1 Cr 29:1 - Chuj San Sebastian Bible

¹ Xlajw cha, 'ix yaln rey David 'ixtc 'a smasnil eb' 'anma yamn cha: Cojn jun wunnal Salomón tic 'ix si'x can 'el yuj Dios, caw quelm 'unn to, ax jun munljel tic, caw niwquil, yujto a jun n̈a cha, man̈ jantcoc swach'l yilx 'oj 'ajoc, man̈ sdespachooc junc winac, palta to yatut Jehová Dios.

Chuj San Mateo Bible

¹ Ix lajvi chi', ix yalan vin̈aj rey David chi' d'a masanil eb' anima molanec' chi' icha tic: Ex vetchon̈ab', an̈ej val vin̈ vuninal aj Salomón tic ix sic'jiel yuj Dios, palta yune' quelemto vin̈. Axo pax jun munlajel tic te nivan, yujto a jun templo chi' man̈ yicoc anima, palta to scajnub' Jehová Dios ol ajoc.

1 Cr 29:1 Referans Kwoze

1 Cr 22:5

Yujto 'ix sna 'ixtic: A ni wunnal Salomón tic caw 'unn to na, ax pax jun yatut Jehová 'oj b'o cha, caw niwquil 'oj 'ajoc. Yel xo 'oj b'inax yuj swach'l yilx 'a smasnil yolyib'n̈q'uinal; ax ticnec yowlal 'oj in yamb'tzoc can smasnil syamc'ab'il 'oj 'och 'a 'a, xchi. A yic pitzn to David cha, caw niwn tas 'ix syamb'tzej cani.

A Ch'an̈ B'ab'el Libro Yic Yab'ixal Eb' Rey 3:7

Ach tic Mamin Jehová, in Diosal ach, 'ix 'el 'a a c'ojl in a'n 'och reyl sjelc in mam, wach'xam quelm in to, mant 'a in jelnal.

2 Cr 13:7

'Ix ya'ch sb'a jun tzo'n̈ winc 'isj yet'oc, tu snab'en eb'. 'Ix yac' eb' owl yet' Roboam, yunnal Salomón, yujto a Roboam cha, to quelm 'unn to, mant 'a wal snab'en. Yuj cha, mantzac stac' ste'wtzan sb'a 'a sat eb'.

Pr 4:3

A yic quelm in 'unin yic 'aynto 'ec' 'a yol yatut in mam, yel xo wal chamc'ojlb'iln yuj in nun.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

1 Cr 28:10

'Iltnab'an, a Jehová ach si'n 'eli yic 'oj a b'onc chan̈ jun n̈a 'oj scajnub'oc. Yuj cha, ¡'ac' ep, 'och cab' munljel! xchi David.

1 Cr 28:8

A ticnec jun, 'a e sat e masnil ex wit israelal, ex schon̈b' Jehová, yet' 'a yojltac qui Diosalec tzon̈ 'ab'ni, cham wal waln 'ayex, to tze cuy smasnil schecnb'il Jehová qui Diosal, tzeyiclni paxi, sec wach' 'oj e caj jun chon̈b' to man̈x jantcoc swach'l tic, ax xo 'oj eya'cn lum smacloc eb' eyunnal 'a smasnil tiempo.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

A Ch'an̈ Schab'l Libro Samuel 3:39

Yuj cha, wach'xam a Dios in si'n 'och reyal, palta caw wal may wip tzwab'i, yuj stu nab'enal eb' yune 'ix Sarvia. A cab' Jehová 'oj 'a'nc spac 'a jun mach x'och smul tic, xchi David.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

A Ch'an̈ B'ab'el Libro Yic Yab'ixal Eb' Rey 1:20

A ticnec ach wajlil rey, wan stan̈wni smasnil eb' quit israelal, tas xa chi, mach junc 'oj 'ochcn reyl a jeloc.

1 Cr 22:2

Xlajw cha, 'ix ya'n David syam sb'a smasnil eb' chuc chon̈b'al cajn 'ec' 'a scal eb' israel. A 'a scal eb' cha, ata 'ix si'x 'elt eb' tzeym q'uen 'oj tzeync q'uen q'uen 'oj 'och 'a yatut Dios.

2 Cr 1:2

Xlajw cha, 'ix yawtn Salomón smasnil eb' yit israelal: atn eb' syajlil eb' soldado, eb' juez, smasnil eb' yichm wincal chon̈ab', yet' eb' yajl yaj 'a scal eb' yican, atn eb' niwn yel'ch yopiso 'a chon̈b' Israel.