1 Cr 19:13 - Chuj San Sebastian Bible

¹³ Qui te'wtzoc qui b'a, ca' quip qui coln 'el qui nacion̈, atn eb' schon̈b' qui Diosal. ¡Sb'o cab' Jehová 'icha tznib'ej! xchi Joab.

Chuj San Mateo Bible

¹³ Tec'b'ej a b'a, cac' oval yuj co colan eb' quetchon̈ab', aton schon̈ab' co Diosal. Yac'ocab' Jehová tas tz'el d'a sc'ool, xchi vin̈aj Joab chi'.

1 Cr 19:13 Referans Kwoze

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Nehemías 4:14

A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.

A Ch'an̈ Schab'l Libro Samuel 10:12

Caw te'n tzotj a b'a, ca'c quip qui colnec qui nacion̈, atn eb' chon̈b' yic qui Diosalec. B'o cab' 'icha tas tznib'j Jehová, xchi Joab.

Josué 10:25

'Ix yaln Josué 'ixtic: Man̈ ex xiwoc, may cab' e chab'c'ojlal; caw te'n tzeyutj e b'a eya'n owal, yujto 'ixtn tic 'oj yutc Jehová smasnil eb' 'ajc'ojl yajch 'ayn̈ec, xchi.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

A Ch'an̈ B'ab'el Libro Samuel 4:9

Caw te'n tzcutjec qui b'a an̈ soldado filisteo on̈ tic yic tzon̈ 'ochc 'a owl yet' eb' hebreo cha, sec matz on̈ 'ochc can schecb'oc eb', 'icha x'aj eb' cujec, xchi eb'.

Esdras 10:4

Yuj cha, q'uen̈ wan muc'uc, yujto 'ay aln ec a b'on jun tic, an̈ xo tic, 'oj qui colwj et'oc. Te'wtzej a b'a, 'och cab' munljel cha, xchi eb'.

A Ch'an̈ B'ab'el Libro Samuel 17:32

'Ix yaln David 'ixtc 'a 'a: —May cab' ex tzex xiw yuj win filisteo cha, yujto an a checb' in tic, an 'oj 'at wac' owl yet' winac, xchi David cha.

Jueces 10:15

Yuj cha, 'ix ta'w eb' 'ixtc 'a Jehová: —'Ix 'och wal qui mul 'ayach, ax ticnec, ach tza na'a tas tzon̈ otej, cojn tas tzqui c'an 'ayach, to tzon̈ a colcn 'el 'a yol sc'ab' eb' 'anma tic, xchi eb'.

Josué 1:7

A tas tzwal 'ayach, to tza te'wtzej a b'a, man̈ ach xiwoc, tza yiclni smasnil jun tzo'n̈ ley 'ix yalcn win in checb' Moisés 'ayach. Wach' tzotj a yiclni smasnil, sec wach'n̈j 'oj el'ch yet' tas 'oj a b'o'.

Job 1:22

Wach'xam niwn tas x'ec' 'a yib'n̈ Job, palta may tas tu 'ix yal 'a spatc Dios.

A Ch'an̈ Schab'l Libro Samuel 15:26

Palta toto man̈xtzac tzalj wet' jun, waj ticnec 'a yol sc'ab', sb'o cab' tas 'icha tznib'j 'ayin, xchi win rey cha.

A Ch'an̈ B'ab'el Libro Samuel 3:18

'Ix yaln Samuel smasnil tas 'ix alx chi 'a 'a, may tas 'ix sc'ub'j can 'eli. Yuj cha, xyaln Elí 'ixtc 'a 'a: —Atn ton wal Jehová 'ix alni, sb'o cab' 'icha tas tznib'ej, xchi.

1 Cr 19:12

'Ix yaln 'a 'ixtic: Toto tzela a eb' sirio yel xo jeln eb' 'a wib'an̈, to 'ixta', tzach 'at colwjoc wet'oc. Palta 'oj wila', toto a eb' amonita yel xo jeln 'a eb'an̈, to 'ixta', an xo 'oj in 'at colwjoc et'oc.

1 Cr 19:14

Xlajw cha, 'ix 'at Joab yet' eb' soldado 'ayc' yet'oc, yic tz'at ya'nc eb' owl yet' eb' sirio, palta 'ix 'at eb' sirio chi 'elc 'a eb'.