1 Cr 6:67 - Chuj San Sebastian Bible

⁶⁷ 'Ix yi'n pax eb' chon̈b' Siquem 'a lum jolmctac witz 'a yol yic Efraín, yet' ya'lical 'aj tzwa scajb'en noc' eb'. A 'a jun chon̈b' chi tz'at scol sb'a eb' ma'm cham 'anma', toto man̈ sc'anc sc'ojl eb' tzmilwji. An̈jtona', xyi'n pax eb' chon̈b' Gezer,

Chuj San Mateo Bible

⁶⁷ Aton Siquem d'a tzalquixtac d'a yol yic Efraín chi', aton d'a jun chon̈ab' chi' syal scolan sb'a eb' smilancham junoc anima to man̈ sc'anoc sc'ool. Ix yic'anpax juntzan̈ chon̈ab' tic eb': Gezer,

1 Cr 6:67 Referans Kwoze

Josué 20:7

Yuj cha, si'n 'el eb' israel jun tzo'n̈ chon̈b' 'aj wach' scoln sb'a eb' tzmilwji, atn jun tzo'n̈ chon̈b' tic: Quedes 'a Galilea 'a eb' lum jolmctac witz yic Neftalí, Siquem 'a jolm witz yic Efraín, Quiriat-arba (tzcuch pax Hebrón) 'a jolm witz yic Judá.

Josué 16:10

Palta a eb' yin̈tl Efraín, ma'ix pechx 'el eb' cananeo cajn 'a Gezer yuj eb', 'ix 'ajx pural eb' ya'n stojlb'al. Yuj cha, 'ix cann̈j eb' cananeo chi 'a scal eb'.

Josué 16:3

Tz'atx lum 'a stojlal 'aj tz'em c'u atn 'a slum eb' jafletita, masnto 'a smon̈jonal yic Bet-horón lum 'a yaln̈ 'ejmi, masnto tzc'och 'a Gezer, tz'elx c'och pax lum 'a a Mar Mediterráneo.

Gn 35:4

'Ixta wal xyutj eb' ya'n jun tzo'n̈ sdiosal chi 'a Jacob yet' jun tzo'n̈ q'uen yumchiquin, ax Jacob 'ix mucn can 'ejm smasnil 'a yich jun te mach' 'ayc' 'a sla'nil Siquem cha.

Gn 33:18

A yic x'elt win Jacob 'a Padan-aram masnto xjaw 'a yol yic Canaán, may tas xyab' syail, axta xcan cajn 'a yojltac cot Siquem.

1 Cr 6:66

'Ay jun tzo'n̈ eb' yin̈tl Coat, 'ix 'i'n jun tzo'n̈ chon̈b' 'ay 'a yol yic eb' yin̈tl Efraín, yet' ya'lical 'aj tzwa scajb'en noc' eb'.

1 Cr 6:68

yet' Jocmeam, Bet-horón, Ajalón, Gat-rimón, yet' pax ya'lical junjn chon̈b' 'aj tzwa scajb'en noc' eb'.