1 Cr 9:27 - Chuj San Sebastian Bible

²⁷ A eb' tic 'ayc'n̈ej eb' 'a spatquil yatut Dios tz'ec' 'ac'wal, yujto 'aych 'a yib'n̈ eb' stan̈wni jun yatut Dios cha, tzjacn eb' 'a junjn sq'uin̈b'ial.

Chuj San Mateo Bible

²⁷ A eb' chi' ayn̈ejec' eb' d'a spatictac cajnub' chi' tz'ec' ac'val, yujto a eb' stan̈vani. Axo d'a junjun q'uin̈ib'alil sjacan cajnub' chi' eb'.

1 Cr 9:27 Referans Kwoze

Ro 12:7

A mach 'ac'b'il yopiso ya'n servil eb' yit creyenteal, yowlal caw wach' tzyutj ya'n servil eb'. A mach 'ay yopiso scuyn eb' yit creyenteal, yowlal caw tzya'ch snab'en scuyn eb'.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

A Ch'an̈ B'ab'el Libro Samuel 3:15

Xlajw cha, 'ix cann̈j Samuel 'a yet'l cha, masnto 'ix sacb'eli. Ax 'a yic sacb'el cha, sjacn win spuertail yatut Jehová. Caw xiw win yaln jun tas 'ix yab' cha.

1 Cr 9:26

Palta 'ay chan̈wn̈ eb' levita niwn yel'ch yopiso, a eb' 'aych 'a yib'n̈ stan̈wni jun tzo'n̈ cuarto yet' a 'aj tzmolx q'uen tumn to yic yatut Dios yaji.

1 Cr 9:28

A junc eb' tic, 'aych 'a yib'n̈ yiln jun tzo'n̈ yamc'ab' tzc'anx yic tz'och 'emmquilal, a eb' scuenta yi'n 'elta, tzmoln can pax eb'.

Salmos 134:1

E masnil ex schecb' Jehová, alc e wach' paxti 'a 'a. Jantc ex to 'ayx 'ec' 'a yol yatut 'a junjn 'ac'wal,

Jeremías 35:4

Xlajw cha, xwi'n 'at eb' 'a yatut Dios, atn 'a jun cuarto yic eb' yunnal Hanán, win yunnal Igdalías, atn jun caw 'ay yel'ch Dios 'a sat. A jun cuarto cha, junn̈j yaj yet' yic eb' yajl yaj 'a yatut Dios cha, a 'a yib'n̈ scuarto Maasías yunnal Salum, ata 'ay. A win cha, yajl yaj 'a eb' tztan̈wni yatut Dios cha.