1 Cr 18:14 - Chuj San Sebastian Bible

¹⁴ 'Ix yac' David reyl 'a yib'n̈ smasnil chon̈b' Israel. Caw wach' 'ix yutj sb'eyb'al, 'ix sb'on yaj eb' yit chon̈b' 'a stojlal.

Chuj San Mateo Bible

¹⁴ A vin̈aj David, ix yac' reyal vin̈ d'a yib'an̈ chon̈ab' Israel. Te vach' ix yutej sb'eyb'al vin̈, d'a stojolal ix sb'o yaj vin̈ tas yaj eb' chon̈ab'.

1 Cr 18:14 Referans Kwoze

Jeremías 33:15

A wal yic 'oj jawc jun tiempoal cha, 'oj wa'ch junc yin̈tl David reyal, a 'oj 'i'nc chan̈ tojlal yet' wach'ilal 'a jun nacion̈ tic.

Salmos 89:14

A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.

Jeremías 22:15

¿Tom tza na'a, to yujn̈ej 'aych 'ec' 'a yol junc n̈a nab'a c'ute 'aych 'a 'a, yuj cha, ax a b'inax reyl si'mb'il? A 'a mam, caw 'ix yac' tzaljoc sc'ojol, yujto tojl xyutj sb'a, wach'n̈j tas sb'o'o, yuj cha, wach' 'ix 'aj 'el'chi.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

1 Cr 12:38

A smasnil jun tzo'n̈ eb' soldado tic, caw xya'ch eb' sc'ojl s'at 'a owal. Yuj cha, stzol-l x'aj eb' s'at 'a Hebrón. Wal 'a smasnil sc'ojl eb', x'at eb' yic tz'at ya'nc 'och eb' David reyl 'a yib'n̈ smasnil eb' israel. An̈jtona jun tzo'n̈ xo eb' yit israelal eb', junn̈j yaj snab'en eb' yic' 'ix 'och David reyal.

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

1 Cr 18:13

Xlajw cha, 'ix ya'n 'och David jun tzo'n̈ eb' soldado stan̈wc chon̈b' Edom. A smasnil eb' edomita cha, 'ix ya'ch sb'a eb' 'a yaln̈ schecnb'il, yujto a Jehová a tz'a'n yac' ganar owal, yaln̈j 'aj tzxit'q'ui.

1 Cr 18:15

A Joab yune 'ix Sarvia, a yajl yaj 'a eb' soldado, ax Josafat yunnal Ahilud, 'ajtz'ib' yaj 'a win rey.

1 Cr 29:26

A David yunnal Isaí, 'ix yac' reyl 'a yib'n̈ smasnil chon̈b' Israel.

Salmos 72:1

Ach in Diosal, 'ac' a tojlal yet' a wach' nab'enal 'a win rey tic yet' yopiso, atn win wunnal an reyn sic'b'iln 'el oj tic,