1 Cr 5:17 - Chuj San Sebastian Bible

¹⁷ Smasnil jun tzo'n̈ eb' cha, 'ix tz'ib'x eb' yet' yin̈til, yic 'aych Jotam reyl 'a Judá, ax Jeroboam 'aych reyl 'a chon̈b' Israel.

Chuj San Mateo Bible

¹⁷ Masanil juntzan̈ eb' tic ix tz'ib'chaj yed' yin̈tilal ayic ayoch vin̈aj Jotam reyal d'a Judá, axo vin̈aj Jeroboam ayoch reyal d'a Israel.

1 Cr 5:17 Referans Kwoze

A Ch'an̈ Schab'il Libro Yic Yab'ixal Eb' Rey 15:32

A yic chab' xo ab'il yoch Peka, yunnal Remalías reyl 'a chon̈b' Israel, 'ix schan 'el Jotam yunnal Uzías ya'n reyl 'a Judá.

A Ch'an̈ Schab'il Libro Yic Yab'ixal Eb' Rey 14:28

Ax jantc to yab'xil Jeroboam yet' smasnil tas 'ix 'el sb'oni, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl chon̈b' Israel. Ata tzyal yab'xil smasnil owl 'ix yac'a', yic 'ix yi'n can pax 'ec' jun tzo'n̈ chon̈b' to yic xon Israel 'a yaln̈taxi, atn Damasco yet' Hamat.

A Ch'an̈ Schab'il Libro Yic Yab'ixal Eb' Rey 14:16

A yic 'ix cham Joás, ata 'ix mucx 'a 'aj mucn eb' smam yichm 'a chon̈b' Samaria, atn 'aj mucn eb' ya'jnac reyl 'a chon̈b' Israel. Ax jun yunnal tzuch Jeroboam, a 'ix 'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 15:5

'Ix ya'ch Jehová jun yab'il lepra 'a win rey cha. 'Aychn̈ej 'a 'a masnto 'ix chami. Yuj cha, man̈xtoc 'ix can win rey 'a sdespacho, chucx n̈al 'aj 'ix cani. Ax jun yunnal tzcuch Jotam, a x'ochcn yilmalc sdespacho winac, tzya'n pax yajlil 'a yib'n̈ jun nacion̈ cha.

2 Cr 27:1

A Jotam 25 ab'il sq'uinal, yic schan 'el yich ya'n reyal, waclajn̈e ab'il xyac' reyl 'a Jerusalén. Jerusa sb'i snun, yisl win Sadoc 'ix.

A Ch'an̈ Schab'il Libro Yic Yab'ixal Eb' Rey 14:23

A yic olajn̈e xo ab'il yoch Amasías reyl 'a Judá, atn win yunnal Joás, a 'a jun tiempoal cha, 'ix schan 'el yich junx win Jeroboam ya'n reyl 'a chon̈b' Israel, atn win yunnal junx win Joás. 41 ab'il 'ix yac' reyl 'a chon̈b' Samaria.

1 Cr 5:7

A eb' yican Beera cha, eb' to yajl yaji, a tzyal yaj stz'ib'x can sb'i smam yichm eb': atn Jeiel, Zacarías,