'a Eb' Hebreo 10:23

Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec.

1 Ti 1:15

'Ay jun tas 'oj wala', caw yel. Smoj tzqui chaj cab'i'. Wulnc 'ec' Cristo Jesús 'a yolyib'n̈q'uinl tic, yic wul scolnc 'el eb' 'ajmul. An tic, yel xo wal 'ec'b'al 'ajmul in 'a yib'n̈ smasnil 'anma'.

Nehemías 1:6

Tzin tew 'aych ticnec, to tza maclj ab' in lesl an a checb' in tic. 'A junjn c'u, yet' 'a junjn 'ac'wal, tzin tew 'aych cuj an̈ a chon̈b' on̈ tic on̈, to caw a checb' caj on̈. Tzwal yuj in mul yet' eb' wit israelal tic. Yel toni, an̈ tic yet' eb' qui mam quichm on̈, x'och qui mul 'aych on̈.

Ez 37:23

Man̈x 'oj 'och e mul eyaln e b'a 'a jun tzo'n̈ yechl comn dios, man̈x 'oj e b'o tas yajb'entac, man̈x 'oj e comn b'oc maysch'olnil. An xo 'oj ex in col-l 'a scal maysch'olnil cha, ax wi'n 'el e mul 'aych 'a eyib'an̈, 'oj eyochx in chon̈b'oc, ax wochx e Diosaloc.

1 Co 1:9

A Dios tz'a'n 'el'choc jantcn̈ej tas tzyala. A 'on̈ 'awtnec 'och yico'oc, sec 'ay calnec quic yet' Yunnal, atn Cajlil Jesucristo.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

A Tas Sc'ulejnac Eb' Schecab' Jesús Hechos 19:18

An̈jtona', niwn eb' 'aych sc'ojl 'a Cristo 'ix c'ochi. 'Ix yaln q'uet eb' jantcn̈ej jun tzo'n̈ maysch'olnil xlaj sb'o'.

Mr 1:5

Smasnil eb' 'anma 'a junjn chon̈b' 'a yol yic Judea yet' eb' 'aj Jerusalén, xit' eb' 'ab'xnoc 'a Juan cha, xlaj yaln q'uet eb' smul 'a Dios. 'Ix ya'n eb' 'ajxc bautisar sb'a yuj Juan 'a a niwn a Jordán.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

Lm 3:23

'A junjn sq'uin̈b'ial, tzquilnec to tz'o'ch sc'ojl 'ayn̈ec.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

A Ch'an̈ B'ab'el Libro Yic Yab'ixal Eb' Rey 8:47

Toto a yic 'ayn̈ 'ec' 'a junc chuc chon̈b'al cha, tznan sb'a qui c'ojl on̈, tzqui c'ann niwnc'ojlal 'aych yuj qui mul tz'och on̈,

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

A Ch'an̈ Carta D'a Eb' Hebreo 11:11

Ax 'ix Sara, caw ya'jnac pax 'och 'ix Dios 'a sc'ojol. Yuj cha, wach'xam caw chichm xo 'ix si'mb'il, palta xyac' spoder 'a 'ix, sec tz'alj yune'. Yuj cha, 'ay jun yune 'ix x'alji, yujto ya'jnac 'och 'ix 'a sc'ojol, chajtlto a Dios ya'jnac sti 'a 'a, caw tz'el'ch tas tzyala.

Mt 3:6

'Ix laj yal q'uet eb' smul 'a Dios. Xlajw cha, xya'n 'ajxc bautisar sb'a eb' yuj Juan 'a yojl a Jordán cha.

Is 45:21

Paxtinan̈ec, alec tas chi eyojc cha, c'anb'jlajec 'ayex, jun lajn tzeyutj eyalni. ¿Mach aljnac 'el jun tzo'n̈ tic 'a yictax yel yich sb'o smasnil tas? ¿Mach aljnac 'el 'a yictax pecti'? ¿Tom man̈ oquin an Jehová in 'ix wal-l jun tzo'n̈ tic? May junc xo Dios, To Cojxn In Toni. Cojn in tzwac' 'el'choc tas tzwala yic tzex in coln 'eli.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

Ro 3:26

'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.

A Ch'an̈ B'ab'el Libro Yic Yab'ixal Eb' Rey 8:30

Maclj wal ab' in lesl tic 'an, yet' yic eb' wit israelal tic yic tzleslwi eb' 'aych 'a jun lugar tic. 'Aych wal 'ec' 'a satcha'an̈, a yic tzab'ni, tza'n lajwc qui mul pax 'a quib'n̈ on̈.

Jeremías 3:13

'Ojquejec 'eli chajtlto x'och e mul, caw ex 'och tenmtacl 'a 'ayn an Jehová e Diosal in tic. An tzwala to 'ix 'och e mul e b'on 'ajmulal yet' jun tzo'n̈ comn dios 'a yich eb' te te caw pim xi'il. Caw ma'ix eyiclj in checnb'il, xchi Dios, xa chi 'a eb', xchi 'ayin.

Jn 17:25

Mamin, caw tojl a nab'en. A eb' yic yolyib'n̈q'uinl tic, man̈ ach yojcoc eb'. Aln tic, wojc ach. Ax eb' tic, yojc xo eb' to ach checjnacn coti.

Lc 22:57

Ax Pedro, xyi'n 'el 'a yib'an̈, xyaln 'ixtic: —Ach 'ix, man̈ wojcoc jun tzal cha, xchi 'a 'ix.