1 Cr 29:11 - Chuj San Sebastian Bible

¹¹ Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Chuj San Mateo Bible

¹¹ Ic yaj smasanil tas, te nivan elc'ochi, ay a poder, ay a tziquiquial, Yajal ach d'a satchaan̈ yed' d'a sat luum tic.

1 Cr 29:11 Referans Kwoze

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

Is 12:4

Yuj cha, ax eyaln 'ixtic: Calc yuj diosal 'a Jehová, calc wach' paxti 'a sb'i 'a scal eb' 'anma', yujto caw wach' tzon̈ yutjec, qui nac coti, to niwn yel'ch 'a quib'n̈ec.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Jeremías 27:5

Yet' wal in niwquil poder xin b'on yolyib'n̈q'uinal, yet' smasnil tas 'ay 'a 'a. In b'ojnac eb' 'anma', yet' no noc'. Yuj cha, tztac' wa'nn̈ej 'a mach 'aj tzyal in c'ojl tzwac'a.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Dn 4:3

¡Man̈x jantcoc satjub'tacl jun tzo'n̈ tas tzb'o'o, yet' jun tzo'n̈ milagro tzch'oxo! Yajl 'a smasnil tiempo, 'oj b'eyn̈j yopiso 'a yib'n̈ junjn macn̈il 'anma'.

Apoc 19:1

Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

Gn 1:1

A 'a yic x'el yich sb'o smasnil, 'ix sb'o Dios satcha'an̈ yet' lum lu'um.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.

Salmos 145:1

Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Salmos 29:4

Caw wal 'ay yip yol sjaj Jehová, caw tzsat qui c'ojlec cab'ni.

Salmos 21:13

Mamin Jehová tztac' oj smasnil, 'oj ach qui b'itnoc on̈, yujto caw niwn a poder, tzcaln pax wach' paxti 'ayach.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Salmos 97:1

A Jehová caw Rey 'a yolyib'n̈q'uinl tic, yuj cha tzalj cab' chan̈ smasnil eb' 'anma 'a eb' lum chon̈b' 'a sat lum tic yet' eb' cajn 'a stitc eb' a mar.

Job 37:22

A 'a stojlal norte, caw wal tzictzni tz'aj 'icha yilx q'uen oro, caw tzsat qui c'ojlec yuj stzictznil Dios.

Salmos 104:1

'Oj wal in wach' paxti 'a Jehová. Mamin Jehová, in Diosal ach, caw wal niwn el'chi. A 'a tzictznial, 'icha to a 'aych a pichloc.

Salmos 98:1

B'itn coyc 'a Jehová yet' junc 'ac' b'it, yujto caw satjub'tac yilx tas tzb'o'o. 'Ix yac' ganar owal, yujto caw 'ay spoder.

Salmos 97:9

Mamin Jehová, Yajl ach 'a yib'n̈ smasnil yolyib'n̈q'uinl tic, 'ec'b'al el'ch 'a yib'n̈ jun tzo'n̈ tzalx 'och diosal.

Salmos 57:11

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

Salmos 57:5

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

A Ch'an̈ B'ab'el Libro Samuel 15:29

Na coti to a Jehová a tz'i'n chan̈ qui chon̈b' tic, caw may 'aj tzyac' 'es, may 'aj tzjel snab'en, yujto man̈ lajnoc yet' 'anma', xchi Samuel.

Salmos 47:9

'Ix laj syam sb'a eb' 'anma niwn yel'ch 'a junjn chon̈ab'. 'Ix 'och eb' qui tz'acb'oc an̈ schon̈b' on̈c tic, atn sDiosal qui mam 'ichm Abraham.

Nehemías 9:5

atn Josué yet' Cadmiel, Binuy, Hasabnías, Serebías, Hodías, Sebanías, yet' Petahías, 'ix yaln eb' 'ixtic: Q'uen̈ec wa'an, calc wach' paxti 'a Jehová qui Diosalec 'a smasnil tiempo. Qui b'itquec sb'i yuj calnec wach' paxti 'a 'a, wach'xam matz q'ue'ch qui b'inanec sb'i 'a 'icha wal smoj sb'inaxi, xchi eb'.

Gn 14:22

Yuj cha, xta'w Abram, 'ix yaln 'ixtc 'a 'a: —Tox 'ix wac' in ti 'a Jehová Dios Cojxn Niwn Yel'chi, a xb'on satcha'an̈ yet' lum lum tic,

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

1 Cr 29:10

Yuj cha, 'ix yaln rey David wach' paxti 'a Jehová 'a sat smasnil eb' chon̈b' cha, 'ix yaln 'ixtic: Mamin Jehová, qui Diosal ach yet' qui mam 'ichm Israel on̈, alx cab' wach' paxti 'aych 'a smasnil tiempo.

2 Cr 20:6

'Ix yaln 'ixtic: Ach Jehová, qui Diosal ach on̈ yet' eb' qui mam quichm on̈, ach tic Dios ach 'a satcha'an̈, Yajl ach 'a yib'n̈ smasnil nacion̈. Yol a c'ab' 'ayc' ep yet' a poder. May junc mach 'oj stac' ach stenn 'och wa'an.

Salmos 89:11

A satcha'an̈ yet' lum lum tic ecn̈ej yaji, ach xa b'o yolyib'n̈q'uinl tic yet' smasnil tas 'ay 'a 'a.

Dn 2:20

'Ix yaln 'ixtic: Ach qui Diosal on̈, alx cab' wach' paxti 'aych 'a smasnil q'uinal, yujto ec yaj jelnal yet' poder.

Josué 3:11

'Oj eyila', to a te scaxail strato Dios, atn jun Dios 'ay yic lum lum tic, 'oj b'ab'ljoc te cujec yic tzon̈ 'e'c 'a yojl a Jordán tic.

Josué 3:13

Ax eb' ya'mal 'och qui ti 'a Dios 'et'jnac te scaxail strato Jehová, atn jun Dios 'ay yic lum lum tic. Cojn wal yic 'oj ste'nc 'ejm eb' yoc 'a yojl a Jordán, ax spojn sb'a snan̈l a', a a tz'eml tic, 'oj 'och wan a sb'eyi, ax span̈b'tzan sb'a a', xchi 'a eb'.

Salmos 10:16

Mamin Jehová Reych 'a jun 'ejmn̈ej. A jun tzo'n̈ chuc nacion̈al, 'oj 'ijxoc 'el eb' 'a sat lum a lu'um.

Salmos 57:6

A eb' 'ajc'ojl yajch 'ayin, xyac' 'ejm eb' ch'an̈ yal 'a wojltac, caw tztac in c'ojl yuj eb'. 'Ix sjoyn eb' jun jul 'a wojltac, palta mun a eb' xtelw can 'at 'a yojol.

Salmos 103:19

A Jehová sb'o sdespacho 'a satcha'an̈, ax ya'n Yajlil 'a yib'n̈ smasnil yolyib'n̈q'uinal.

Salmos 145:6

'Oj yal eb' 'anma yuj tas b'ob'il o'oj, yujto caw tztac' o'oj, 'oj wal-li to caw niwn el'chi.