1 Cr 18:13 - Chuj San Sebastian Bible

¹³ Xlajw cha, 'ix ya'n 'och David jun tzo'n̈ eb' soldado stan̈wc chon̈b' Edom. A smasnil eb' edomita cha, 'ix ya'ch sb'a eb' 'a yaln̈ schecnb'il, yujto a Jehová a tz'a'n yac' ganar owal, yaln̈j 'aj tzxit'q'ui.

Chuj San Mateo Bible

¹³ Ix lajvi chi', ix yac'ancan juntzan̈ eb' soldado vin̈ d'a Edom chi'. Yuj chi' masanil eb' edomita ix ochcan d'a yol sc'ab' vin̈aj rey David chi'. B'ajtac ix yac' oval vin̈, ix yac'n̈ej ganar vin̈ yuj Jehová.

1 Cr 18:13 Referans Kwoze

1 Cr 18:6

Xlajw cha, 'ix ya'n 'och David jun tzo'n̈ eb' soldado tztan̈wni eb' sirio 'a yol yic Damasco. Ax eb' sirio cha, 'ix can eb' 'a yaln̈ schecnb'il, tzya'n pax eb' stojlb'al, yujto a Jehová a tz'a'n yac' ganar David owal, yaln̈j 'aj tzxit'q'ui.

Gn 27:37

'Ix yaln Isaac chi 'a Esaú 'ixtic: —'Ilto, tox xwa'ch yopiso ni Jacob 'a eb'an̈. Smasnil eb' yu'tac 'oj 'och eb' schecb'oc. An̈jtona', tox 'ix walcni, to til wal 'oj yutc ya'n trigo yet' te uva 'a na. ¿Tasto wal wach' tzach wutj ach wunnal? xchi.

2 Co 11:32

A yic wec' 'a chon̈b' Damasco, ata 'ayc' win gobernador munljnac 'a win rey Aretas. A win cha, ya'jnac tan̈wxoc junjn spuertail sti jun chon̈b' cha, sec tzin yamchj yuj win snani.

Salmos 144:10

Ach wal tzac' sjelnal eb' rey, yic tzya'n ganar eb' owal. Ach in a col an a checb' David in tic 'a q'uen espada tzmilwji. Coln 'a yol sc'ab' eb' chuc chon̈b'al, atn eb' tzlaj aln junc tas man̈ yeloc, eb' tzya'cn sti 'a junc tas yic tzya'n 'es.

Salmos 121:7

'Oj on̈ scolc 'a yol sc'ab' maysch'olnil, ax on̈ scolnec 'a yol sc'ab' chamel.

A Ch'an̈ Schab'l Libro Samuel 23:14

A David 'ayc' 'a yol scuartel, ax 'a Belén, ata 'ay nan̈l eb' soldado filisteo.

A Ch'an̈ B'ab'el Libro Samuel 14:1

'Ay jun c'ual, 'ix yal Jonatán win yunnal Saúl 'a jun schecb' 'et'jnac syamc'ab' yic owal, xyaln 'a 'ixtic: —Con̈ wet'oc, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' filisteo, xchi. Palta may tas 'ix yal yab' smam.

A Ch'an̈ B'ab'el Libro Samuel 13:3

Ax Jonatán 'ix smil jun c'aj eb' soldado filisteo 'a Gabaa. A eb' filisteo cha', 'ix yab' sb'a eb' yuj jun cha. Yuj cha, yajn̈ej xya'n win Saúl 'utz'xoc q'uen trompeta 'a smasnil yol yic israel, yic tzyamn sb'a eb' soldado smasnil.

A Ch'an̈ B'ab'el Libro Samuel 10:5

'Oj lajwc cha, ax e c'och 'a Gabaa 'aj tzyal sb'a eb' 'anma 'a Dios. Ata 'ay yet'l junc'aj eb' soldado filisteo ta'. Ax yic 'oj eyoch 'a yol chon̈b' cha, 'oj 'ilchjoc jun tzo'n̈ eb' schecb' Dios eyu'uj, xoj sb'itn eb', wan spax 'emt eb' 'a 'aj tz'och 'emmquilal 'a Dios. B'ab'l eb' tzyucn salterio, pandero, amay yet' arpa.

Nm 24:18

'Oj yac' ganar satn 'el eb' yin̈tl Edom cajn 'a lum Seír, ax yica'an can slum eb' to 'ajc'ojl yajch 'a 'a. A chon̈b' Israel 'oj yic' wal yip si'mb'il.

Gn 27:40

Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

Gn 25:23

'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

A Ch'an̈ B'ab'el Libro Yic Yab'ixal Eb' Rey 11:15

A 'a yic yaln̈taxi ya'jnac ganar David owal, yic scan Edom 'a yaln̈ yu'uj. Ax Joab syajlil eb' soldado, waque 'ujl 'ix can ta yet' eb' soldado yic smuccn eb' xcham 'a owl cha. A yic cha, 'ix smiln cham can smasnil eb' winac yet' eb' quelmtac 'aj Edom.

1 Cr 18:12

An̈jtona pax Abisai, yune 'ix Sarvia, 'ix 'ajx ganar wajxclajn̈e mil eb' edomita yuj 'a pan̈n 'a'lic yic 'atz'am. Caw ch'iyquixtac x'ajcn eb' yu'uj.

1 Cr 18:14

'Ix yac' David reyl 'a yib'n̈ smasnil chon̈b' Israel. Caw wach' 'ix yutj sb'eyb'al, 'ix sb'on yaj eb' yit chon̈b' 'a stojlal.

A Ch'an̈ B'ab'el Libro Samuel 18:14

Yujto caw 'aychn̈ej Jehová yet' David, tzya'n̈j ganar 'a smasnil tas tzb'o'o.