1 Cr 2:55 - Chuj San Sebastian Bible

⁵⁵ yet' pax junjn macn̈ eb' 'ajtz'ib' 'e'nc cajn 'a chon̈b' Jabes, atn eb' tirateo, simeateo yet' eb' sucateo. Atn eb' quenita tic cotnc 'a yin̈tl Hamat, atn smam 'ichm can Recab.

Chuj San Mateo Bible

⁵⁵ yed' eb' yin̈tilal eb' soferita ix ec' cajan d'a Jabes, aton eb' tirateo, eb' simateo yed' eb' sucateo. Yed' eb' ceneo cotnac d'a yin̈tilal vin̈aj Hamat smam yicham eb' yin̈tilal Recab.

1 Cr 2:55 Referans Kwoze

A Ch'an̈ Schab'il Libro Yic Yab'ixal Eb' Rey 10:15

A yic x'atx Jehú ta', schan sb'a yet' Jonadab, yunnal Recab, a yic tox xlajw yajx stzatzl sc'ojol, 'ix yaln Jehú 'a 'ixtic. —¿Wach' am ya'n a nab'en 'ayin, 'icha swach'l ya'n in nab'en 'ayach? xchi 'a winac. —N', wach', xchi Jonadab. —Toto 'ixta', 'a' cot a c'ab' 'ayin, xchi Jehú. 'Ix ya'n 'at Jonadab sc'ab' 'a 'a, 'ix sto'n q'ue Jehú yet' 'a yol scaruaje,

Jueces 1:16

A eb' yin̈tl Hobab win quenita, sn̈i Moisés, 'ix 'el eb' 'a jun schon̈b' 'aj til wal te palma, atn Jericó. 'Ix q'ue'ch eb' yet' eb' yin̈tl Judá, 'ix c'och cajn eb' 'a scal eb' 'anma cajn 'ec' 'a lum cusltac lum 'ay 'a yol yic Judá, atn lum 'ay 'a Neguev 'a stz'ey Arad.

Jeremías 35:19

yuj cha, an Jehová in, tztac' wuj smasnil, sDiosal in Israel, an tzwala: May xon b'a'n̈ 'oj satl yin̈tl Jonadab yic tzin ya'n servil, xchi Dios, xin chi 'a eb'.

Jueces 4:11

A 'a sla'nil Cedes cha, 'a 'aj 'ay te mach' yic Zaanaim, ata 'ay smantiado Heber win quenita, yujto tox 'ix spojl sb'a 'a scal eb' yit quenitail, atn eb' yin̈tl Hobab, win sn̈i Moisés.

A Ch'an̈ B'ab'el Libro Samuel 15:6

'Ix ya'n Saúl alxoc 'ixtc 'a eb' ceneo: 'Eln̈ec 'a scal eb' amalecita, sec ma'oj ex qui satl yet' eb' on̈, yujto ax tic, 'o'nc 'och e c'ojl 'a eb' quit chon̈b' on̈ yic sjaw eb' 'a tic yic yelt eb' 'a lum Egipto, xchi. Yuj cha, xyi'n 'el sb'a eb' ceneo 'a scal eb' amalecita.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Esdras 7:6

A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

1 Cr 2:54

Ax eb' yin̈tl Salma, atn eb' 'aj chon̈b' Belén, eb' netofatita, eb' 'aj Atrot-bet-joab, yet' pax spacl xo eb' manahetita, eb' zoreíta,

1 Cr 3:1

A eb' yunnal David 'aljnac 'a Hebrón atn stzol-l eb' tic: Amnón yune 'ix Ahinoam 'aj Jezreel, Daniel yune 'ix Abigail 'aj Carmel, Absalón yune 'ix Maaca, atn 'ix yisl Talmai, sreyl chon̈b' Gesur, Adonías yune 'ix Haguit, Sefatías yune 'ix Abital, Itream yune 'ix Egla, atn junx 'ix yistzil David cha.