1 Cr 7:28 - Chuj San Sebastian Bible

²⁸ A slum eb' 'aj cajan, atn Bet-el, Naarán 'a stojlal 'aj tzq'uel c'u, Gezer 'a stojlal 'aj tz'em c'u, yet' pax Siquem masnto 'a lum Ayah. Smasnil jun tzo'n̈ chon̈b' tic 'ix can 'a eb' yet' yaldeail.

Chuj San Mateo Bible

²⁸ Axo sluum eb' vin̈ b'aj cajan: Aton Betel yed' Naarán d'a stojolal b'aj sjavi c'u, Gezer d'a stojolal b'aj tz'em c'u yed' Siquem masanto sc'och d'a Ayah. Ix scha juntzan̈ chon̈ab' chi' eb' vin̈ yed' yaldeail.

1 Cr 7:28 Referans Kwoze

Jueces 1:22

'Ixta pax eb' yin̈tl José, 'ix 'at eb' yac' owl 'a Bet-el, atn jun chon̈b' chi Luz sb'i 'a yic pecti'. A yic mantzac 'och owl cha, xya'n 'at eb' yilmal jun lum cha yic tz'at smaclnoc eb' yila'. A Jehová a xcolwj yet' eb'.

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

Josué 16:7

tz'atx ta', axta tz'emch 'a Atarot yet' 'a Naarat, masnto tzyamchj Jericó yu'uj, axta tz'el'ch 'a a Jordán.

Josué 16:5

A smon̈jonal slum eb' yin̈tl Efraín, tz'el yich 'a stojlal 'aj tzq'uel c'u, 'a Atarot-adar masnto tzc'och 'a Bet-horón, lum 'a yib'n̈q'ue'i.

Josué 16:8

Tz'elx 'a Tapúa, axta tz'atx can smon̈jonal 'a stojlal 'aj tz'em c'u, masnto tzc'och 'a a niwn a 'a yol yic Caná, axta tz'el'ch 'a a Mar Mediterráneo. Atn lum tic xyij can eb' yin̈tl Efraín, 'ix pojx 'ec' lum 'a junjn macn̈ yin̈tl eb'.

Josué 16:9

'Ayt pax jun tzo'n̈ xo chon̈ab', yet' jun tzo'n̈ xo aldea 'ayc' 'a sat slum eb' yin̈tl Manasés, 'ix yij eb' yin̈tl Efraín pax yico'oc.