1 Cr 26:17 - Chuj San Sebastian Bible

¹⁷ 'A junjn c'u wacwn̈ eb' levita tztan̈wni puerta 'a stojlal 'aj tzq'uel c'u, chan̈wn̈ 'a stojlal norte, chan̈wn̈ pax 'a stojlal sur, ax chatcwan̈ tztan̈wni spuertail yatutal 'aj tzmolx tas 'a yatut Dios.

Chuj San Mateo Bible

¹⁷ Junjun c'u, ay vacvan̈ eb' vin̈ stan̈van puerta d'a stojolal b'aj sjavi c'u, chan̈van̈ eb' vin̈ d'a stojolal norte, chan̈van̈ pax eb' vin̈ d'a stojolal sur, axo pax b'aj sic'chaj tas tz'ac'ji silab'il d'a Jehová chi', chatacvan̈ eb' vin̈ stan̈van junjun puerta.

1 Cr 26:17 Referans Kwoze

2 Cr 8:14

An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.

1 Cr 9:24

'Aychn̈ej stan̈mal spuertail 'a schan̈ paq'uil; 'a stojlal 'aj tzq'uel c'u, 'a stojlal 'aj tz'em c'u, 'a stojlal norte yet' 'a stojlal sur.

1 Cr 26:16

A Supim yet' Hosa, a eb' xcan tan̈j puerta 'a stojlal 'aj tz'em c'u, yet' jun puerta yic Salequet 'a 'aj tzq'uel b'e. A eb' 'aych yet' eb' tzjucb'tzan cha, stzol-l tzyutj eb' stan̈wni puerta cha.

1 Cr 26:18

A 'a yamq'uil yatutal 'aj tzmolx jun tzo'n̈ yamc'ab', 'a stojlal 'aj tz'ejm c'u, chan̈wn̈ tztan̈wni 'a sti b'e, ax chawn̈ xo tztan̈wni 'a scoredoral cha.

2 Cr 31:14

A Coré, yunnal Imna yin̈tl Leví, a yajl yaj 'a yib'n̈ eb' stan̈mal spuertail yatut Jehová 'a stojlal 'aj tzq'uel c'u, 'aych pax 'a yib'n̈ schan ofrenda to tz'el 'a sc'ojl eb' 'anma ya'ni, yet' ofrenda to tzpojx 'eq'ui, yet' tas to yic Jehová yaji.

Nehemías 12:25

A Matanías, Bacbuquías, Obadías, Mesulam, Talmón yet' Acub, tan̈m puerta eb', atn eb' 'aych stan̈malc jun tzo'n̈ cuarto 'aj tzmolx tas 'ay yopiso.