1 Cr 24:6 - Chuj San Sebastian Bible

⁶ A Semaías 'ajtz'ib', yunnal Natanael win levita, wal 'a yojltac win rey, yet' 'a yojltac eb' 'ichmtac winac, 'ix stz'ib'j sb'i eb' syajlil junjn macan̈. A eb' 'ayc' yet' win rey cha, atn Sadoc ya'mal 'och sti eb' 'anma 'a Dios, yet' Ahimelec yunnal Abiatar, yet' pax eb' yajl yaj 'a yib'n̈ eb' ya'mal 'och sti eb' 'anma 'a Dios yet' jun tzo'n̈ xo yin̈tl eb' levita. Suerteal xyutj eb' yiln yopiso 'a stzolil, jun yic yin̈tl Eleazar jun pax yic yin̈tl Itamar.

Chuj San Mateo Bible

⁶ A eb' vin̈ yajal yaj d'a scal eb' vin̈ yin̈tilalcan vin̈aj Eleazar yed' pax eb' vin̈ yin̈tilalcan vin̈aj Itamar, ix sic' sorteo eb' vin̈ d'a stzolal, jun yic eb' vin̈ yin̈tilalcan vin̈aj Eleazar chi', jun pax yic eb' vin̈ yin̈tilalcan vin̈aj Itamar chi'. Icha chi' ix aj smunlaj eb' vin̈ d'a yopisio. Axo vin̈aj Semaías yuninal vin̈aj Natanael yin̈tilalcan vin̈aj Leví ix tz'ib'an sb'i eb' vin̈ ayic ix sic'an sorteo chi' eb' vin̈. Axo eb' vin̈ sacerdote ayoch d'a yopisio yed' vin̈ rey, aton vin̈aj Sadoc yed' vin̈aj Ahimelec yuninal vin̈aj Abiatar yed' eb' vin̈ yajal yaj d'a scal eb' vin̈ sacerdote chi' yed' d'a scal eb' vin̈ levita, testigo yajcan eb' vin̈.

1 Cr 24:6 Referans Kwoze

1 Cr 18:16

A Sadoc yunnal Ahitob, yet' Ahimelec yunnal Abiatar, ya'mal 'och sti eb' 'anma 'a Dios yaj eb', ax pax Savsa, a tz'ib'n 'ab'ix.

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Mt 8:19

Palta a yic mantzac 'at eb', 'ay jun cuywjum 'a ley yic Moisés xc'och 'a 'a, xyaln win 'a 'ixtic: —Ach in Cuymal, tzann̈j 'aj 'oj a 'ati, 'oj in 'atn̈j et'oc, xchi win 'a 'a.

Nehemías 8:1

'Ix syamn sb'a smasnil eb' chon̈b' 'a plas; junn̈j xyutj sb'a eb' 'a sti puerta 'aj tz'elt eb' 'ix 'ix cuchj a'. 'Ix alx 'a win cuywjum Esdras, to tzyij cot win ch'an̈ libro yic ley Moisés, atn jun ley ya'jnac Jehová 'a chon̈b' Israel.

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

1 Cr 23:24

Atn jun tzo'n̈ eb' yin̈tl Leví tic 'aych yopiso 'a yatut Jehová. A tzyal smacquixtacl 'ix 'aj stz'ib'x sb'isl eb', smasnil eb' sjunc'lil ab'il sq'uinal, tzb'ey 'a yojltac.

A Ch'an̈ B'ab'el Libro Yic Yab'ixal Eb' Rey 4:3

Elihoref yet' Ahías yunnal Sisa, atn eb' tz'ib'n yab'xil tas tzb'o win rey; ax Josafat yunnal Ahilud, yajtz'ib' win rey yaji;

Mr 2:26

'Ochnc 'a yatut Dios, yic 'aych win Abiatar sat ya'malc 'och sti eb' 'anma 'a Dios. A yic cha, swajnac jun tzo'n̈ pan yic Dios yaji, xya'n pax 'a eb' ajun yet' cha. A jun tzo'n̈ pan cha, cojn eb' ya'mal 'och qui ti 'a Dios, an̈j eb' 'ay sleyl swani, palta a jun sb'ojnac David cha, man̈ mulc 'a sat Dios.

1 Cr 24:7

Atn slistail junjn macn̈ eb' tic, a tzyal x'aj yel-l stzol-l yiln eb' yopiso 'a suerteal, 'a win b'ab'el, masnto 'a win slajub', 24 macn̈ eb' 'a smasnil: atn Joiarib, Jedaías, Harim, Seorim, Malquías, Mijamín, Cos, Abías, Jesúa, Secanías, Eliasib, Jaquim, Hupa, Jesebeab, Bilga, Imer, Hezir, Pisés, Petaías, Hezequiel, Jaquín, Gamul, Delaía, Maazías.

1 Cr 24:31

An̈jtona pax eb' tic, suerteal 'ix yutj eb' schan yopiso, 'icha 'ajnc eb' yican eb', atn eb' yin̈tl Aarón, a 'a yojltac rey David, Sadoc, Ahimelec, eb' yajl yaj 'a eb' yin̈tl eb' ya'mal 'och sti eb' 'anma 'a Dios, yet' 'a eb' yajl yaj 'a eb' yin̈tl Leví. Lajn 'ix 'aj yajx yopiso eb' yin̈tl win b'ab'l winac, yet' 'a eb' yin̈tl win slajub'.