1 Jn 1:5 - Chuj San Sebastian Bible

⁵ 'Oj calb't 'ayx on̈, tas yaljnac can Jesucristo 'ayn̈ on̈. Yaljnac cani, chajtlto a Dios sacq'uinl yaji, may jac q'uic'q'uinl 'a 'a.

Chuj San Mateo Bible

⁵ Scalb'at eyab'i tas alb'ilcan yuj Jesucristo d'ayon̈ to a Dios saquilq'uinal yaji, malaj val jab'oc q'uic'alq'uinal d'ay.

1 Jn 1:5 Referans Kwoze

Jn 8:12

'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Is 60:19

Ata', man̈x 'a tz'och yoc c'u eyuj 'a c'ual, man̈x 'a tz'och yoc 'uj eyuj 'a 'ac'wal, yujto an Jehová in, an 'oj wac' in sacq'uinlal 'ayx 'a jun 'ejmn̈ej; an e Diosal in tic, an 'oj ex wac' b'inaxoc.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Jn 1:9

A jun caw yel sacq'uinl yic Dios, wulnc 'ec' 'a yolyib'n̈q'uinl tic. A tz'a'n sacq'uinl 'a spixn smasnil 'anma'.

Jn 1:4

Yu'uj 'ay qui q'uinlec qui masnil. A jun tz'a'n qui q'uinlec tic, tzyac' pax sacq'uinl 'a qui pixnec.

Jn 9:5

Yic 'aynto 'ec' 'a yolyib'n̈q'uinl tic, 'icha sacq'uinl waj 'a eb' 'anma', xchi Jesús 'a eb'.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Salmos 36:9

Yujto a 'aych tzcot qui q'uinl on̈, 'icha sjaj junc a a', yujn̈ej a sacq'uinlal 'ay qui q'uinl on̈.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

1 Jn 3:11

A jun checnb'il 'oj walb't 'ayx tic, yictax eyoch yico'oc Dios, eyamn 'och eyab'n yalx 'ixtic: Yowlal tzqui chamc'ojlejec qui b'a, xchi jun checnb'il tic.

1 Co 11:23

A jun tzo'n̈ cuynb'il yic cena waljnac 'ayex, a Cajlilec 'a'jnac 'ayin. Atn jun tzo'n̈ tic 'oj wal't 'ayx tic: 'Ay jun 'ac'wal, 'ix 'ajx 'och Cajlil Jesús 'a yol sc'ab' eb' xmilni. A yic mantzac yamchji, 'ix yi'n chan̈ 'ixm pan.

Salmos 139:12

A jun q'uic'q'uinl cha, ma'oj stac' in sc'ub'n 'el 'ayach. A 'ac'wal, caw wal sacq'uinl yilx 'icha 'a c'ual. A q'uic'q'uinal yet' pax sacq'uinal, lajnn̈ej yilx eb' 'ayach.

Is 2:5

Cotn̈ec ex yin̈tl can Jacob, b'eycoyc 'a sacq'uinlal Jehová.

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

Jn 1:19

A jun 'el, 'ay jun tzo'n̈ eb' israel 'aj Jerusalén, 'ix checn 'at jaywn̈ eb' ya'mal 'och sti eb' 'anma 'a Dios, yet' jaywn̈ eb' yin̈tl Leví. A 'a Juan Bautista, ata xc'och eb'. 'Ix sc'anb'n eb' 'ixtc 'a 'a: —¿Mach ach? xchi eb'.