1 Cr 21:26 - Chuj San Sebastian Bible

²⁶ Axta sb'o chan̈ jun yet'l xajmb'al chi 'a Jehová. Ata 'ix yac' xajmb'al to tz'a smasnil, yet' xajmb'al yic junc'ojlal. 'Ix leslwi 'a Jehová. 'Ix ta'w 'a 'a, yuj cha, xya'n cot c'ac' 'a satcha'an̈, 'ix 'ejm 'a yib'n̈ jun no xajmb'al cha.

Chuj San Mateo Bible

²⁶ Ata' ix sb'oq'ue jun altar vin̈, ix sn̈usan silab' vin̈ yed' silab' yic junc'olal. Ix lajvi chi', ix lesalvi vin̈ d'a Jehová, axo Jehová chi' ix ac'ancot c'ac' d'a satchaan̈ d'a yib'an̈ jun silab' d'a yib'an̈ altar chi'.

1 Cr 21:26 Referans Kwoze

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Jueces 6:21

Ax jun yángel Jehová cha, 'ix stecn 'och sn̈i sc'occh 'a no chib'j cha, yet' 'a 'ixm pan may yich. Yajn̈j wal cha, 'ix pitzw chan̈ c'ac' 'a yib'n̈ q'uen q'uen cha. Xtz'a no chib'j chi smasnil, yet' 'ixm pan may yich cha. Ax jun yángel Jehová cha, wal 'a yajn̈ej 'ix satchan̈ 'a yojltac winac.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Salmos 99:9

Ex wit chon̈ab', ¡Calc wach' paxti 'a Jehová qui Diosalec! 'Em coyc cumn 'a yojltac 'a lum tzaln yic yaji, yujto a qui Diosalec, Dios Cojxn̈ej Toni.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 51:15

Mamin Jehová jac wal in ti', sec 'oj ach in b'itnoc yet' in wach' paxti'.

2 Cr 7:1

A yic 'ix lajw sleslwi Salomón, 'ix cot c'ac' 'a satcha'an̈, 'ix tz'a xajmb'al to tz'a smasnil yet' jun tzo'n̈ xo xajmb'al. Caw 'ix macchj 'el yol yatut Jehová chi yuj stzictznial,

2 Cr 3:1

'Ix 'el yich sb'on eb' munljum yatut Jehová 'a Jerusalén, yic schab'l xo c'u yoch schab'l 'uj yic schan̈l ab'il yoch Salomón reyl 'a Israel. Ata xb'o 'a lum jolm witz Moriah, 'a 'aj sch'oxjnac sb'a Jehová 'a David. Atn jun lum chi yic yatut Dios yajcn yuj David cha, atn 'a ste'lab' trigo win Ornán 'aj Jebús.

A Ch'an̈ B'ab'el Libro Yic Yab'ixal Eb' Rey 18:24

Tzlajw cha, tzeyawtn sb'i e diosal cha, an xo, 'oj wawtc pax sb'i Jehová; a junc Dios yajn̈ej tzya'n cot c'ac' 'a yib'n̈ no xajmb'al cha, atn jun cha, caw yel Dios ton b'i'an, xchi 'a eb' 'anma cha. —Caw wach' ton 'ixta', xchi eb' 'anma chi smasnil.

Jueces 13:20

A yic xq'uen̈ilnjoc sc'a'l jun xajmb'al chi stz'a 'a yib'n̈ yet'l xajmb'al cha, ax xyiln eb', x'och jun yángel Jehová chi 'a scal jun c'ac' cha. 'Ix pax 'a satcha'an̈. A yic xyiln eb' jun cha, 'ix 'em c'umnjoc eb' 'a sat lu'um.

1 Cr 21:27

Xlajw cha, 'ix yaln Jehová 'a jun ángel cha, to tzmol 'ejm yespada chi 'a yol yatut.

Nm 16:50

A yic x'och wan scham eb' 'anma cha, ax Aarón 'ix meltzj pax 'a scajnub' Dios 'a 'aj 'aycn Moisés.