1 Cr 28:7 - Chuj San Sebastian Bible

⁷ An̈jtona', an 'oj wac' yic' yip yopiso chi 'a smasnil tiempo, toto te'nn̈ej 'oj yutc sb'a sb'eylb'an in checnb'il yet' in cuynb'il, 'icha 'a jun c'u tic, xchi Dios 'ayin.

Chuj San Mateo Bible

⁷ An̈ejtona' ol vac'can yopisio vin̈ d'a juneln̈ej, tato ol stec'b'ej val sb'a vin̈ sc'anab'ajan masanil in checnab'il yed' masanil in c'ayb'ub'al, icha sc'ulej vin̈ ticnaic, xchi Jehová d'ayin.

1 Cr 28:7 Referans Kwoze

1 Cr 22:13

Wach'n̈j 'oj 'el'choc smasnil, toto tza ya'ilj a yiclni scuynb'il, yet' sley 'ix yac' 'a Moisés cu'uj. ¡Te'n tzotj a b'a, 'ac' ep, man̈ ach xiwoc, man̈ a chab'c'ojloc pax a b'a!

A Ch'an̈ B'ab'el Libro Yic Yab'ixal Eb' Rey 8:61

Yuj cha, cojn cab' 'a Jehová qui Diosalec 'aj tzca'c 'och qui c'ojol, yiclum cab' tzcutjec qui b'a 'a sley yet' 'a schecnb'il, 'icha tzcutjec ticnec, xchi Salomón.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Salmos 132:12

Toto yiclum tzyutj sb'a eb' onnal 'a in trato, yet' smasnil tas 'oj wal 'a eb', toto 'ixta', a junc eb' en̈tl 'oj 'ochx can a jelc 'a opiso, ax sb'ey jun 'opiso chi 'a yib'n̈ yunnal eb' b'aq'uin̈.

1 Cr 28:10

'Iltnab'an, a Jehová ach si'n 'eli yic 'oj a b'onc chan̈ jun n̈a 'oj scajnub'oc. Yuj cha, ¡'ac' ep, 'och cab' munljel! xchi David.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

1 Cr 28:8

A ticnec jun, 'a e sat e masnil ex wit israelal, ex schon̈b' Jehová, yet' 'a yojltac qui Diosalec tzon̈ 'ab'ni, cham wal waln 'ayex, to tze cuy smasnil schecnb'il Jehová qui Diosal, tzeyiclni paxi, sec wach' 'oj e caj jun chon̈b' to man̈x jantcoc swach'l tic, ax xo 'oj eya'cn lum smacloc eb' eyunnal 'a smasnil tiempo.

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.