1 Cr 6:4 - Chuj San Sebastian Bible

^4-14 Atn slistail eb' yin̈tl Aarón tic, eb' 'unnab'il masnto 'a eb' 'ichicnab'il: Eleazar, Finees, Abisúa, Buqui, Uzi, Zeraías, Meraiot, Amarías, Ahitob, Sadoc, Ahimaas, Azarías, Johanán, Azarías, atn win 'ochnc ya'malc 'och sti eb' 'anma 'a Dios 'a jun yatut Dios sb'ojnac chan̈ Salomón 'a Jerusalén. Azarías, Amarías, Ahitob, Sadoc, Salum, Hilcías, Azarías, Seraías, Josadac.

Chuj San Mateo Bible

^4-15 Aton sb'i eb' vin̈ yin̈tilal vin̈aj Aarón tic sb'eyb'at d'a stzolal d'a eb' vin̈ uninab'il yed' d'a eb' vin̈ ichiquinab'il: Vin̈aj Eleazar, vin̈aj Finees, vin̈aj Abisúa, vin̈aj Buqui, vin̈aj Uzi, vin̈aj Zeraías, vin̈aj Meraiot, vin̈aj Amarías, vin̈aj Ahitob, vin̈aj Sadoc, vin̈aj Ahimaas, vin̈aj Azarías, vin̈aj Johanán, vin̈aj Azarías, (aton vin̈ sacerdote yaj d'a templo ix sb'oq'ue vin̈aj Salomón d'a Jerusalén), vin̈aj Amarías, vin̈aj Ahitob, vin̈aj Sadoc, vin̈aj Salum, vin̈aj Hilcías, vin̈aj Azarías, vin̈aj Seraías yed' vin̈aj Josadac. A vin̈aj Josadac chi' ix ic'jib'at vin̈ preso yed' eb' ay d'a Jerusalén yed' juntzan̈xo lugar d'a yol yic Judá yuj vin̈aj rey Nabucodonosor, yujto a Jehová ix ac'an sc'ulej vin̈ icha chi'.

1 Cr 6:4 Referans Kwoze

1 Cr 6:50

Atn eb' yin̈tl Aarón tic 'a stzolil: atn Eleazar, Finees, Abisúa, Buqui, Uzi, Zeraías, Meraiot, Amarías, Ahitob, Sadoc, Ahimaas.

Ex 6:25

A Eleazar yunnal Aarón, 'ix yij sb'a yet' 'ix yisl win Futiel, atn snun Finees, a eb' tic yajl yaj 'a junjn macn̈ eb' yin̈tl Leví.

Esdras 8:2

Atn Gersón, yin̈tl Finees; Daniel, yin̈tl Itamar; Hatús, yin̈tl Secanías win yin̈tl can David; Zacarías yin̈tl Paros, 150 eb' winc tz'ib'b'il sb'i 'a jun c'aj eb' tic. Elieonai, yunnal Zeraías, yin̈tl Pahat-moab, ajun chab' ciente winc yet'oc. Secanías, yunnal Jahaziel, yin̈tl Zatú, ajun 'oxe ciente winc yet'oc. Ebed, yunnal Jonatán, yin̈tl Adín, ajun 50 winc yet'oc. Jesaías, yunnal Atalías, yin̈tl Elam, ajun 70 winc yet'oc. Zebadías, yunnal Micael, yin̈tl Sefatías, ajun 80 winc yet'oc. Obadías, yunnal Jehiel, yin̈tl Joab, ajun 218 winc yet'oc. Selomit, yunnal Josifías, yin̈tl Bani, ajun 160 winc yet'oc. Zacarías, yunnal Bebai, yin̈tl can pax Bebai, ajun 28 winc yet'oc. Johanán, yunnal Hacatán, yin̈tl Azgad, ajun 110 winc yet'oc. Elifelet, Jeiel yet' Semaías, slajb' yin̈tl Adonicam, ajun 60 winc yet' eb', slajb'xoj xmeltzj cot eb'. Ax Utai yet' Zabud, yin̈tl Bigvai, ajun 70 winc yet' eb'.

1 Cr 9:20

A Finees, yunnal Eleazar, a 'aych syajlilc eb' 'a yaln̈taxi. ¡Caw 'aych Jehová yet'oc!

Josué 24:33

A yic xcham Eleazar win yunnal Aarón, ata xmucx can sniwnal win 'a lum tzaln 'ay 'a yol yic win Finees, atn win yunnal winac, lum 'ac'b'il smacloc win 'a lum jolmctac witz 'a yol yic Efraín.

Josué 22:13

'Ix schecb't eb' win Finees, win yunnal Eleazar ya'mal 'och sti eb' 'anma 'a Dios 'a Galaad, 'a 'aj 'ayc' eb' meltzjnacx 'a slugar.

Nm 31:6

Xlajw cha, schecn 'at Moisés eb' 'a owl cha. 'Ix 'at pax win Finees yet' eb', win yunnal Eleazar ya'mal 'och sti eb' 'anma 'a Dios. A win x'i'n 'at jun tzo'n̈ yamc'ab' tzc'anx 'a scajnub' Dios, yet' pax q'uen trompeta tz'utz'xi yic tz'och eb' 'a owal.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

A Ch'an̈ Schab'l Libro Samuel 8:17

Sadoc win yunnal Ahitob, yet' Ahimelec win yunnal Abiatar, sat ya'mal 'och sti eb' 'anma 'a Dios yaj eb'; Seraía, 'ajtz'ib' yajch 'a win rey cha.

1 Cr 6:3

A eb' yunnal Amram: atn Aarón, Moisés yet' María. A eb' yunnal Aarón: atn Nadab, Abihú, Eleazar yet' Itamar.

Josué 14:13

Yuj cha, xyaln Josué wach' paxti 'a yib'n̈ Caleb, 'ix ya'n can lum Hebrón smacl lumoc, yet' 'a smasnil eb' yin̈til.

Josué 14:15

A chon̈b' Hebrón cha, Quiriat-arba sb'i 'a yic pecti', yujto Arba sb'i jun win niwc winc b'inab'il 'a scal eb' yin̈tl can win Anac. A yic xlajw ye'cn jun tzo'n̈ tic, 'ix 'och junc'ojlal 'a jun lugar cha.

1 Cr 23:21

A eb' yunnal Merari: atn Mahli yet' Musi. Ax eb' yunnal Mahli, atn Eleazar yet' Cis.

1 Cr 24:26

Mahli, Musi, yet' Jaazías yunnal Merari eb'.

Esdras 8:18

Yuj scolwal Dios, 'ix checx cot Serebías yuj eb'. A jun winc cha, caw wal tznachj 'el yu'uj, yin̈tl jun levita tzcuch Mahli. A jun cha, 'ix cot yet' eb' yunnal, yet' eb' yu'tac; wajxclajn̈wan̈ sb'ey eb' 'a smasnil.