1 Cr 24:1 - Chuj San Sebastian Bible

¹ An̈jtona', a eb' yin̈tl Aarón stzol-l yajch eb' yiln yopiso. A eb' yunnal Aarón, atn Nadab, Abiú, Eleazar yet' Itamar.

Chuj San Mateo Bible

¹ D'a stzolal tz'aj yilan yopisio eb' vin̈ yin̈tilal vin̈aj Aarón chi'. Axo eb' vin̈ yuninal vin̈: Aton vin̈aj Nadab, vin̈aj Abiú, vin̈aj Eleazar yed' vin̈aj Itamar.

1 Cr 24:1 Referans Kwoze

Ex 6:23

Ax Aarón 'ix yij sb'a yet' 'ix Elisabet, yisl Aminadab yanb' Naasón, xlajw cha, 'ix 'alj yunnal eb', atn Nadab, Abiú, Eleazar yet' Itamar.

1 Cr 23:6

Spojn 'el David eb' 'a junjn macn̈il, a tzyal eb' yunnal Leví: Atn Gersón, Coat yet' Merari.

Nm 26:60

Ax eb' yunnal Aarón atn eb' tic: Nadab, Abiú, Eleazar yet' Itamar.

Nm 3:2

Eb' yic Aarón: atn Nadab win b'ab'l 'unnab'il, tza'n win Abiú, Eleazar yet' Itamar.

1 Cr 6:3

A eb' yunnal Amram: atn Aarón, Moisés yet' María. A eb' yunnal Aarón: atn Nadab, Abihú, Eleazar yet' Itamar.

Ex 28:1

'Ix yaln pax Jehová 'ixtic: 'Awtj cot o'tac Aarón yet' eb' yunnal, atn Nadab, Abiú, Eleazar yet' Itamar. Sic' 'elt eb' 'a scal eb' eyit israelal sec a eb' 'oj 'och ya'malc 'och sti eb' 'anma 'ayin.

1 Cr 28:13

An̈jtona', 'ix ya'n pax slistail tas 'oj 'aj sjaw eb' ya'mal 'och sti eb' 'anma 'a Dios, yet' eb' levita, yic tzyi'n 'elt eb' yopiso yet' smasnil tas 'oj sb'o eb' 'a yatut Jehová cha, yet' slistail smasnil syamc'ab'il yic tz'och 'emmquilal ta'.

2 Cr 5:11

'Ix 'elt eb' ya'mal 'och sti eb' 'anma chi 'a yol scajnub' Dios, yujto smasnil eb', tox 'ix sacb'tzej sb'a eb', wach'xam man̈ stzol-loc xyutj eb' yi'n 'elt smacul.

2 Cr 8:14

An̈jtona', sb'on pax 'och munljel 'a stzolil, 'icha yaj yuj smam, atn David, sec wach' a eb' ya'mal 'och sti eb' 'anma', tztac' yiln eb' yopiso, yet' eb' levita, atn eb' 'aych 'a yib'n̈ sb'itn 'a Dios, tzcolwj pax eb' yet' eb' ya'mal 'och sti eb' 'anma 'a junjn c'u 'a tas yowlal tzc'anxi. Yet' pax yic tas tz'aj yoch eb' tan̈m puerta 'a stzol-l 'a junjn puerta, yujto 'ixta yutjnac can David yalni, atn schecb' Dios.

2 Cr 23:8

A eb' levita yet' smasnil eb' 'anma 'aj Judá, 'ix syiclj eb' sb'on smasnil tas 'ix yal Joiada. Junjn eb' yajl cha, 'ayc' eb' yet' eb' 'aych 'a yol sc'ab', eb' tz'och yil yopiso 'a sc'ul 'iljelal yet' eb' tz'eli. Yujto ma'ix chax 'el eb' yuj Joiada cha, yic tzlajw yiln eb' yopiso 'a stzolil.

2 Cr 31:2

Xlajw cha, spojn 'ec' Ezequías eb' ya'mal 'och sti eb' 'anma 'a Dios yet' eb' yit levitail 'a stzolil, sec wach' junjn mach tzyil yopiso. A eb' ya'mal 'och sti eb' 'anma', a eb' x'a'n tz'a no xajmb'al to tz'a smasnil, yet' no xajmb'al yic junc'ojlal. Ax jun tzo'n̈ xo eb' levita cha, a eb' 'ix 'a'n yuj diosal 'a Jehová, 'ix yaln pax eb' wach' paxti 'a 'a, stan̈wni pax eb' spuertail yatut Jehová.

Esdras 6:18

Xlajw cha, x'ajx 'och junjn c'aj eb' ya'mal 'och sti eb' 'anma 'a Dios 'a stzol-l yiln yopiso, yet' jun tzo'n̈ xo eb' levita, x'ajx yopiso eb' 'a yatut Dios 'a Jerusalén, 'icha yaj stz'ib'x can 'a ch'an̈ libro yic Moisés.

Nm 3:4

Palta a Nadab yet' Abihú, 'ix cham eb' 'a yojltac Jehová 'a lum cusltac lum yic Sinaí, yujn̈ej to xya'ch eb' jun c'ac' chuc yel 'a yojltac Jehová, mant 'a xon yunnal eb'. Yuj cha, cojxn Eleazar yet' Itamar 'ix 'och ya'malc 'och sti eb' 'anma 'a Dios 'a yaln̈ schecnb'il Aarón, atn smam eb'.