1 Cr 25:8 - Chuj San Sebastian Bible

⁸ Suerteal 'ix yutj eb' spojn 'ec' yopiso ya'w servil, tz'och eb' 'ichmtac winac, eb' quelem, eb' tzcuywji yet' eb' wanto scuywi.

Chuj San Mateo Bible

⁸ D'a sorteoal ix aj yoch eb' vin̈ sb'itani, tz'och eb' vin̈ ichamtac vinac yed' eb' vin̈ quelemtac, eb' vin̈ c'ayb'umxo yed' eb' vin̈ vanto sc'ayb'ani.

1 Cr 25:8 Referans Kwoze

1 Cr 26:13

Suerteal 'ix 'aj sch'oxxi, tas puertail tztan̈wj junjn macn̈ eb', eb' 'ichmtac winac yet' eb' quelem, a tzyal yin̈tl eb'.

Pr 16:33

Wach'xam tzca'c 'och suerte 'a yib'n̈ junc tas, palta a Jehová, a 'ojtnac tas snab'en 'a yib'an̈.

A Tas Sc'ulejnac Eb' Schecab' Jesús Hechos 1:26

Xlajw cha, x'och suerte 'a yib'n̈ eb' schawn̈il. Yuj cha, 'ix checlj yuj jun suerte cha, to a 'a yib'n̈ Matías xcan jun 'opiso cha. A x'ochx can stz'acb'oc eb' uxlchwan̈ schecb' Jesucristo.

Nehemías 12:24

A eb' yajl yaj 'a scal eb' levita tzb'itni: atn Hasabías, Serebías, Josué, Binuy yet' Cadmiel. Ax jun tzo'n̈ xo eb' yican eb' cha, lin̈n 'ec' eb' 'a yojltac eb' yic tzb'itn eb'. Tzyaln eb' yuj diosal 'a Jehová, yic 'aych eb' 'a yopiso 'a stzolil, 'icha yutjnac win schecb' Dios yaln 'a pecti, atn David.

2 Cr 23:13

Ax xyiln 'ix jun rey cha, lin̈n 'ec' 'a stz'ey jun 'oy 'a sti yatut Jehová. A 'a stz'ey cha, ata 'ayc' eb' syajlil eb' soldado, yet' eb' tz'utz'n trompeta. Caw tzalj eb' 'anma chi smasnil. 'Ay eb' tz'utz'n no cacha. 'Ay pax eb' tzb'itn yet' jun tzo'n̈ yamc'ab', yic tzjucb'tzax eb' tzb'itn yuj yaln eb' wach' paxti 'a Dios. Yuj cha, stzilnjat 'ix Atalía spichul, xyaln 'ixtic: —¡Pechm ex 'el yajl ax tic! ¡Pechm ex 'el yajal! xchi 'ix.

1 Cr 26:16

A Supim yet' Hosa, a eb' xcan tan̈j puerta 'a stojlal 'aj tz'em c'u, yet' jun puerta yic Salequet 'a 'aj tzq'uel b'e. A eb' 'aych yet' eb' tzjucb'tzan cha, stzol-l tzyutj eb' stan̈wni puerta cha.

1 Cr 24:31

An̈jtona pax eb' tic, suerteal 'ix yutj eb' schan yopiso, 'icha 'ajnc eb' yican eb', atn eb' yin̈tl Aarón, a 'a yojltac rey David, Sadoc, Ahimelec, eb' yajl yaj 'a eb' yin̈tl eb' ya'mal 'och sti eb' 'anma 'a Dios, yet' 'a eb' yajl yaj 'a eb' yin̈tl Leví. Lajn 'ix 'aj yajx yopiso eb' yin̈tl win b'ab'l winac, yet' 'a eb' yin̈tl win slajub'.

1 Cr 24:5

Suerteal x'aj spojx 'ec' yopiso eb' cha, stzol-l yiln eb', yujto a 'a scal eb' yin̈tl Eleazar yet' 'a scal eb' yin̈tl Itamar, 'ay eb' niwc yajl sic'b'il 'och 'a yopiso 'a yatut Dios cha.

1 Cr 15:22

Ax Quenanías syajlil eb' levita, a tzjucb'tzan eb' 'a b'it, yujto caw tznachj 'el yu'uj.

Lv 16:8

Axta tzya'ch suerte 'a yib'n̈ e no chiwo chi schawn̈il: Jun no 'oj 'och wico'oc, ax junx no 'oj pechx can 'at 'a cusltac lu'um.

1 Cr 25:9

A yic 'ix 'el-l suerte eb', 'ixtc wal 'ix 'aj yel-l stzolil, win b'ab'el, masnto 'a win slajub', 24 macn̈ eb' 'a smasnil, yu'tacn̈ej sb'a eb', yunnaln̈ej pax sb'a eb', lajchwan̈ sb'ey eb' 'a junjn macan̈. A 'a scal eb' lajchwan̈ cha, ata 'ay junjn mach tzjucb'tzan eb', atn eb' tic: José, yin̈tl Asaf, Gedalías, Zacur, Izri, Netanías, Buquías, Jesarela, Jeshaías, Matanías, Simei, Azareel, Hazabías, Sebuel, Matatías, Jeremot, Hananías, Josbecasa, Hanani, Maloti, Eliata, Hotir, Gidalti, Mahaziot, yet' Romanti-ezer.

1 Cr 25:2

'A scal eb' yunnal Asaf: atn Zacur, José, Netanías yet' Asarela. A mach tzjucb'tzan eb', atn Asaf, win smam eb', a tzaln 'el spaxti Dios 'a yic tzyaln win rey 'a 'a.