1 Cr 2:4 - Chuj San Sebastian Bible

⁴ Ax 'ix Tamar, 'ix yalb' Judá cha, 'ay chawn̈ yune 'ix yet' winac, atn Fares yet' Zera. Yuj cha, own̈ sb'ey eb' yunnal Judá chi 'a smasnil.

Chuj San Mateo Bible

⁴ Axo ix Tamar, ix yalib' vin̈aj Judá chi', ay chavan̈ yune' ix yed' vin̈: Aton vin̈aj Fares yed' vin̈aj Zera. A eb' vin̈ yuninal vin̈aj Judá chi' ovan̈ eb' vin̈ d'a smasanil.

1 Cr 2:4 Referans Kwoze

Mt 1:3

A Judá a 'ay yunnal Fares yet' Zara, Tamar sb'i snun eb' chawn̈ tic. A Fares a 'ay yunnal Hesrón, atn smam Aram.

Nehemías 11:24

A mach tz'och 'a yojltac win rey, yuj tzann̈j checnb'ilal yuj eb' chon̈ab', atn Petaías, yunnal Mesezabel, yin̈tl win Zera, yunnal Judá.

Nehemías 11:4

A 'a scal eb' yin̈tl Judá, ata x'elt can chawn̈ eb' yajl tic: Jun win tzcuch Ataías, yunnal Uzías, yixchicn Zacarías. Ax jun tzo'n̈ xo eb' smam yicham atn eb' tic: Amarías, Sefatías, Mahalalel, yin̈tl Fares eb'. A sb'isl eb' yin̈tl Fares xcan cajn 'a Jerusalén, 'ay 468 eb' 'a smasnil, caw wal jeln eb' 'a owal. Ax junx winac tzcuch Maasías yunnal Baruc yixchicn Colhoze. A jun tzo'n̈ xo eb' smam yicham atn eb' tic: Hazaías, Adaías, Joiarib, Zacarías, yin̈tl Siloni eb'.

1 Cr 9:4

A eb' yin̈tl Judá cha, 'ay 690 eb' winc 'a smasnil. A 'a eb' yin̈tl Fares win yunnal Judá, a Utai yunnal Amiud, 'aych yajlil 'a scal eb', yet' jun tzo'n̈ xo eb' smam yichm 'a stzolil: atn Omri, Imri, Bani, atn eb' yin̈tl Fares win yunnal Judá. A 'a scal eb' yin̈tl Sela yunnal Judá, a Asaías, a b'ab'l 'unnab'il yaj 'a scal eb', yajl yaj 'a yib'n̈ eb' yican. A 'a scal eb' yin̈tl Zera win yunnal Judá, a Jeuel 'aych yajlil 'a yib'n̈ eb' yican.

Rt 4:18

Atn stzol-l eb' yin̈tl Fares tic: Fares atn smam Hezrón.

Rt 4:12

Niwn cab' onnal 'oj yac' Jehová 'aych yet' 'ix. Q'uib' cab' sb'isl en̈tl yet' 'ix, 'icha 'ajnc sq'uib' sb'isl yin̈tl win Fares yune 'ix Tamar, win yunnal Judá, xchi eb'.

Gn 38:11

Xlajw cha, xyaln win Judá 'a 'ix yalb' chi 'ixtic: —A ticnec, wach' tzach paxx can yet' a mam a nun; may junc xo winc tztac' e'ni. At yic 'oj c'och sq'uinl ni wunnal Sela, atta 'oj ec' a b'a yet' na, xchi cob' Judá. Yujto sna Judá lemb'il tzcham pax win Sela, 'icha x'aj eb' yu'tac chi schami. 'Ixta x'aj 'ix Tamar spaxcn 'a yatut smam cha.

1 Cr 2:5

A eb' yunnal Fares: atn Hezrón yet' Hamul.

1 Cr 4:1

Ax eb' yunnal Judá: atn Fares, Hezrón, Carmi, Hur yet' Sobal.