1 Cr 19:16 - Chuj San Sebastian Bible

¹⁶ A yic 'ix yiln cot sb'a eb' sirio chajtlto tox 'ix 'ajx ganar eb' yuj eb' israel, yuj cha, 'ix schecn 'at eb' schecb' 'a eb' yit sirioal 'ayc' 'a junx sc'axpil 'ec' a Éufrates, sec tzcot eb' colwjoc yet' eb'. A Sofac a scapitan̈il eb' soldado yic rey Hadad-ezer, a sat yajl x'aj 'a smasnil eb' soldado.

Chuj San Mateo Bible

¹⁶ Ayic ix yilan eb' sirio chi' to ix ac'ji ganar eb' yuj eb' israel, ix yac'anb'at schecab' eb' d'a eb' yetchon̈ab' ay d'a sc'axepalb'at a' Éufrates yic scot eb' colval yed' eb'. A vin̈aj Sofac yajalil eb' soldado vin̈aj rey Hadad-ezer scuchb'an eb'.

1 Cr 19:16 Referans Kwoze

A Ch'an̈ Schab'l Libro Samuel 10:16

Ax win Hadad-ezer, 'ix 'at ya'nc win cot eb' sirio cajn 'a sc'axpil 'ec' sti a niwn a Eufrates. 'Ix cot eb', axta xjaw eb' 'a chon̈b' Helam. A win Sobac, a win b'ab'l yuj eb', yujto syajlil eb' soldado win Hadad-ezer chi yaj winac.

Is 8:9

Ex nacion̈, yamc e b'a yic tzex cot 'a owal, palta toxn to 'oj e satli; ex nacion̈ 'ay 'a najat, 'ab'tec wali, nab'a cob' tzeyij cot eyamc'ab' yic owal, toxn to 'oj e lajw 'eli.

Salmos 2:1

¿Tas yuj caw tzq'ue 'awjoc eb' chuc chon̈b'al? ¿Tas yuj a jun tzo'n̈ may jac yel'ch 'aj tzya'ch eb' snab'en?

1 Cr 19:15

Ax eb' amonita, 'ix yiln eb' to x'at eb' sirio chi 'eloc, yuj cha, 'ix 'at pax eb' 'elc junx 'a Abisai yet' eb' soldado, 'ix 'och eb' 'a yol schon̈b' scol sb'a. Xlajw xoj cha, 'ix meltzj Joab yet' smasnil eb' soldado 'a Jerusalén.

1 Cr 19:17

Yajn̈j wal cha, 'ix alx jun tzo'n̈ chi 'a David. Yuj cha, 'ix ya'n syam sb'a smasnil eb' israel jun 'ejm xo. 'Ix c'axw 'ec' eb' 'a a Jordán, 'ix c'och eb' 'a eb'. Ax David 'ix yac' lista sb'a yet' eb' soldado, 'ix 'och eb' 'a owl yet' eb' sirio cha.