1 Cr 17:27 - Chuj San Sebastian Bible

²⁷ Ax ticnec, 'ix 'el 'a a c'ojl a'n a yaxilal 'a yib'n̈ eb' win̈til, sec wach' 'ayc'n̈ej eb' 'a ojltac. Ach tic Mamin Jehová 'oj ac' a yaxilal 'a eb', sec wach' 'oj scha eb' yaxilal 'a smasnil tiempo, xchi rey David.

Chuj San Mateo Bible

²⁷ A ticnaic jun, elocab' d'a a c'ol ac'an a vach'c'olal d'a vin̈tilal, yic vach' ol ajn̈ej ec' eb' d'a ichan̈. A ach ol ac' a vach'c'olal d'a eb', ol schaann̈ej eb' d'a masanil tiempo, xchi vin̈aj rey David chi' d'a Jehová.

1 Cr 17:27 Referans Kwoze

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Ro 11:29

Yujto a tas tzyac' Dios, jun 'ejmn̈ej tzyac'a. Man̈xtzac yij 'ec' jun 'ejm xo. A eb' tzyawtj 'och Dios yico'oc, jun 'ejmn̈ej tzyawtj 'och eb' yico'oc.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Gn 27:33

Caw wal 'ix sat sc'ojl Isaac, toxn̈ej tzquecni spaxtini, xyaln 'ixtic: —¿Mach pax ni xit' ma'j noc' chi jun, yuj cha, 'ix wul sb'ab'l 'a'nc ni no in chi'? An tic 'ix in c'ux smasnil, yic mantzac ach jaw 'ayin, yuj cha, xwaln can 'el wach' paxti 'a yib'n̈ na. A ticnec, yic xo ni yaj wach'l cha, xchi Isaac.

1 Cr 17:26

A ticnec Mamin Jehová, ach tic Dios ach, ach 'ix alcn jun wach'l tic 'ayin.

1 Cr 18:1

A yic xlajw ye'cn jun tzo'n̈ tic, 'ix 'ajx ganar eb' filisteo yuj David. 'Ix can eb' 'a yol sc'ab', xyi'n 'ec' chon̈b' Gat yet' yaldeail.

1 Cr 28:4

A Jehová qui Diosalec an̈ israel on̈c tic, a in si'n 'eli yic tzin 'och reyl 'a chon̈b' tic 'a jun 'ejmn̈ej. Yujto a 'ix si'n 'el yin̈tl Judá, yic tzya'n yajlil 'a yib'n̈ smasnil quin̈tlec. A 'a scal yin̈tl Judá, a yin̈tl in mam 'ix si'cn 'eli, an xo in si'cn 'el 'a scal eb' wu'tac yic tzin 'och reyal.

Salmos 21:6

Caw 'ix ac' 'a yaxilal 'a yib'n̈ 'a smasnil tiempo; yuj cha, til wal stzaljc'ojlal 'a ojltac.

Nm 23:20

Xyal Jehová 'ayin, to tzwal wach' paxti 'a yib'n̈ jun chon̈b' cha. A tas tzyala, matz tac' in jeln 'eli.

Dt 15:6

'Oj yac' Jehová syaxilal 'a eyib'an̈, 'icha wal yaj yaln cani. Til wal tas 'oj eyac' majnil 'a jun tzo'n̈ xo nacion̈, palta ax xo tic may tas 'oj e c'an e majnoc. Til wal jun tzo'n̈ nacion̈ 'aj 'oj eyac' yajlil, palta man̈oc eb' 'oj yac' yajlil 'a eyib'an̈.

A Ch'an̈ B'ab'el Libro Yic Yab'ixal Eb' Rey 2:33

A schaml eb' cha, 'och cab' smulc Joab, yet' eb' yin̈tl 'a smasnil tiempo. Palta ya' cab' Jehová sjunc'ojlal 'a quib'n̈ an̈ yin̈tl on̈ec rey David, to 'oj quemc wocnn̈ej 'a sdespacho, xchi Salomón.

A Ch'an̈ B'ab'el Libro Yic Yab'ixal Eb' Rey 2:45

Palta ya' cab' Jehová syaxilal 'a wib'n̈ an rey Salomón in tic, ax sdespacho rey David te'nn̈ej yaj 'a smasnil tiempo 'a yojltac Jehová, xchi win rey cha.