1 Cr 6:32 - Chuj San Sebastian Bible

³² A eb' cha, 'ix b'itnn̈ej eb' 'a yojltac mantiado 'aj tzchaj sb'a eb' 'anma yet' Dios, masnto yic 'ix sb'on chan̈ Salomón yatut Jehová 'a Jerusalén. 'Ix b'eyn̈j eb' yet' yopiso ta', 'a 'icha xon sb'eyb'al eb'.

Chuj San Mateo Bible

³² D'a stzolal tz'aj yoch eb' vin̈ sb'itan d'a yichan̈ cajnub' chi' masanto yic ix b'ojiq'ue stemplo Jehová yuj vin̈aj Salomón.

1 Cr 6:32 Referans Kwoze

Esdras 6:18

Xlajw cha, x'ajx 'och junjn c'aj eb' ya'mal 'och sti eb' 'anma 'a Dios 'a stzol-l yiln yopiso, yet' jun tzo'n̈ xo eb' levita, x'ajx yopiso eb' 'a yatut Dios 'a Jerusalén, 'icha yaj stz'ib'x can 'a ch'an̈ libro yic Moisés.

2 Cr 35:15

Ax pax eb' 'aych 'a yib'n̈ sb'itni, atn eb' yin̈tl can Asaf, a eb' tic, 'aychn̈ej eb' yiln yopiso, 'icha yaljnac can David, yet' Asaf, Hemán, Jedutún, atn eb' schecb' rey David 'a pecti'. Ax eb' tan̈m puerta 'aychn̈ej pax eb' yiln yopiso. May junc eb' xyactjcan yiln yopiso, yujto a eb' yit levitail eb', a eb' xb'on xajmb'al eb' cha.

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

1 Cr 9:33

An̈jtona', 'ay pax eb' yajl yaj 'a eb' yin̈tl levita to tzb'itni, ata cajn eb' 'a jun tzo'n̈ cuarto yic yatut Dios cha. Matz tac' yiln eb' jun tzo'n̈ xo munljel, yujto sc'ual yac'wlil smunlj eb', witz'n eb' yuj yopiso cha.

1 Cr 6:31

Atn jun tzo'n̈ eb' tic 'aych 'a yib'n̈ sb'itn 'a yatut Jehová, yictax 'ix 'ajx 'och te scaxail trato ta'.

1 Cr 6:33

A eb' 'ayc' yet' yunnal ta', atn eb' yin̈tl Coat, a Hemán a tzjucb'tzan eb' 'a b'it; a stzolil tzchaj 'at 'a smam, masnto 'a slajb' smam 'icham, atn eb' tic: Joel, Samuel, Elcana, Jeroham, Eliel, Toa, Zuf, Elcana, Mahat, Amasai, Elcana, Joel, Azarías, Sofonías, Tahat, Asir, Ebiasaf, Coré, Izhar, Coat, Leví, Israel.

Ez 40:44

Ax 'a yol 'elt sti jun puerta 'a yojl 'och cha, 'a 'aj 'ay jun yamq'uil sti cha, ata 'ay chab'x cuarto. Jun 'ay 'a stz'ey puerta 'a stojlal norte q'ueln 'at 'a stojlal sur; ax junx 'ay 'a stz'ey puerta 'a stojlal sur q'ueln 'at 'a stojlal norte.