1 Cr 29:2 - Chuj San Sebastian Bible

² An tic, yet' wal smasnil wip 'ix in yamb'tzan can smasnil tas 'oj c'anxc 'a yatut qui Diosalec: atn q'uen oro, q'uen plata, q'uen bronce, q'uen hierro yet' pax te te', a tzyal tas 'oj c'anxc 'a junjn macn̈ munljel. Yet' pax q'uen ónice, eb' q'uen wach' yilxi, eb' q'uen q'uic' q'ue'en, eb' q'uen chucchc yilxi, yet' smasnil junjn macn̈ q'uen chan̈ stojol, caw niwn pax q'uen mármol.

Chuj San Mateo Bible

² Ix vac' val vip in molb'an masanil tastac ol c'anchaj d'a stemplo co Diosal chi': Aton q'uen oro, q'uen plata, q'uen bronce, q'uen hierro yed' te te', icha jantac ol c'anchaj d'a junjun macan̈ munlajel. Te nivan q'uen cornalina ix in molb'ej yed' juntzan̈xo q'uen q'ueen tz'och yelvanub'oc yed' tzijtum macan̈il q'uen q'ueen vach' yilji, man̈ jantacoc pax q'uen mármol.

1 Cr 29:2 Referans Kwoze

A Scarta San Pablo D'a Eb' Aj Colosas 3:23

Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

2 Co 8:3

Tzwac' testigoal in b'a yuj eb', chajtlto yelc'ojlal xyac' eb' smasnil tas stac' yu'uj, caw yelc'ojlal xyac' eb' jun tzo'n̈ xo.

Job 28:16

Matz tac' qui tojnec yet' q'uen oro caw wach', mto yet' q'uen cornalina, mto yet' q'uen zafiro.

Ex 39:13

'A schan̈il, 'ix 'och jun q'uen topacio, jun q'uen cornalina, jun q'uen jaspe. A jun tzo'n̈ q'uen cha, 'ix 'ochcn eb' q'uen 'a yib'n̈ syamnub'l b'ob'il yet' oro.

Ex 39:6

Xya'n 'och eb' q'uen cornalina 'a 'aj 'ay syamnub'al to nab'a oro, 'aych sb'i eb' yunnal Israel 'a eb' q'ue'en, 'icha wal stz'ib'l junc seyo, 'ixta x'ajch sb'i eb' cha.

Ex 28:20

'A schan̈l tzol, tz'och jun q'uen topacio, jun q'uen cornalina yet' jun q'uen jaspe. A smasnil jun tzo'n̈ q'uen cha, oron̈ej syamnub'l 'aj tz'ochi.

Ex 28:17

Tzlajw cha, tza'n 'ajxoc 'och chan̈ tzolc q'uen q'uen wach' yilx yelwnub'loc: a 'a jun b'ab'l tzol, tz'och jun q'uen rubí, jun q'uen crisólito yet' jun q'uen esmeralda.

Gn 2:12

A q'uen oro 'ay 'a jun lugar cha, caw chan̈ stojl q'ue'en. Ata 'ay pax jun tzo'n̈ te te 'ay stzatjil, caw su'q'ui sjab' te'. Ata 'ay pax jun tzo'n̈ q'uen q'uen ónice sb'i, caw chan̈ stojol.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

1 Cr 29:3

An̈jtona', yujn̈ej pax to 'ay in niwquil chamc'ojlal 'a yatut in Diosal cha, yuj cha, tzin siyj q'uen oro, q'uen plata to mun wico', an̈jtona', 'ix in yamb'tzej can smasnil tas 'oj c'anxc 'a yatut qui Diosal cha.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

Ex 28:9

Tzlajw cha, tze'n cot chab'oc q'uen cotc pachmb'a cornalina, ax 'a eb' q'ue'en, ata tzac' 'och sb'i smasnil eb' yunnal Israel.

2 Cr 3:6

'Ix ya'n 'ajxoc 'och jun tzo'n̈ q'uen q'uen man̈x jantcoc swach'l yilx yelwnub'loc. A q'uen oro 'ix sc'an eb' cha, atn q'uen caw wach' cotnc 'a Parvaim.

Job 28:1

A q'uen plata, 'ay sminasil q'uen 'aj tz'elta, ax q'uen oro, 'ay pax yet'l q'uen 'aj tzb'o'i.