1 Cr 26:32 - Chuj San Sebastian Bible

³² A sb'isl eb' caw jeln cha, 2,700 eb' 'a smasnil, yajl yaj eb' 'a yib'n̈ eb' yin̈til. 'Ix 'ajx 'och 'a yib'n̈ eb' yuj rey David, to a eb' tz'iln eb' yin̈tl Rubén, eb' yin̈tl Gad yet' spacl eb' yin̈tl Manasés. A yopiso eb', to a eb' tz'iln smasnil tas to yic Dios yaji, yet' pax tas to yic win rey.

1 Cr 26:32 Referans Kwoze

2 Cr 19:11

A Amarías sat ya'mal 'och sti eb' 'anma 'a Dios, cojn 'oj stac' yaln tas 'oj b'o 'a yic Jehová, ax Zebadías, yunnal Ismael, a yajl 'oj 'aj 'a yib'n̈ eb' yin̈tl Judá, yet' 'a smasnil smunljel win rey. An̈jtona', 'oj colwjoc eb' levita eyet'oc. ¡Te'n tzeyutj e b'a, 'a'c eyip 'a eyopiso! A mach wach'n̈j tas 'oj sb'o', 'aychn̈ej cab' Jehová yet'oc, xchi.

1 Cr 24:31

An̈jtona pax eb' tic, suerteal 'ix yutj eb' schan yopiso, 'icha 'ajnc eb' yican eb', atn eb' yin̈tl Aarón, a 'a yojltac rey David, Sadoc, Ahimelec, eb' yajl yaj 'a eb' yin̈tl eb' ya'mal 'och sti eb' 'anma 'a Dios, yet' 'a eb' yajl yaj 'a eb' yin̈tl Leví. Lajn 'ix 'aj yajx yopiso eb' yin̈tl win b'ab'l winac, yet' 'a eb' yin̈tl win slajub'.

1 Cr 23:24

Atn jun tzo'n̈ eb' yin̈tl Leví tic 'aych yopiso 'a yatut Jehová. A tzyal smacquixtacl 'ix 'aj stz'ib'x sb'isl eb', smasnil eb' sjunc'lil ab'il sq'uinal, tzb'ey 'a yojltac.

1 Cr 15:12

'Ix yaln 'a eb' 'ixtic: Ax tic, ax yajl eyaj 'a yib'n̈ eb' eyican, sacb'tzejc e b'a yet' smasnil eb' eyican cha, sec 'oj stac' eyi'n cot te scaxail strato Jehová qui Diosal an̈ israel on̈ec tic, 'a jun lugar tox 'ix wac' b'o'oc.

1 Cr 12:37

Ax 'a scal eb' 'ay 'a junx sc'axpil 'ec' a Jordán, 'ay 120 mil winc 'a 'a eb' yin̈tl Rubén yet' 'a yin̈tl Gad yet' pax 'a spacl eb' yin̈tl Manasés, lista pax yaj eb' s'at 'a owl cha, yet' eb' smasnil junjn c'aj yamc'ab' yic owal.

1 Cr 27:1

A jun tic, slistail eb' sat yajl yaj 'a yib'n̈ eb' yican. Yajl yaj eb' 'a yib'n̈ eb' syajlil mil soldado, 'a yib'n̈ eb' syajlil jun ciente soldado, atn eb' ya'mal servil win rey, yic tzyiln eb' junjn macn̈ eb' soldado tz'och yilmalc win rey 'a junjn 'uj. Macquiltac yoch eb' 'a yol junjn ab'il. A 'a junjn macan̈ 'ay 24 mil winac.

Josué 1:12

An̈jtona', 'ix yaln Josué chi 'ixtc 'a eb' yin̈tl Rubén, 'a eb' yin̈tl Gad yet' 'a spacl eb' yic Manasés: